Mapo de Wayne County kaj Miĉigano, Detrojto estas ruĝe markitaSatelita bildo de regiono Detrojto, malsupre la Eria Lago, dekstre supre la Lago de Sankta Claire
Detrojto (angleDetroit) estas urbego en la subŝtato Miĉigano de Usono. Kun loĝantaro de ĉirkaŭ 688.701 (en 2013), ĝi estas la 21-a plej loĝata urbo de Usono; tamen ĉirkaŭ la jaro 1950 ĝi havis multe pli da loĝantoj. Pro tio, Detrojto estas la plej granda urbego en Miĉigano je loĝantaro. Ĝis la milito de 1812, Detrojto estis la ĉefurbo de la subŝtato, hodiaŭ la ĉefurbo estas Lansingo (Lansing).
La urbo estas fama centro de aŭtomobilkonstruado kaj de muzik-negocado. Ĝi estas kromnomata "Motora Urbo" pro tio ke la tri plej grandaj usonaj aŭtofabrikantaj kompanioj (General Motors Corporation, Ford Motor Company, kaj Chrysler Corporation) situigis siajn centrajn oficejojn kaj multajn el siaj fabrikoj en aŭ ĉirkaŭ Detrojto. Ĝi estas parto de la Megalopolo Grandaj Lagoj.
Historio
Aŭtomobilkonstruado
La Detroit Automobile Company (DAC) estis frua usonaaŭtofabrikanto fondita en la 5a de Aŭgusto, 1899, en Detroit, Miĉigano.[1] Ĝi estis la unua projekto tiatipa en Detroit.[2] Aŭtomobila mekaniko Henry Ford allogis la financan apogon de tri investistoj; la urbestro de Detroit nome William Maybury, William H. Murphy, kaj la senatano Thomas W. Palmer. Kiel ĉe multaj fruaj aŭt-entreprenoj, ankaŭ tiu kompanio baraktis kaj estis dissolvita en Januaro 1901.[1]
La tumulto de Detrojto de 1943 okazis en Detrojto de la vespero de la 20-a de junio ĝis la frua mateno de la 22-a de junio. La rasa tumulto estis finfine subpremita per uzo de 6,000 federaciaj trupoj.
.svg)
