UEFA Euro 2008 UEFA Europäische Fußballmeisterschaft 2008 UEFA Championnat Européen du Football 2008 Campionato europeo di calcio 2008 Campiunadi d'Europa da ballape 2008
UEFA Euro 2008, Eurokopa 2008 edo UEFAren Europako Futbol Txapelketa 2008Austria eta Suitzan ospatu zen 2008koekainaren 7tik29ra. 16 selekzio izan ziren parte-hartzaileak; Austria eta Suitza zuzenean sailkatu ziren, antolatzaile izateagatik, eta beste 14 taldeek sailkapen fasea gainditu behar izan zuten. Austria eta Polonia debutariak izan ziren txapelketa honetan.
Ekainaren 29ko finalean Alemania eta Espainia neurtu ondoren, azken hau suertatu zen garaile.
Sailkapen fasea 2006ko Munduko Futbol Txapelketa amaitu eta hilabetera hasi zen, Austria eta Suitza zuzenean sailkatu zirelarik, antolatzaile izateagatik.
Sailkapen fasearen formatua aurreko txapelketetan egindakoaren ezberdina izan zen. Zazpi multzoetako txapeldun eta txapeldunordeak zuzenean sailkatu ziren txapelketarako, bi antolatzaileekin batera 16 selekziotako lehiaketa osatuz. Ezberdintasun nagusia bigarren postuan gelditu zirenek play-off norgehiagokarik jokatu beharrean zuzenean sailkatzean datza, aurreko kasuetan gertatu ez bezala. Hirugarren postuan gelditu zirenek ez zuten sailkatzeko aukerarik izan. Zazpi multzoetatik sei 7 selekziok osatzen zuten, eta bestea, A multzoa, 8 selekziok.
Txapelketako multzoak erabakitzeko zozketa 2007koabenduaren 2an burutu zen, LucernekoKultura eta Batzarren Gunean. Jarraian zerrendatutako pertsonak izan ziren zozketaren arduradun:[1]
Gianni Infantino, zozketaren arduradun.
Peter Schmeichel, 1. seriearen arduradun.
Jürgen Klinsmann, 2. seriearen arduradun.
Didier Deschamps, 3. seriearen arduradun.
Theodoros Zagorakis, 4. seriearen arduradun.
Bernard Dietz, A multzoaren arduradun.
Anton Ondruš, B multzoaren arduradun.
Franz Beckenbauer, C multzoaren arduradun.
Dino Zoff, D multzoaren arduradun.
Euro 92 eta Euro 96 txapelketetan oinarritutako formatura itzuliz, talde bakoitzeko partida guztiak bi estadiotan jokatzea erabaki zen, serie bakoitzeko buruak partida guztiak hiri berean jokatuz. 2000 eta 2004an bezalaxe, 4 serie ezberdinetan banatu ziren sailkatutako selekzioak, 2006ko Munduko Futbol Txapelketa eta Euro 2008ko sailkapen faseetako batez besteko puntu kopuruan oinarrituz. Suitza eta Austria, antolatzaile izateagatik, eta Grezia, aurreko edizioko txapeldun izateagatik, izan ziren hautatutako lehen taldeak.[2]Herbehereak hautatzerako orduan UEFAko koefizientean oinarritu ziren.
