Dragon Ball Z

Dragon Ball Z
ドラゴンボールZ(ぜっと) (Doragon Bōru Zetto)
Xénero	Shōnen
Anime Dragon Ball Z
Dirixido por	Daisuke Nishi
Estudio	{{{estudio}}}
Canle televisiva	Fuji Television Televisión de Galicia
Emitido tamén en: Animax, Tokyo Metropolitan Television Cartoon Network
Primeira emisión	26 de abril do 1989 - 31 de xaneiro do 1996 16 de setembro de 1991 - ?[1]
Última emisión	12 de xullo do 2012 - 31 de xaneiro do 2013
Núm. de capítulos	291

Dragon Ball Z (ドラゴンボールZ, Doragon Bōru Zetto^?), tamén coñecido en Galiza como Dragón Z^[2] ou Bóla de Dragón Z, é unha serie de televisión de animación xaponesa de 291 capítulos de 25 minutos adaptada do manga de Akira Toriyama e producida polo estudio Tōei.

É a continuación do anime Dragon Ball. En Galiza emitiuse na década de 1990, dentro do programa infantil Xabarín Club da Televisión de Galicia. No 2005 reemitiuse na mesma canle, mais afirmou que sería a derradeira volta.

Argumento

Dragón Ball Z comeza cinco anos máis tarde que Dragon Ball, despois de casaren Son Goku e mais Chichi. Raditz, un misterioso guerreiro do espazo, chega á Terra para atopa-lo seu irmán, Son Goku. Foi así como Son Goku se decatou que vén dun planeta de guerreiros do espazo que foi derruído e do que só ficaron catro superviventes.

Personaxes

Para máis información sobre os personaxes ver o artigo Lista de personaxes de Dragon Ball

Protagonistas

• Son Goku

É o personaxe principal da serie e o loitador máis forte do universo. Malia ser inxenuo e bondadoso, é tamén un poderoso Saiyajin (Guerreiro do espazo) que case nunca entende da maldade dos outros. Ten unha grande predilección pola loita, coma tódolos guerreiros da súa raza, especialmente cando o seu adversario é máis forte. Casou con Chichi e teñen dous fillos: Son Gohanda e Son Goten.

• Son Gohanda

É o primeiro fillo de Son Goku e mais Chichi. O seu nome ven polo avó adoptivo de Son Goku. Foi o primeiro cruzamento dun Saiyajin cun ser humano, o que resultou nun ser máis poderoso ca un Sayjajin normal. Salvou a Terra na loita contra Célula.

• Krilín

É un humano e tamén o mellor amigo de Son Goku. De cativo, adestrou canda Son Goku co Mestre Mutenroi. En Dragon Ball Z, Krilín foi de grande axuda, enfrontouse ós Saiyajins, Freezer e moitos outros. Creou a técnica Kienzan e casou con C-18.

• Piccoro

É un Namekiano moi poderoso de liñaxe guerreira. Inicialmente inimigo de Son Goku, mais ós poucos acabase aliando a el, pasando ata a adestralo seu fillo Son Gohanda, na fase seguinte, por quen comeza a ter un grande afecto.

• Vexeta

É o fillo do Rei Vexeta e Príncipe dos Guerreiros do espazo. O seu planeta natal é o Planeta Vexeta, destruído por Freezer cando Vexeta aínda era un neno. Dende aquela pasou a traballar para Freezer canda o seu titor, Nappa, e mailo saiyajin, irmán de Son Goku, Raditz. Malia a súa arrogancia, máis adiante confórmase con ter o planeta Terra como o seu lar. Casa con Bulma e xuntos teñen dous fillos: Bra e mais Toranks.

• Toranks

Este personaxe debe ser entendido como dous. O "Toranks do Futuro" vén dun futuro alternativo, para alertar sobre a ameaza dos androides, que tornaron o seu tempo un inferno. O seu mestre de loitas foi Son Gohanda, o único guerreiro vivo na súa liña temporal. O outro é o "Toranks do Presente", un neno de 8 anos e o mellor amigo de Son Goten. Diferentemente da súa contra-parte, el vive unha vida calma e divertida, en virtude de que os outros guerreiros están vivos na súa liña temporal.

Secundarios

• Bulma

É a mellor amiga de Son Goku e mais filla do dono da Corporación Cápsula. É unha muller moi intelixente, mais considérase unha moza linda e fráxil. En Dragon Ball Z, Bulma ten maior participación na Saga de Freezer, mais, durante toda a serie, ela axuda a guerreiros coas súas invencións. Casa con Vexeta e teñen dous fillos, Toranks e mais Bra.

• Yamcha

É un antigo ladrón que abandonou o crime para se xuntar con Son Goku en Dragon Ball. Yamcha adora loitar tanto como adora as mulleres. A súa participación limítase moito debido a forza dos novos inimigos.

• Ten Shin Han

Alumno de Tsuru, o rival de Mutenroi. Ten Shin Han andaba no camiño do mal ata coñecer a Son Goku. El é un humano de tres ollos e o mellor amigo de Chaoz.

• Chaoz

É o mellor amigo de Ten Shin Han, tamén discípulo do Mestre Tsuru. Seguía os mesmos pasos maléficos do seu amigo, adestrando tanto para domina-lo mundo como para matar. É un personaxe feble, que acaba non acompañando o poder de loita dos outros guerreiros; porén, as súas técnicas de auto destrución poden causar grandes danos ó opoñente.

• Mestre Mutenroi

Foi o mestre de Son Goku, Krilín e mais Yamcha. Xubilado dende a aparición do Piccoro Daimaō, foi o humano máis poderoso do planeta. Creou a Kamehameha ou Onda Vital, o principal golpe de Son Goku. Malia non participar máis das loitas, os seus alumnos hónrano usando o seu uniforme de batalla xunto co símbolo.

• Kamisama "Deus"

É o deus da Terra e contra parte de Piccoro. É un namekiano que hai moito tempo foi mandado para a Terra, pois o seu planeta tiña problemas. Aló, el retirou de si toda a súa maldade, que se transformou en Piccoro Daimaō. Na Saga Célula, el fusiónase con Piccoro, volvendo á súa forma orixinal.

• Dende

É un namekiano. Unha das calidades de Dende é a de poder sanda-las persoas e poder falar co dragón das sete bólas máxicas. Fai amizade con Son Gohanda e mais Krilín, cando viaxan ó planeta Namek para atopa-las bólas do dragón dese planeta, mais durante eses eventos as forzas de Freezer invaden o planeta coa mesma intención, e acaba morto polo mesmo Freezer. Tras ser resucitado múdase co seu pobo para o novo planeta Namek, mais tórnase o sucesor de Kamisama, logo de que este se fusionase de novo con Piccoro.

• Son Goten

É o segundo fillo de Son Goku e mais Chichi e o irmán máis novo de Son Gohanda. Imítaselle practicamente o pai, tanto en inocencia como no talento para a loita, Son Goten superou toda á súa familia, en termos de cando eran cativos. Gosta de trebellar co seu mellor amigo Toranks, e xuntos, pódense fusionar creando o guerreiro Songotoranks.

Antagonistas

• Freezer

Foi o culpábel da destrución do Planeta Vexeta e tamén da exterminación dos Saiyajins pois, temía que de entre eles xurdise o Lendario Súper Saiyán. Na procura as bólas máxicas de Namek, Freezer afrontase cos Guerreiros Z, mais ceiba a carraxe de Son Goku ó matar a Krilín, creando o seu peor pesadelo. Con todo, Son Goku déixao vivo e retorna na Saga de Célula, onde é morto por Toranks.

• Célula

Creación suprema do Doutor Guero, Célula foi creado para absorber os androides C-17 e máis C-18 e tornarse un ser perfecto. Célula é constituído de células dos Guerreiros Z e mais de Fricer, podendo así utiliza-lo Kamehameha. El atinxe a súa meta ó supera-lo seu nivel perfecto e consegue matar a Son Goku e a Toranks, mais é destruído polo Kamehameha Son Gohanda.

• Máxico Boo

E un demo creado polo mago Bibidi que hai moito tempo devastou o universo, mais foi trancado nun casulo. Anos despois, o fillo de Bibidi, Babidi esperta a creación do seu pai. Boo ten aparencia fata, mais conseguiu derrota-los guerreiros e destruíla Terra. É morto por Son Goku coa Súper Genki Dama.

Episodios

Artigo principal: Lista de episodios de Dragon Ball Z.

Dobraxe

• Estudio: CTV S.A. (Vigo)
• Tradución: Miguel Vijande
• Dirección: Antón Pazos
• Elenco da dobraxe:

Personaxe	Actor de dobraxe	Actor orixinal (Seiyū)
Narrador	Jorge Pedrosa	Jōji Yanami
Son Goku	Julio Lorenzo (ep. 1 - 243)	Masako Nozawa
Son Goku	Antón Rubal (ep. 244 - 291)	Masako Nozawa
Son Gohanda (Neno)	Tonia Fuentes	Masako Nozawa
Son Gohanda (Adulto)	Iñaki Baliño	Masako Nozawa
Vexeta	Suso Álvarez	Ryō Horikawa
Piccoro	Coté Sansegundo	Toshio Furukawa
Bulma	Ana Lemos	Hiromi Tsuru
Krilín	Óscar Fernández	Mayumi Tanaka
Mestre Mutenroi	Antonio Durán	Kōhei Miyauchi
Chichi	Teresa Santamaría	Mayumi Shō
Yamcha	Alfonso Agra	Tōru Furuya
Oolong	Manuel Pombal	Naoki Tatsuta
Puar	María José Collazo	Naoko Watanabe
Ox (Gyumao)	Xosé Lois	Daisuke Gōri
Tartaruga	?	Daisuke Gōri
Ten Shin Han	Antón Pazos	Hirotaka Suzuoki
Chaoz	Charo Martínez	Hiroko Emori
Karín	Bernardo Xosé	Ichirō Nagai
Deus	Santiago Pousa	Takeshi Aono
Yajirobe	Fernando Bustelo	Mayumi Tanaka
Tou Pai Pai	Xoán Diéguez	Chikao Ōtsuka
Baba a vedoira	Alicia Borrás	Junpei Takiguchi
Señor Popo	Paco Barreiro	Toku Nishio
Sr. Popo	Xoán Bravo (Subst.)	Toku Nishio
Presentador do Gran Torneo	Suso Pando	Kenji Utsumi
Son Goten (Neno)	Tonia Fuentes	Masako Nozawa
Son Goten (Adulto)	Norberto Vilanova	Masako Nozawa
Toranks do Futuro	Manuel Pombal	Takeshi Kusao
Toranks (Neno)	Helena Amoedo	Takeshi Kusao
Toranks (Adulto)	Nacho Castaño	Takeshi Kusao
Dr. Brief	Alfonso Agra	Jōji Yanami
Dr. Brief	Manuel Botana (Subst.)	Jōji Yanami
Dr. Brief	Bernardo Xosé (Subst.)	Jōji Yanami
Nai de Bulma	Beatriz García	Mariko Mukai
Nai de Bulma	Isabel Aguilera (Subst.)	Mariko Mukai
Raditz	Manuel Pombal	Shigeru Chiba
Nappa	Xoán Diéguez	Shōzō Iizuka
Xuíz Yama	Xosé Lois	Daisuke Gōri
Bora	Xoán Diéguez	Banjō Ginga
Upa	Nacho Castaño	Mitsuko Horie
Rei Kaio do Norte	Bernardo Xosé	Jōji Yanami
Rei Kaio do Norte	Xosé Ramón Lojo (dende o ep.51)	Jōji Yanami
Dragón Shenron	Paco Barreiro	Kenji Utsumi
Kui	Martín Mendizábal	Kōji Totani
Freezer	Gonzalo Faílde	Ryūsei Nakao
Zarbon	Iñaki Baliño	Shō Hayami
Dodoria	Xoán Bravo	Yukitoshi Hori
Moori	Xosé Ramón Lojo	Kinpei Azusa
Dende	Helena Amoedo	Tomiko Suzuki
Nail	Suso Pando	Katsuji Mori
Gran Gurú	Manuel Botana	Junpei Takiguchi
Capitán Ginyu	Paco Barreiro	Hideyuki Hori
Jeice	?	Kazumi Tanaka
Burter	Santiago Pousa	Yukimasa Kishino
Recoome	Xoán Diéguez	Kenji Utsumi
Guldo	Martín Mendizábal	Kōzō Shioya
Rei Vexeta	Xoán Bravo	Banjō Ginga
Bardock	Julio Lorenzo	Masako Nozawa
Maron	Beatriz García	Yūko Kobayashi
Garlic .Jr	Martín Mendizábal	Shigeru Chiba
Rei Cold	Carlos Reborada	Daisuke Gōri
C-20 (Dr. Gero)	Mingos González	Kōji Yada
C-19	Santiago Pousa	Yukitoshi Hori
C-17	Miguel Vijande	Shigeru Nakahara
C-18	Isabel Vallejo	Miki Itō
C-18	Mara González (Subst.)	Miki Itō
C-16	Carlos Reboreda	Hikaru Midorikawa
C-16	Fernando Bustelo (Subst.)	Hikaru Midorikawa
Célula	Manuel Botana	Norio Wakamoto
Señor Satán	Santiago Pousa	Daisuke Gōri
Paikuhan	Xesús Iglesias	Hikaru Midorikawa
Videl	Montse Davila	Yūko Minaguchi
Kaio Shin (Deus Neptuno)	?	Yūji Mitsuya
Kibito	?	Shin Aomori
Babidi	Alfonso Agra	Jōji Yanami
Dabla	Mingos González	Ryūzaburō Ōtomo
Pui pui	Fernando Bustelo	Tomohisa Asō
Buu gordo	Xoán Carballido (Subst.)	Kōzō Shioya
Buu	Xoán Diéguez	Kōzō Shioya
Antigo Rei Kaioh Shin	Miguel López Varela	Reizō Nomoto
Oob	Alicia Taboada	Megumi Urawa

• Outros

▪ Aurora Maestre

▪ Xerome Calero

Filmes, Especiais TV e OVAs

Filmes

• A ameaza da zona escura (1989)
• O máis forte do mundo (1990)
• Superbatalla na Terra (1990)
• Son Goku superguerreiro (1991)
• Os adversarios máis fortes (1991)
• Combate contra cen millóns de poderosos guerreiros (1992)
• Os tres grandes superguerreiros (1992)
• Estala o duelo (1993)
• O superheroe da galaxia (1993)
• O regreso de Broly (1994)
• O combate definitivo (1994)
• Fusión (1995)
• O ataque do dragón (1995)
• A batalla dos deuses (2013)
• A Resurrección de 'F' (2015)

Especiais TV

• O pai de Goku (1990)
• Un futuro diferente (1993)

OVAs

• Dragon Ball Z Gaiden (1993)
• O regreso de Son Goku e os seus amigos (2008)

Notas

1. "G25". Arquivado dende o orixinal o 26 de decembro de 2010. Consultado o 01 de decembro de 2010. 
2. CRTVG (ed.). "Dragón Z na TVG". Consultado o 27 de xullo de 2020. 

Véxase tamén

Outros artigos

• Dragon Ball: O manga
• As bólas máxicas: A primeira parte do anime
• Dragon Ball GT: A terceira parte do anime
• Dragon Ball Z Kai: Adaptación remasterizada de Dragon Ball Z
• Xabarín Club

Ligazóns externas

• Páxina oficial (en xaponés)