Alcalá del Júcar estas municipio en la Provinco Albaceto, sudoriente de Hispanio, en la regiono Kastilio-Manĉo kaj en la komarko Manĉeto aŭ La Manchuela, kun areo de 146,82 km². En 2019 estis 1 170 loĝantoj, laŭ informo de la hispana statistika servo INE. Ĝi estas je 64 km de la provinca ĉefurbo Albacete. La urbeto estis deklarita Histori-Arta Komplekso en 1982. Apartenas al la municipo la submunicipoj Casas del Cerro, Las Eras, La Gila, Tolosa kaj Zulema.
La toponimo derivas de la araba, kiel multaj aliaj toponimoj kiu ekas per Al. La araba vorto "alkala" signifis kastelon, do la tuta nomo estus "Kastelo de la rivero Júcar".[1]
Geografio
Alcalá del Júcar en la Provinco Albaceto.Enirejo al Alcalá del Júcar.
En la 1210-aj jaroj la kristanoj venkis super la almohadoj en la Batalo de Navas de Tolosa (1212) kaj Alcaraz (1213) pro kiuj ili forigas la defendon de araboj en la areo kio ebligas reloĝigon de la teritorio de la nuna provinco Albacete. Post tiu konkero definitiva setliĝis kolonoj devenaj de Alarcón. Laŭlonge de la jarcentoj, la loko apartenis al diversaj senjorlandoj.
Meze de la 20a jarcento estis preskaŭ 4 000 loĝantoj, nun nur iom pli ol 1000; oni perdis preskaŭ tri kvaronojn.
La ekonomio de Alcalá del Júcar estas fundamentata sur la agrikulturo, speciale en la kultivo de la vitoj, olivarboj, migdalarboj kaj cerealoj, malgrandaj fruktoĝardenoj kaj naturaj fontoj. Sed lastatempe la ĉefa enspezofonto kaj dungosektoro estas turismo.
