James Lawrence |
| Gwybodaeth Bersonol |
|---|
| Enw llawn | James Alexander Lawrence |
|---|
| Dyddiad geni | (1992-08-22) 22 Awst 1992 (32 oed) |
|---|
| Man geni | Henley-on-Thames, Swydd Rydychen, Lloegr |
|---|
| Taldra | Lua error in Modiwl:Convert at line 1851: attempt to index local 'en_value' (a nil value). |
|---|
| Safle | Amddiffyn / canol cefn / canol-cae |
|---|
| Y Clwb |
|---|
| Clwb presennol | St. Pauli |
|---|
| Rhif | 3 |
|---|
| Gyrfa Ieuenctid |
|---|
| 2001–2003 | Arsenal |
|---|
| 2005–2006 | Queens Park Rangers |
|---|
| 2009–2011 | Ajax |
|---|
| 2011–2012 | Sparta Rotterdam |
|---|
| 2012–2014 | RKC Waalwijk |
|---|
| Gyrfa Lawn* |
|---|
| Blwyddyn | Tîm | Ymdd† | (Gôl)† |
|---|
| 2014–2018 | Trenčín | 86 | (5) |
|---|
| 2018– | Anderlecht | 8 | (0) |
|---|
| Tîm Cenedlaethol‡ |
|---|
| 2018– | Cymru | 1 | (0) |
|---|
* Cyfrifir yn unig: ymddangosiadau i Glybiau fel oedolyn a goliau domestg a sgoriwyd. sy'n gywir ar 2 December 2018.
† Ymddangosiadau (Goliau).
‡ Capiau cenedlaethol a goliau: gwybodaeth gywir ar 08:34, 25 November 2018 (UTC) |
Mae James Lawrence (ganed 22 Awst 1992) yn chwaraewr pêl-droed ryngwladol i Gymru ac wedi chwarae i sawl tîm yn Lloegr ac yn Ewrop.
Mae ar hyn o'r bryd yn chwarae i Anderlecht yng nghyngrair Gyntaf, Adran A Gwlad Belg ond bu'n chwarae cyn hynny i AS Trenčín o Super Liga Slofacia a thimau ieuenctid Arsenal, Queens Park Rangers, Ajax a Sparta Rotterdam.[1]
Gyrfa Clwb
Gyrfa Cynnar
Dechreuodd ei yrfa ieuenctid gyda chlybiau Enfield 1893 F.C., Arsenal a Queens Park Rangers. Yn 2008 symudodd ei deulu i'r Iseldiroedd lle ymunodd ag HFC Haarlem. Gadawodd Haarlen yn 2009 i ymuno ag Ajax gan ennill pencampwriaeth dan-19 Adran Gyntaf yr Iseldiroedd yn 2010-11. Cafodd wedyn gyfnodau gydag academïau ieuenctid Sparta Rotterdam a RKC Waalwijk tra'n ymaelodi ag Athrofa addysg yr Johan Cruyff Institute yn Amsterdam er mwyn ennill cymwyster academaidd.[1]
FK AS Trenčín
Trosglwyddwyd Lawrence i AS Trenčín yn Slofacia ar 13 Awst 2014 pan oedd yn 21 oed. Sgoriodd yn ei gêm gyntaf mewn gêm Cwpan Slofacia yn erbyn ŠK Strážske.[2] Chwareodd ei gêm gynghrair bedair diwrnod yn hwyrach wrth guro MFK Košice 4-2. Ar 1 Mai 2015 helpodd Lawrence ei dîm, AS Trenčín, i'w Cwpan Slofacia gyntaf wrth guro FK Senica yn y ffeinal.[3] Ym Mai 2015 daeth AS Trenčín yn bencampwyr y Fortuna Liga am y tro cyntaf.[4] Dyma oedd tymor llawn gyntaf Lawrence fel chwaraewr hŷn.[5]
Tra yn Trenčín dioddefodd Lawrence o anaf ond daeth nôl i'r tîm gyntaf a bu'n rhan o'r tîm a enillodd ei hail Cwpan Slofacia a'i hail pencampwriaeth Fortuna Lifa o'r bron.[6]
RSC Anderlecht
Ar 29 Awst 2018, ymunodd Lawrence ag Anderlecht.[7]
Safle Chwarae
Mae Lawrence yn chwarae ar ochr chwith y cae fel canol cefn neu fel chwaraewr canol cae amddiffynnol, neu arweinydd o'r cefn.
Gyrfa Ryngwladol
Ar 5 Tachwedd 2018, galwyd Lawrence i chwarae i Gymru am y tro cyntaf.[8] Er iddo'i fagu yn Lloegr, galluogwyd iddo chware i Gymru gan fod mam-gu ganddo a aned yn Hwlffordd, Sir benfro.[9] Dechreuodd ei gêm gyntaf i'r tîm cenedlaethol yn eu gêm yn erbyn Albania ar 20 Tachwedd 2018.[10]
Anrhydeddau
AS Trenčín
Personol
Magwyd yn Henley-on-Thames yn Swydd Rydychen ond symudodd y teulu i'r Iseldiroedd yn 2008 ac yno dechreuodd chwarae i'r timau lleol.[11] Mae'n siarad Iseldireg ond nododd anhawster dysgu Slofaceg. Enillodd radd mewn 'Rheoli Chwaraeon' tra roedd yn yr Iseldiroedd.[12]
Oriel
Dolenni
Cyfeiriadau
