La termino "Belvís" devenas el latinabellum visum kiu signifas agrablan vidaĵon, tra la okcitanabel vis kiu signifas rigardejo, bela vidaĵo aŭ bela rigardo, eble alude al pejzaĝo kiun oni superas ekde ties montetoj. La aldonaĵo "Jara" aludas al arbusto samnoma (cisto) kies hispana nomo devenas el arabahara kiu signifas makiso aŭ veprejo.
Loĝantoj
La loĝanto nomiĝas Belviseño. La censita populacio en 2011 estis de 1.814 loĝantoj kaj la denseco estas de 15,91 loĝ/km².
Situo
Belvís de la Jara estas situanta en la okcidenta parto de Kastilio-Manĉo en la komarko aŭ distriktoLa Jara en la sudokcidenta parto de la provinco de Toledo, je altitudo de 450 m; je 114 km el Toledo, provinca kaj regiona ĉefurbo. La areo de ties teritorio estas de 114.02 km². La geografiaj koordinatoj estas 39°45′37″ N 4°56′55″ Ok.
La rivero Taĵo fluas tra la municipo norde kaj la rojo Tamujoso okcidente.
Ekonomio
Agrikulturo (ĉefe olivarboj) kaj brutobredado (ŝafoj kaj bovoj) tradicie. Elstaras produktado de olivoleo; temas pri la dua plej etenda areo de olivarboj en la provinco. Produktado de lakto kaj laktaj produktoj, kiaj fromaĝo. Enboteligo de akvo Valtorre. Aliaj rilataj industrioj. Servoj, rura turismo.
Post la kristana reconquista tiu teroj estis koloniigitaj de alvenintoj el Galegio. Aperas en dokumento de 1350 kie oni mencias la Monton de Belvís, kie la ano de Talavera Juan Larduda kun aliaj starigis la unuajn domojn. Ankoraŭ konserviĝas la strukturo el kio estis la unua strato de la vilaĝo, nome Codos.
Meze de la 19a jarcento la loka industrio estis formata de du muelejoj farunaj kaj alia olea posedo de la duko de Frías.
Meze de la 20a jarcento la populacio atingis ĝis 5,000 loĝantojn, sed poste okazis elmigrado, senloĝigo kaj maljuniĝo de la populacio, kiu preskaŭ trioniĝis al malpli da 1,800.
.svg)
