Jean Tardieu

Jean Tardieu
	; Irudi gehiago
Bizitza
Jaiotza	Saint-Germain-de-Joux, 1903ko azaroaren 1a
Herrialdea	Frantzia
Lehen hizkuntza	frantsesa
Heriotza	Créteil, 1995eko urtarrilaren 27a (91 urte)
Hobiratze lekua	Villiers-sous-Grez
Familia
Aita	Victor Tardieu
Ama	Caroline Luigini
Hezkuntza
Heziketa	Lycée Condorcet (en)
Hizkuntzak	frantsesa
Jarduerak
Jarduerak	idazlea, abeslaria eta poeta
Jasotako sariak	ikusi Prix de la langue française (1986) ; Grand prix de littérature de la SGDL (1986) ; Grand Prix de Poésie (1972) ; Ohorezko Legioko komandantea (1994ko apirilaren 1a) ; Grand prix national des Lettres (1993) ;

Jean Tardieu (Saint-Germain-de-Joux, Frantzia, 1903ko azaroaren 1a - Créteil, Frantzia, 1995eko urtarrilaren 27a) frantses poeta eta antzerkigilea izan zen.

Biografia

Aita marrazkigilea zuen eta ama, berriz, harpa-jotzailea. Zazpi urte zituenetik idatzi zuen poesia eta antzerkia. Hamazazpi urte zituela, ikasketak uztea erabaki zuen, eta Parisa joan zen bizitzera.

Le fleuve caché (1933, Ibai ezkutatua) lanarekin egin zen ospetsu. Erresistentziaren garaian eta gerra ondoren idatzi zuen bere poesia onena, Le témoin invisible (1943, Lekuko ikusezina), Poèmes (1944, Poemak) eta Jours pétrifiés (1948, Egun harri bihurtuak). Queneau eta Préverten eraginez, bere poesia ironiaren eta jolas formalaren artean mugitu zen. Aipatzekoak ditu: Monsieur, Monsieur (1951, Jauna, jauna) eta Une voix sans personne (1954, Pertsonarik gabeko ahotsa).

Antzerkigile gisa lan laburrak idatzi zituen, ekitaldi bakarrekoak. 1950eko hamarraldian modan zeuden absurduaren gaiak ere landu zituen. Besteak beste, aipagarriak dira: Un geste pour autre (1951, Keinu bat beste baten ordez ), Le guichet (1955, Leihatila) eta La serrure (1955, Sarraila). 1955ean, Théâtre de chambre (Ganbera-antzerkia) lana argitaratu zuen. Ondorengo lanak :Poèmes à jouer (1960, Antzezteko poemak) eta Une soirée en Provence ou le mot et le cri (1975, Gau bat Proventzan edo hitza eta oihua). 1976an, Formeries bertso-liburua argitaratu zuen. Horiez gainera, aipagarriak dira Le professeur Fraepel (1978, Fraepel irakaslea) eta Comme ceci comme cela (1979, Hau bezala, hori bezala).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.