San Nikolas baseliza Izarbeibarrako Tirapu udalerrian kokatutako XX. mendeko kristau baseliza bat da. Herritik kilometro erdira baino gutxiagora dago, Tirapu, Añorbe, Ukar eta Olkotzera zihoazen bidegurutze zaharrean.
Eraikinak oinplano angeluzuzena eta burualde zuzena ditu, eta ez du barruan markatutako atalik. Bere harrizko horma lodien gainean, bi isurkiko teilatua duen egurrezko estalki berri bat altxatzen da. Ateak, erdi-puntuko arku forma du. Iparraldean, hilerriari atxikita dago. 1691. urtean eraiki zuten eta hainbat aldiz konpondu dute. 2007-2010 urteetakoa auzolanean egindako benetako errehabilitazioa izan zen, Iruñeko artzapezpikuaren bedeinkazioarekin eta bazkari herrikoi batekin amaitu zena.