Galway konderria

Galway konderria
Irlandako Errepublika
Administrazioa
Izen ofiziala	Gaillimh Galway
Estatu burujabe	Irlandako Errepublika
Province of Ireland	Connacht
ISO 3166-2	IE-G
Hiriburua	Galway
Zatiketa	ikusi Galway City East ^(en) , Galway City Central ^(en) , Galway City West ^(en) , Ballinasloe ^(en) , Conamara ^(en) , Loughrea ^(en) , Athenry–Oranmore ^(en) eta Tuam ^(en)
Geografia
Koordenatuak	53°20′00″N 9°00′00″W
Azalera	6.149 km²
Mugakideak	Clareko konderria, Offalyko konderria, Roscommoneko konderria eta Mayoko konderria
Demografia
Biztanleria	258.058 (2016)
Dentsitatea	41,97 bizt/km²
Ordu eremua	UTC±00:00
Matrikula	G
galway.ie…

Galway konderria (ingelesez County Galway eta irlanderaz Contae na Gaillimhe) Irlandako Errepublikako mendebaldean dagoen konderria da, Connacht probintzian dagoelarik. Bere hiriburua Galway hiria da.

Geografia

Natura

Twelve Bens mendilerroak zeharkatzen du konderria. Mendirik altuena Benbaun (729m) da. Irlandako aintzirarik handiena ere bertan dago, Corrib aintzira.

Konderriaren kokapena dela eta, Golkoko itsaslasterrak bete betean harrapatzen du, baina hala ere Aran uharteek Galwayko badia babestu egiten dute.

Hiriak eta herriak

• Galway/Gaillimh (71.983 biztanle), hiriburua
• Tuam/Tuaim (8.242)
• Ballinasloe/Béal Átha na Sluaighe (6.051)
• Loughrea/Baile Locha Riach (5.057)
• Oranmore/Órán Mór (4.799)
• Athenry/Baile Átha an Rí (3.950)
• Clifden/An Clochán (3.284)

Irlandera

Connemara eta Aran Uharteak hartzen dituen eremua, Gaeltacht eremua da, hots, irlanderaz mintzatzen den eremua.

Gaeltachteko udalerriak

Sakontzeko, irakurri: «Gaeltacht»

Gaeltacht lurralde gaelikoaren barruan Connemara/Conamarako barruti azpimarratzekoa da.

Beste herri batzuk:

• Árainn (Inishmore, Aran Uharteak).
• Casla (Costelloe).
• An Cheathrú Rua (Carraroe).
• Cill Rónáin (Kilronan), Aran Uharteak).
• Corr na Móna (Corr na Móna).
• Indreabhán (Inverin).
• Inis Meáin (Inishmaan, Aran Uharteak).
• Inis Oírr (Inisheer, Aran Uharteak).
• Leitir Móir (Lettermore).
• Oileáin Árann (Aran Uharteak).
• Ros a' Mhíl (Rossaveel).
• Ros Muc (Rosmuck).
• An Spidéal (Spiddal).

Historia

Gaur egun Galwayko konderria kokatzen den eremu honetara duela 7.000 urte iritsi ziren lehen gizakiak.

Erdi Aroan erresuma ugari izan ziren lurraldean, besteak beste, Aidhne, Uí Maine, Maigh Seóla, Conmhaícne Mara, Soghain eta Máenmaige. Kristautasuna iristearekin batera monasterio asko eraiki ziren eta hauetan lurraldearen historia jasoa gelditu zen hainbat liburutan, hala nola Annals of Loch Cé, Annals of Connacht, Annals of the Four Masters...

Galwayko konderria bera 1569an eratu zen.

Ondasun nabarmenak

• Connemara Parke Nazionala
• Kylemore abadetxea
• Kilmacduagh monasterioa
• Dunguaire gaztelua
• Dún Aonghasa gotorlekua, Aran uharteetan
• Clifden herria
• Corrib aintzira
• Inishbofin uhartea

Pertsonaia ezagunak

• Pádraic Ó Conaire (1882-1928), irlanderazko idazlea.
• Liam O'Flaherty (1896-1984), idazlea.
• Mairtin O Cadhain (1906-1970), irlanderazko idazlea.
• Máirtín O'Díreáin (1910-1988), poeta.
• Peter O'Toole (1932-), aktorea.
• Tomás Mac Eoin (1937-), Sean-nós abeslaria.
• Dolores Keane (1953-), folk abeslaria
• Seán Keane (1961-), sean-nós abeslaria.

Kirolak

Joko gaelikoak dira nagusi. Galway GAA taldeak 9 aldiz irabazi du futbol gaelikoaren txapelketa nagusia. Hurlingari dagokionez lau garaipen ditu txapelketa nagusia.

Futbolean jokatzen duten taldeen artean Galway United F.C. aipatu behar da. 1991ean Irlandako futbol kopa irabazi zuen.

Errugbi taldeak ere badaude, baina ez dute emaitza nabarmenik izan. Alde batetik konderria ordezkatzen duen Connacht Rugby taldea dago, eta bestetik herrietako taldeak, Galwegians, Galway Corinthians, University College Galway eta Connemara.

Azkenik Belauntzien Volvo Ocean Race estropada ere aipatu behar da, izan ere 2011-12an Galwayen bukatu baitzen. Aurrez 2008-09ko ekitaldian Galwayen eskala egin zuen.

Iruditegia

• 
  Galwayko katedrala
• 
  Connemarako paisaia.
• 
  Kylemore abadetxea.
• 
  Kilmacduagh katedrala.
• 
  Dunguaire gaztelua (Kinvaran).
• 
  Corrib aintzira.

Kanpo estekak

• Galwayko konderriaren webgunea

• Datuak: Q169923
• Multimedia: County Galway / Q169923

53°20′N 9°00′W

{{#coordinates:}}: cannot have more than one primary tag per page