Baran (hindie बाराँ) estas urbego kaj municipo en Barato, en subŝtato Raĝastano, en la samnoma distrikto, kie ĝi estas ties sidejo.
Demografio
Baran havis populacion de 177 022 en 2021.
Geografio
Baran situas 262 metrojn super la marnivelo tre proksime al limo de Madja-Pradeŝo. Kota (Raĝastano) troviĝas 67, Guna 96, Savai Madhopur 104, Ŝivpuri 122, Mandsaur 184, Nagda 214, subŝtata ĉefurbo Ĝajpuro 215 (voje 339), tutlanda ĉefurbo Delhio 400, Mumbajo 780, Kolkato 1239 kilometrojn (aere) [1].
Historio
La malnovaj loknomoj de Baran estas Varah Nagari kaj Annapurna Nagari. Ekde la 17-a jarcento la mogoloj akiris kontrolon de Baran, ili konstruis la fortikaĵon de Baran.
Lingvoj, religioj
En Baran la oficiala lingvo estas la hindia, kaj la plej ofta religio estas la hindua.
Klimato
En Baran la vetero ĝenerale estas varma kaj senpluva. La vintra sezono daŭras de mezo de novembro ĝis februaro kaj somera sezono daŭras de marto ĝis mezo de junio. La periodo de mezo de junio ĝis septembro estas la musonsezono. Jare pluvas averaĝo po 828 mm, la jara averaĝa temperaturo 26 °C.
Trafiko
Al Baran kuras kvin vojoj, inter ili la plej grava estas la traira vojo inter Kota-Ŝivpuri. La plej proksima flughaveno funkcias en Ĝodpuro. Baran havas ankaŭ trairan fervojan linion. La plej proksimaj flughavenoj situas en Ĝajpuro, Udaipur kaj Ĝodpur, sed la mapo mencias flughavenon ankaŭ en Kota.
Vidindaĵoj
Fontoj
