Saŭhaĝ (arabe محافظة سوهاج, latinliterigo Muḥāfaẓat Sawhāǧ respektive Muhāfazat Saŭhāĝ, en la masra lingvo aŭ egipta araba Sōhāǧ respektive Sōhāĝ) estas provinco (respektive gubernio) de Egiptio. Laŭ la stato de la censo de 2006 ĝi havis 3 746 377 loĝantojn. Administra centro estas la samnoma urbo Saŭhaĝo. Aliaj gravaj urboj estas Aĥmim, Tahta, Tima, Ĝarĝa kaj El Baljana.
La provinco limas norde je la provinco Asjut, oriente je la provinco Al-Bahr al-ahmar (Ruĝa Maro), sude je la provinco Kina kaj okcidente je la provinco Nova Valo. La provincan centron konsistigas la bordoj de la rivero Nilo, kaj la okcidento kaj la oriento de la teritorio limas al la dezerto Saharo.
