Kidapavan, - tagalogeLungsod ng Kidapavan - estas kvinaklasa komponenta urbego en Filipinoj, en insuloMindanao, en regiono Soccsksargen, kie estas la ĉefurbo de provinco Kotabato. La loknomo venis de la vortoj tida, kio signifas "fonto", kaj paŭan, kio signifas "altebenaĵo". Kidapavan havas 40 distriktojn.
La nuna Kidapavan origine estis indiĝena vilaĝo, baldaŭ islamanoj kaj hispanoj alvenis. La oficiala fondo okazis en 1740. En unua duono de la 20-a jarcentoUsono dominis, tiam en 1914 okazis la oficiala fondo. Inter 1942-1945 la japanoj regis. Kidapavan estis deklarita aparta municipo en 1947 kaj provinca ĉefurbo en 1973. En la malfruaj 1990-aj jaroj Kidapavan atingis la internacian kriterion urbego (pli granda, ol cent mil) kaj en 1998 ricevis la titolon sendependa komponenta urbo laŭ la filipina kriterio.
Kidapavan havas trairan ĉefvojon, krome malpli gravan vojon. En la urbo motortricikloj, busetoj kaj aŭtobusoj liveras la pasaĝerojn. La plej proksima internacia flughaveno funkcias en Dabao.
Klimato
Kidapavan situas en la ekvatora klimato kaj kuŝas ekster la tifonzono kun milda klimato per malsekaj kaj sekaj sezonoj. Jare pluvas po 918 mm. En ĉiuj monatoj pluvas, tamen inter majo kaj oktobro pli ofte. La averaĝa jara temperaturo varias inter 22-29 °C. La plej malvarmaj monatoj estas decembro kaj januaro, la plej varmaj aprilo kaj majo. Ne estas grandaj diferencoj inter la monatoj.
Vidindaĵoj
Kidapavan estas populara celloko de malfrua oktobro ĝis decembro kaj en la somero, kiam miloj da turistoj surgrimpas la plej altan monton de la lando.
