Die geliebten Schwestern é un filme alemán de 2014 escrito e dirixido por Dominik Graf. O filme baséase na vida do poeta alemán Friedrich Schiller (1759–1805) e a súa relación con dúas irmás, Caroline e Charlotte von Lengefeld. Schiller finalmente casou con Charlotte von Lengefeld.
O filme foi nomeado ó Oso de Ouro na 64ª edición do Festival Internacional de Cinema de Berlín, e tivo a súa estrea internacional neste festival.[1] Foi escollido como candidato de Alemaña para o Óscar ó mellor filme en lingua non inglesa na 87ª edición dos premios, mais finalmente non foi nomeado.[2]