Caffi

Mae'r caffi traddodiadol, yn le bwyta sy'n gweini diodydd poeth ac oer, a phrydau megis brecwast traddodiadol. Gelwir caffis o'r fath, â chariad neu dirmyg, yn

Caffi
Caffi
Enghraifft o:type of restaurant Edit this on Wikidata
Mathbwyty Edit this on Wikidata
Gwladwriaethy Deyrnas Unedig Edit this on Wikidata
Dynodwyr
Tudalen Comin Ffeiliau perthnasol ar Gomin Wicimedia
Caffi Sophies, Rhodfa'r Gogledd, Aberystwyth, caffe traddodiadol yn gweini brecwast llawn trwy'r dydd, paneidiau a prydau poeth eraill
Alex Cafe, Islington, Llundain, "workman's cafe", 2007
Mae yna wybodaeth gwerthfawr yn yr erthygl hon – diolch am eich cyfraniad! Ond i gyrraedd safon arferol, derbyniol Wicipedia, gellir mynd yr ail gam.
Os na chaiff yr erthygl ei gwella'n ddigonol ymhen wythnos neu ddwy wedi 19 Awst 2026, fe all gael ei dileu. Os caiff yr erthygl ei gwella'n sylweddol, wedyn mae croeso i chi dynnu'r neges hon oddi ar y dudalen. Ceir rhestr o erthyglau sydd angen eu gwella yma. Sut mae ei gwella? Dyma restr o hanfodion pob erthygl; beth am dreulio ychydig o amser yn mynd drwyddynt? Gweler hefyd ein canllawiau Arddull ac Amlygrwydd.

Mae'r caffi traddodiadol, yn le bwyta sy'n gweini diodydd poeth ac oer, a phrydau megis brecwast traddodiadol. Gelwir caffis o'r fath, â chariad neu dirmyg, yn greasy spoon caff neu caff. Mae caffi yn wahanol i'r arddull fwy Ewropeaidd o dŷ coffi.[1] Nid yw'r caffi draddodiadol Brydeinig fel arfer yn gweini alcohol,[2][3][4][5] mae, fel rheol, yn fusnes teuluol ac annibynnol, ac mae'n dueddol o fod yn rhatach. Ceir caffis ochr ffordd a arferai weini gyrrwyr loris, er bod rheini wedi prinhau gyda newid chwaeth a dyfodiad cafés a bwytai cadwyn mawr ar ochr hyd traffyrdd Prydain.

Darpariaeth

Fel arfer, mae caffi traddodiadol Prydeinig yn cynnig bwyd wedi'i ffrio neu wedi'i grilio fel "brecwast traddodiadol" drwy'r dydd, a all gynnwys cyfuniad o gynhwysion fel wy wedi'i ffrio; bacwn, pwdin gwaed, tatws wedi ffrio, hash browns, ffa pôb, bara saim, tost, tomato wedi'i grilio, byrgyrs, selsig, madarch, a sglodion.[6] Gall brechdanau gyda chynhwysion poeth ac oer fod ar gael, fel brechdan bacwn neu selsig. Gall amrywiaeth o brydau wedi'u coginio eraill fod ar gael, fel pastai stêc ac aren, cinio rhost llawn, afu a nionod, neu seigiau pasta, gyda phwdinau Prydeinig fel pwdin wedi'i goginio fel crymbl afal a chwstard.[1]

Y prif ddiod mewn caffi fel arfer yw te, yn enwedig "te tramp" (llysenw ar gyfer mwg heb depot. Fodd bynnag, gydag amser, mae natur a safon y coffi wedi newid a gwella gyda'r rhan fwyaf o gaffis yn defnyddio peiriannau espresso er mwyn dilyn chwaeth mwy arbenigol yr oes sydd ddim yn bodloni ar goffi parod.

Y Caffi 'traddodiadol' yn y diwylliant Cymraeg

Poster "cwmni da, bwyd da, amser da", Caffi Sophie, Aberystwyth

Enghraiff cynnar o gân pop Cymraeg sy'n sôn am y caffi 'traddodiadol' yw Caffi Gaerwen gan y ddeuawd boblogaidd o'r 1960au a 70au cynnar, Tony ac Aloma.[7] Cana'r ddeuawd o Fôn am gaffi y 'Little Chef' oedd ar hyd yr A5 ym mhentref Gaerwen a'r staff, "Pat a Janis ac Elsi a Glen". Cymaint bu llwyddiant y gân fel y bu i'r newyddiadurwr Gwilym Owen o HTV ffilmio eitem am y caffi a'i staff rhai wythnosau wedi rhyddhau'r record.[8]

Mae rhai sy'n licio troi allan
mewn dillad neis i gael sgram
a dewis hotel sydd yn syrfio
tatw rhost a boiled ham
Ond bodlon wyf fi yn y caffi
mae pawb yn hapus a chlên
yn llewys fy nghrys,
caf wy, chips a phys

Portreadwyd bwyd ac awyrgylch y caffi traddodiadol hefyd yn y gân Sosej, Bîns, a Chips gan y grŵp pop Rocyn yn 1982.[9] Mae geiriau'r gân yn sôn mor anodd yw hi i'r canwr "gadw ar y deiet" ac, wedi cael digon, mae'n mynd "i'r caff" i fwynhau bwyta bwyd traddodiadol:

I frecwast, rwy’n bwyta hanner wy, afal a choffi du
Cinio: tomato a ounce o letis, cadw fe dan y mil calori
Oh, mae’n anodd aros ar ddiet,
Mae pob un yn dweud bod e’n rhwydd ond mae’n galed imi
Felly mewn i fi i’r caff, sosej bins a chips, wehei!,
Ie, mewn i fi i’r caff, sosej bins a chips, wehei!

Yn y fideo o'r gân gwelir y prif ganwr, Jim O'Rourke yn gorlenwi ei blât gyda'r 'brecwast traddodiadol' - sosej, bîns, a chips, mewn caffi traddodiadol.[10]

Ar yr albwm Sombreros yn y Glaw gan Anweledig mae'r gân Merch Coffi yn cyfeirio at "ewyn gwyn" (y coffi) a gwisg draddodiadol gweinyddwraig, sef "sgert ddu tyn a’i blows gwyn sidan".

Oriel

  • 'Riverside Cafe' ger Dolwen, Sir Drefaldwyn ar yr A470, 2009
    'Riverside Cafe' ger Dolwen, Sir Drefaldwyn ar yr A470, 2009
  • 'Cafe Cariad', Upper Dock Street, Casnewydd
    'Cafe Cariad', Upper Dock Street, Casnewydd
  • 'Caffi Empire Cafe', Caergybi, 2006
    'Caffi Empire Cafe', Caergybi, 2006
  • 'Corpa Cafe', Llyswyry, Casnewydd yn hysbysebu eu "brecwast trwy'r dydd" sy'n nodweddiadol o'r caffi traddodiadol, 2020
    'Corpa Cafe', Llyswyry, Casnewydd yn hysbysebu eu "brecwast trwy'r dydd" sy'n nodweddiadol o'r caffi traddodiadol, 2020
  • "Brecwast llawn trwy'r dydd", sy'n nodweddiadol o'r Caffi traddodiadol
    "Brecwast llawn trwy'r dydd", sy'n nodweddiadol o'r Caffi traddodiadol

Gweler hefyd

  • Tŷ coffi - bwyty neu café 'Cyfandirol' sy'n arbenigo mewn coffi arbenigol wedi ei ddylanwadu gan yr Eidal a gweini bwyd ysgafn

Dolenni allanol

Cyfeiriadau

  1. ↑ 1.0 1.1 Smith, Duncan (13 February 2015). "Cafe culture: The survival of the traditional British 'caff'". BBC News. Cyrchwyd 10 December 2020.
  2. ↑ Take the Kids England, 3rd. Fullman, Joseph. New Holland Publishers, 1 June 2007. p. 21
  3. ↑ Britslang: An Uncensored A-Z of the People's Language, Including Rhyming Slang Puxley, Ray. Robson, 1 April 2005. p. 216
  4. ↑ Shorter Slang Dictionary. Fergusson, Rosalind; Partridge, Eric; Beale, Paul. Psychology Press, 1994
  5. ↑ "Definition of 'café'". collinsdictionary.com.
  6. ↑ We're British, Innit: An Irreverent A to Z of All Things British. Iain Aitch. HarperCollins UK, 1 October 2010 [1]
  7. ↑ "Caffi Gaerwen". Sianl Youtube Tony ac Aloma Topics. Cyrchwyd 29 Gorffennaf 2026.
  8. ↑ "Caffi Gaerwen - 1969". Archif ITC sydd ar Sianel Archif Ddarlledu Cymru Lyfrgell Genedlaethol Cymru. 18 Tachwedd 2014. Cyrchwyd 29 Gorffennaf 2026.
  9. ↑ "Sosej, Bîns, a Chips". Gwefan Fandom. Cyrchwyd 28 Gorffennaf 2026.
  10. ↑ "Rocyn - Sosej, Bîns, a Chips". Sianel Youtube Farout. Cyrchwyd 28 Gorffennaf 2026.
Eginyn erthygl sydd uchod am fwyd neu ddiod. Gallwch helpu Wicipedia drwy ychwanegu ato.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.