San Jose de Buenavista estis fondita en 1733 dum dominado de hispanoj, sed indiĝenoj loĝis en la areo eventuale pli frue. En 1898 la patriotaj revoluciuloj okupis la komunumon kaj finiĝis la hispana erao. Tamen iom poste Usono regis, kiu finiĝis kun la mallonga, sed terura japana erao (1942-1945). En 1986 nekonatulo mortpafis la guberniestron.
Ekonomio
En San Jose la ekonomio konsistas el produktado de rizoj sur terasoj kaj fiŝkaptado.
Religio kaj eduko
En San Jose precipe katolikoj vivas. La plej altnivela edukejo estas altlernejo.
Trafiko
San Jose voje estas alirebla laŭ la marborda ĉefvojo ambaŭflanke. Flughaveno kaj haveno apartenas al la urbo.
Klimato
La klimato de San Jose estas klasifikita kiel tropika klimato. Jare pluvas po 1507 mm, en ĉiuj monatoj estas precipitaĵoj, tamen inter majo-novembro pli ofte pluvas. La averaĝa jara temperaturo varias inter 23-30 °C. Ne estas grandaj diferencoj inter la monatoj.
