La gubernio Basra (arabe محافظة البصرة, latinliterigo laŭ DMG Muḥāfaẓat al-Baṣra) estas unu el sume 18 gubernioj de la ŝtato Irako. Laŭ takso pri la jaro 2008 ĝi havis 1 500 000 loĝantojn. Administra centro estas la urbo Basra (aŭ al-Basra). La teritorio kovras areon de 19 070 kvadrataj kilometroj. La gubernio troveblas en la pleja sudoriento de la lando, borde de la Persa Golfo kaj de la rivero Ŝatt al-Arab, oriente havas vastan limon al Irano kaj sude al Kuvajto.
La gubernio konsistas el la sekvaj 6 distriktoj:
Gravaj urboj estas Um-Kasr, Harta ktp. En la urbeto Kurna laŭ popola kredo situis la Arbo de la sciado pri la bono kaj la malbono el la legenda paradizo de la Genezo.
La 15-an de oktobro 2005, el 691 024 balotrajtaj gubernianoj 96,02 procentoj voĉdonis favore de la nova ŝtata konstitucio.
