PROFILBARU.COM

Albert Oehlen
Biografía
Nacemento	17 de setembro de 1954 (70 anos); Krefeld, Alemaña
Educación	Escola Superior de Belas Artes de Hamburgo
Actividade
Campo de traballo	Pintura
Lugar de traballo	Alemaña
Ocupación	pintor, profesor universitario, gravador
Empregador	Kunstakademie Düsseldorf (en)
Xénero artístico	New European Painting (en)
Movemento	Arte contemporánea
Influencias	Claus Bohmler (pt) e Sigmar Polke
Representante	Skarstedt Gallery (en) , Galerie Gisela Capitain (en) e Gagosian Gallery (en)
Familia
Pai	Adolf Oehlen
Irmáns	Markus Oehlen

Albert Oehlen, nado en Krefeld, Renania do Norte-Westfalia, o 17 de setembro de 1954, é un artista alemán contemporáneo.

Traxectoria

Oehlen estudou con Sigmar Polke en Hamburgo nos anos setenta. Formouse na Escola Superior de Belas Artes desa cidade entre 1978 e 1981. Recibiu formación como publicista. Apareceu na escena da arte contemporánea a principios dos oitenta dentro dunha xeración de artistas como Martin Kippenberger, Georg Herold e Werner Büttner, especialmente críticos coa ideoloxía dominante da súa época. Está intimamente asociado coa atmosfera artística de Colonia. Foi membro da Lord Jim Lodge xunto con Martin Kippenberger, entre outros.

Oehlen mostrou a súa obra en moitas exposicións internacionais.

Actualmente vive entre Colonia e Segovia. É irmán do artista Markus Oehlen.

Obra

A súa obra forma parte do movemento neoexpresionista alemán, chamado Neue Wilde. As súas primeiras obras son grandes lenzos. Neles exerceu unha forte crítica social. A súa obra, como a do seu irmán Markus, Büttner ou Kippenberger, ten unha certa agresividade que o afasta da utopía política.

Máis tarde evolucionou cara á abstracción, pintando os primeiros cadros abstractos a finais dos anos oitenta. Nalgunhas das súas pinturas pinta temas figurativos sobre fotografías. Tamén realizou pinturas deseñadas por ordenador.^[1]