Provenco-Alpoj-Bordo Lazura (france Provence-Alpes-Côte d'Azur pʁɔ.vɑ̃s alp kot da.zyʁ, mallongigo: regiono PACA, okcitane Provença-Aups-Còsta d'Azur) estas regiono en suda Francio, ĉe la Mediteraneo apud Italio. Ĝi konsistas el la ses departementoj: Alpes-de-Haute-Provence (Alpoj de Alta Provenco), Hautes-Alpes (Altaj Alpoj), Alpes-Maritimes (Marbordaj Alpoj), Bouches-du-Rhône (Riverbuŝoj de Rodano), Var kaj Vaucluse. Ĝi estis kreita sub la nomo "Provenco-Bordo Lazura-Korsiko" en 1960. Ĝi fariĝis "Provenco-Bordo Lazura" post la konstitucio de la korsika regiono en 1970 tiam estis renomita Provenco-Alpoj-Bordo Lazura en 1976. Ekde 2018, la regiona konsilio uzis la nomon "Regiono Sud Provenco-Alpoj-Bordo Lazura" (mallonge "Suda regiono") en siaj komunikaj dokumentoj, kvankam la oficiala nomo de la regiono restas senŝanĝe.
La najbaraj regionoj estas norde Aŭvernjo-Rodano-Alpoj kaj okcidente la administra regiono Okcitanio, kvankam menciindas ke la historia, lingva kaj kultura regiono Okcitanio kovras ankaŭ la tuton de la regiono Provenco-Alpoj-Bordo Lazura.
Ĉefurbo de la regiono estas Marsejlo, france Marseille. Inter pliaj aparte gravaj urboj menciindas Aix-en-Provence, Avignon, Nice, Cannes kaj Toulon. ISO-kodo de la regiono estas FR-U.
FR-ARA
FR-BFC
FR-BRE
FR-CVL
FR-COR
FR-GES
FR-HDF
FR-IDF
FR-NOR
FR-NAQ
FR-OCC
FR-PDL
FR-PAC
FR-A
FR-B
FR-C
FR-P
FR-D
FR-E
FR-F
FR-G
FR-H
FR-I
FR-Q
FR-J
FR-K
FR-L
FR-M
FR-N
FR-O
FR-R
FR-S
FR-T
FR-U
FR-V
FR‑971
FR‑972
FR‑973
FR‑974
FR‑976
FR‑PM
FR‑BL
FR‑MF
FR‑TF
FR‑WF
FR‑PF
FR‑NC
FR‑CP