PROFILBARU.COM

Catherine Zeta-Jones
	; (2012) Irudi gehiago
Bizitza
Jaiotzako izen-deiturak	Catherine Zeta Jones
Jaiotza	Swansea, 1969ko irailaren 25a (55 urte)
Herrialdea	Erresuma Batua
Bizilekua	Chiswick; Swansea
Familia
Aita	David James Jones
Ama	Pat Fair
Ezkontidea(k)	Michael Douglas (2000ko azaroaren 18a -
Seme-alabak	ikusi Carys Zeta Douglas (en) ; Dylan Douglas;
Leinua	Douglas family (en)
Hezkuntza
Heziketa	Dumbarton House School (en) ; Arts Educational School (en)
Hizkuntzak	ingelesa
Jarduerak
Jarduerak	telebista-aktorea, zinema aktorea, antzerki aktorea, bozeramailea, dantzaria, ballet dantzaria, abeslaria, aktorea eta ahots-aktorea
Jasotako sariak	ikusi Britainiar Inperioko Ordenaren komendadorea (2010) ; Taldeko emakumezko aktore onenaren Oscar Saria (2002) : Chicago; Tony Award for Best Actress in a Musical (2010) ; Broadcast Film Critics Association Award for Best Cast (2002) : Chicago; Screen Actors Guild Award for Outstanding Performance by a Cast in a Motion Picture (2001) : Traffic; Screen Actors Guild Award for Outstanding Performance by a Cast in a Motion Picture (2003) : Chicago; Screen Actors Guild Award for Outstanding Performance by a Female Actor in a Supporting Role (2003) : Chicago; BAFTA Award for Best Actress in a Supporting Role (2003) : Chicago; Broadcast Film Critics Association Award for Best Supporting Actress (2002) : Chicago; Phoenix Film Critics Society Award for Best Supporting Actress (2002) : Chicago; Drama Desk Award for Outstanding Actress in a Musical (2010) ; Jameson People's Choice Award for Best Actress (1999) : Entrapment; Britainiar Inperioko Ordena ; Oscar Sariak (2003) ; Aktoreen Sindikatuaren Sariak (2001) ; Hasty Pudding Woman of the Year (2005) ;
Musika instrumentua	ahotsa
Sinesmenak eta ideologia
Erlijioa	erromatar katolikoa
	catherinezetajones.com

Catherine Zeta-Jones (Swansea, Gales, 1969ko irailaren 25a - ) aktore, abeslari eta dantzari galestarra da. Aintzatespen anitz jaso du aktore gisa eginiko lanagatik, Chicago musikalean Velma Kellyren hiltzailearen papera antzezteagatik lortutako Oscar Saria eta A little night music musikalean antzeztutako paperarengatik eskuratu zuen Tony saria, horien artean.

Biografia

Artistaren izena bere bi amonenen elkarketaren emaitza da, Catherine eta Zeta, alegia. Bere aita gozoki-lantegi bateko langile zen eta bere ama, berriz, jostun irlandarra. Catherine hiru senideetan bigarrena izan zen (zaharrena David izenekoa eta gazteena Lyndon izenekoa) eta katolizismoan hezi zuten.

Ingelesez ez ezik, ederki egiten du galesez, gaztelaniaz eta frantsesez ere. Umetan, trakeotomia egin behar izan zioten, eta lepoan ezkutatzen zaila den orbain bat utzi dio horrek.

80ko hamarkadan, Catherinen gurasoek 100.00 libera esterlinako saria irabazi zuten bingo batean, eta familia guztia St. Andrews Drivera joan zen bizitzera, Swanseako aberatsen gune batera. Han, Dumbarton House School ikastetxera joan zen, baina bertan behera utzi zituen ikasketak, bere amets artistikoekin jarraitu ahal izateko. Ondoren, antzerki musikala ikasiko zuen 3 urtez Chiswickeko arte eta antzezte eskoletan.

Lana eta arrakasta

Zeta-Jones haurtzaroan hasi zen lanean. Ospea 10 urte bete baino lehen iritsi zitzaion, anaiadi katoliko batean abestu eta dantza egiten zuenean.

Oso gazte hasi zen londrestar West Endeko musikaletan papel garrantzitsuak antzezten eta, 1990an, zinema munduan hartu zuen parte lehen aldiz, Phillippe Broca zuzendari frantsesaren Ehun eta bat gau filmean.

Bere edertasun exotiko eta abestu eta dantzarako zuen trebetasunak musika munduan etorkizun bikaina iradokitzen bazuten ere, berak beste bide bat hautatu zuen. The Darling Buds of May (1991) telesailean Mariette pertsonaia antzezteari esker lortu zuen lehen arrakasta. Baina Antonio Banderasekin batera protagonista izan zen The Mask of Zorro(1998) filmak eman zion nazioarteko izena.

1999an, Entrapment eta The Haunting bezalako filma arrakastatsuetako protagonista izan zen, baina, 2000n, Steven Soderberghen Traffic luzemetraiko protagonista izateak eman zion dramarako dohainak erakusteko aukera.

2001ean, America's Sweethearts komedian hartu zuen parte Julia Robertsekin batera.

2002an, Chicago filmean antzeztutako paperagatik aktore hoberenei emandako Oscar Sarietako bat irabazi zuen eta Coen anaiek zuzendutako Intolerable Cruelty filma egin zuen George Clooneyrekin.

2004an, Steven Spielbergen The Terminal filmeko protagonista izan zen Tom Hanksekin batera eta Ocean's Twelveko aktoreen zerrendara ere batu zen.

2005ean, Antonio Banderas eta Zeta-Jones berriro elkartu eta The Legend of Zorro grabatu zuten.

2007an, bi film berri estreinatu zituen: No Reservations komedia eta Death Defying Acts drama, Torontoko Zinemaldian estreinatu zena. 2009 eta 2010 urteen artean The Rebound komedia estreinatu zuen.

2009ko abenduan, Broadwayn debutatu zuen Angela Lansbury beteranarekin batera, Stephen Sondheimen A little night music musikalaren birrezarpenean. Obrak arrakasta handia lortu zuen kritika eta ikusleen artean eta Catherinek Desirée pertsonaia antzezteagatik Tony saria jaso zuen, musikaleko aktore hoberena izateagatik.

1999an, munduko emakume ederrenen zerrendan agertu zen lehen aldiz, eta handik aurrera, munduko aktore ederrenetako bat kontsideratua izan da.

2008an, mundu guztiko hiriburuetako 8.000 emakumeri egindako inkesta batean inoiz izandako emakumerik ederrena bezala aukeratu zuten, Gisele Bündchen eta Brigitte Bardotek atzetik jarraitzen ziotelarik.

Bizitza Pertsonala

2000n, Zeta-Jones Michael Douglas aktorearekin ezkondu zen eta bi seme-alaba izan ditu: Dylan Michael Douglas 2000an eta Carys Zeta Douglas 2003an.

Azken albisteen arabera, izarrak eta bere senarrak 170 milioi dolar irabazten dute urtero eta Hollywoodeko bikote aberatsenetako bat dira.

Mallorca eta Bermuden artean bizi dira senar-emazte eta bi seme-alabak, baina Gales, Los Angeles, New York eta Vancouver bezalako hirietan ere badute etxea.

Filmografia

Urtea	Filma	Papera	Oharra(k)
1990	Les 1001 nuits	Sheherazade
1991	Out Of The Blue	Chirsty	BBC Television Play
1991-1993	The Darling Buds of May	Mariette
1992	Christopher Columbus: The Discovery'	Beatriz
1993	Splitting Heirs	Kitty
1995	Catherine the Great	Catherine II
1995	Blue Juice	Chloe
1996	The Phantom	Sala
1996	Titanic	Isabella Paradine	Minitelesaila
1998	The Mask of Zorro	Elena Montero / Elena Murrieta (Elena de la Vega)
1999	Entrapment	Virginia Baker	Razzie Sarirako proposatua.
1999	The Haunting	Theo	Razzie Sarirako proposatua emakumezkoen aktorerik txarrenaren kategorian
2000	High Fidelity	Charlie Nicholson
2000	Traffic	Helena Ayala	Urrezko Globo sarirako proposatua
2001	America's Sweethearts	Gwen Harrison
2002	Chicago	Velma Kelly	Oscar Saria BAFTA Saria Urrezko Globo sarirako proposatua
2003	Sinbad: Legend of the Seven Seas	Marina	Ahotsa
2003	Intolerable Cruelty	Marylin Rexroth
2004	The Terminal	Amelia Warren
2004	Ocean's Twelve	Isabel Lahiri
2005	The Legend of Zorro	Elena de la Vega Murrieta
2007	No Reservations	Kate Armstrong
2008	Death Defying Acts	Mary McGarvie
2008	Stompanato	Lana Turner
2009	The Rebound	Sandy