Marco van Basten

Marco van Basten
Irudi gehiago
Bizitza
Jaiotzako izen-deiturak	Marcel van Basten
Jaiotza	Utrecht ^(en) , 1964ko urriaren 31 (60 urte)
Herrialdea	Herbehereetako Erresuma
Jarduerak
Jarduerak	futbolaria eta futbol entrenatzailea
Parte-hartzailea 1990eko Munduko Futbol Txapelketa UEFA Euro 1988 UEFA Euro 1992 UEFA Euro 2008
Posizio edo espezialitatea	aurrelaria
Pisua	80 kilogramo
Altuera	188 zentimetro
Jasotako sariak	ikusi Urrezko Baloia  (1988, 1989, 1992) Urteko Munduko Futbolariaren Saria  (1992)

Marco van Basten (Utrecht, Herbehereak, 1964ko urriaren 31 -) futbol entrenatzaile eta jokalari ohi herbeheretarra da. 1990 aurreko eta ondoko urteetako erdiko aurrelari onenetako bat izan zen.

1988ko Europako Futbol Txapelketan txapelduna izan zen Herbehereetako futbol selekzio nazionalarekin. Halaber, "Europako futbolaririk onena" izendatu zuten 1988, 1989 eta 1992an eta "Munduko futbolaririk onena" azken urte hartan bertan.

Halaber, UEFAko Txapeldunen Liga 1989 eta 1990ean eta Serie A hiru aldiz (1988, '92 eta '93) irabazi zituen AC Milanekin. Bere herrialdean, Eredivisie 3 aldiz (1982, '83 eta '85) irabazi zuen eta liga horretan 4 aldiz izan zen golegilerik hoberena (1984-87), beti ere Ajaxekin.

Biografia

Marco van Basten 2008an.

Hamasei urte zituela egin zuen debuta, Amsterdameko Ajax futbol taldean. Talde horrekin Europako Errekopa irabazi zuen 1987an, Holandako Liga hiru aldiz (1982, 1983, 1985), eta Herbehereetako Kopa beste hainbatetan.

Holandako Ligan gol gehien sartu zituen futbolaria izan zen hiru aldiz.

Holandako selekzioarekin, 1983-1993 bitarteko urteetan, 24 gol sartu zituen. Gol horietako bati esker, Sobietar Batasunari sartua, Europako selekzio arteko txapelketa irababazi zuen Holandak, 1988an.

1987an Italiako Milan futbol taldean hasi zen jokatzen eta talde horrekin jokatu zituen urterik onenak, Ruud Gullit eta Frank Rijkaard holandarrekin eta Franco Baresi eta Paolo Maldini italiarrekin batera. Milanekin Europako bi Kopa irabazi zituen (1989, 1990), Kontinente Arteko Kopa bi (1989, 1990), Europako Superkopa bi (1990, 1991), Italiako hiru Liga (1988, 1992, 1993).

1986an Urrezko Bota lortu zuen (France Football aldizkariak Europako ligetako golegile nagusiari ematen dion saria), eta hiru aldiz (1988, 1989, 1992) irabazi zuen Urrezko Baloia (aldizkari horrek berak europar jokalari onenari ematen dion saria).

Orkatileko zauri kroniko batengatik utzi behar izan zion jokatzeari.

Jokalariaren ibilbidea

• 1982–1987 Ajax Amsterdam 133 p (128 g)
• 1987–1993 AC Milan 147 (90)

Guztira: 280 partida (218 gol)

Ikus, gainera

• FIFA 100

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo loturak

Wikimedia Commonsen badira fitxategi gehiago, gai hau dutenak: Marco van Basten

• (Ingelesez) Marco van Bastenen webgunea

• Datuak: Q483629
• Multimedia: Marco van Basten / Q483629