Tojota situas sur montetaro. Granda parto de la apudaĵo apartenas al Nacia parko. Gubernia sidejo Nagojo troviĝas 25, ĉefurbo Tokio 229 kilometrojn aere laŭ [1].
Panoramo de altaj domoj
Historio
En tiu areo oni trovis restaĵojn ekde la paleolitiko. La loko dum la konataj historiaj periodoj travivis tiujn periodojn. La urbeto estis produktejo de silkaj teksaĵoj. Ekde 1938 oni establis faman aŭtofabrikon por modernigi la teksaĵan industrion. Koromo ŝanĝis sian nomon al Tojota en 1959 kaj ĝi ricevis pli altan urban statuson en 1998 kun pliigita loka aŭtonomio. Intertempe la najbaraj komunumoj aliĝis al Tojota.
Ekonomio
Ekonomio de Tojota konsistas ĉefe el industrio, precipe Toyota-Aŭtomobila Akcia Kompanio. La malgranda agrikultura sektoro produktas persikojn, nature ekzistas iom komerco kaj servoj.
Tojota havas bonajn fervojan kaj aŭtovojan kontaktojn pro signifo de la industriaĵoj.
Stacidomo en Tojota
Klimato
Tojota situas en humida subtropika klimato (Cfa) laŭ la klimata klasifiko de Köppen. La meza jara temperaturo estas 15 °C. La jarpluvo averaĝas 1470 milimetrojn. En ĉiuj monatoj pluvas, iom pli ofte pluvas inter junio-septembro.
.JPG)
.jpg)
