PROFILBARU.COM

Erremendia
	Nafarroa Garaia, Euskal Herria
	Etxaldeko aireko ikuspegia, 2020. urtean
Kokapena
Herrialdea	Nafarroa Garaia
Eskualdea	Pirinioak
Udalerria
Administrazioa
Mota	partzuergo eta etxalde
Izen ofiziala	Erremendia
Posta kodea	-----
Geografia
Koordenatuak	42°52′43″N 1°11′06″W / 42.87865563°N 1.1848801°W
Azalera	7,43 km²
Garaiera	989-1390 metro
Distantzia	75,8 km (Iruñetik)
Demografia
Biztanleria	0 (2021)
Datu gehigarriak
Oharrak	Zaraitzuko Batzorde Nagusiak administratua

Ez nahasi Jaurrieta udalerrian dagoen Erremendiko mendatea.

Erremendia^[1]^[a] (18. partzuergoa) Nafarroa Garaiko partzuergo eta etxalde bat da, Euskal Herriko Nafarroa Garaia lurraldean kokatuta, Pirinioak eskualdean.

Zaraitzuko Unibertsitateko kideek partekatzen dute partzuergo hau.

Erremendia ezohiko kasua da, eta bakarra Nafarroako toki-administrazioan; izan ere, partzuergoari dagokionez, ez da udalerri jakin batekoa. Horrela, eraikin guztiak Zaraitzuko Batzorde Nagusiarenak dira. Horietako bat etxebizitzak hartzeko da, eta, beraz, bertako biztanleak ez dira inongo udalerritakoak. Era berean, ez du posta-koderik.

Geografia

Erremendia Abaurreko lautadan barruan dago, Zaraitzu ibaxako zatian. Ibar hau Pirinioetako ibarra da, Aezkoa eta Erronkaribar ibarren artean. Lautadaren zatia zeharkatzen du Zatoia ibaiak, zaraitzu ibaiaren adarrak.

Mugakideak

Ingurune naturala eta kokapena

Erremendia Zangozako merindadearen ipar-ekialdean dago, NA-140 errepideak zeharkatuta. Etxaldera heltzeko errepideak honako hauek dira: NA-178 Irunberri eta Nabaskoze bitartean, N-135 Zubiri eta Erroibar bitartean eta NA-1720 Agoitzera bitartean.

Klima eta landaredia

Erremendiak klima atlantiko eta mediterraneoaren ezaugarriak dauzka, zenbat eta iparralderago edo hegoalderago egin tenperatura eta prezipitazioak gehiago aldatzen dira. Urteko batez besteko tenperaturak 6 eta 10 gradu bitartekoak dira, eta prezipitazioak 1.400 eta 1.800mm bitartekoak. Urteroko egun euritsuak 130 inguru izaten dira.

Landarediari dagokionez, hegoaldean basapinuak daude, eta zenbat eta iparralderago egin, altueraz igotzen hastean, pagadiak gehiago nagusitzen dira, Erremendian lehen maldetan. Pagoez gain, Aezkoako udalerri gehienetan, haritz ugari daude. Birlandaturiko pinuek 24,6 hektarea hartzen dituzte, Austriatik eta Japoniatik ekarritako espezieak dira, oro har.

Estazio meteorologikoak

Erremendian dagoen, itsasoaren mailatik 1047 metrora, Nafarroako Gobernuak 2001an jarritako estazio meteorologikoa dago.^[2]

Datu klimatikoak (Erremendia, 2001-2020)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	18.9	20.0	21.4	24.9	27.7	34.3	33.6	36.1	31.5	25.6	21.5	19.4	36.1
Batez besteko tenperatura maximoa (°C)	5.7	6.2	9.0	12.0	15.4	20.5	23.1	23.5	19.7	15.3	9.1	6.7	13.8
Batez besteko tenperatura (ºC)	1.3	1.5	4.0	6.9	10.0	14.3	16.2	16.4	13.0	9.7	4.8	2.0	8.3
Batez besteko tenperatura minimoa (°C)	-3.2	-3.2	-1.2	1.1	3.6	7.1	8.7	8.6	6.0	4.0	0.5	-2.4	2.5
Erregistraturiko tenperatura minimoa (°C)	-21.2	-22.6	-24.8	-8.7	-6.2	-3.6	-0.8	-1.6	-4.3	-8.3	-16.4	-19.7	-24.8
Batez besteko prezipitazioa (mm)	162.6	140.7	141.9	124.8	114.8	82.5	43.4	44.8	69.4	120.5	169.4	147.7	1362.5
Prezipitazio maximoa 24 ordutan (mm)	94.7	83.1	48.0	72.9	49.1	56.0	48.1	35.5	51.8	97.8	84.1	71.3	97.8
Iturria: Nafarroako klimatologia zerbitzua^[3]