La provinco Ŝarkija, ankaŭ literumata Aŝ-Ŝarqiyya (arabe محافظة الشرقية, latinliterigo Muḥāfaẓa aš-Šarqīya respektive Muhāfaza aŝ-Ŝarkīja, en Esperanto "la orienta provinco") estas provinco (respektive gubernio) de Egiptio. Laŭ la stato de la censo de 2006 ĝi havis 5 354 041 loĝantojn. Administra centro estas la urbo Zagazig, grava sateliturbo estas Urbo de la Deka de Ramadano kaj aliaj gravaj urboj estas Bilbejs, Fakus kaj Abu Kebir.
La teritorio situas en la orienta parto de la Nildelto.
La provinco limas norde je la provinco Dakahlija (Ad-Daqahliyya), oriente je la provincoj Port Said (Bur Saʿid) kaj Ismailija (Al-Ismaʿiliyya), sude je la provinco Helŭan kaj okcidente je la provincoj Kaljubija (al-Qalyubiyya) kaj Garbija (al-Gharbiyya).
