Харальная сінагога (Слуцк)

Сакральнае збудаванне
Харальная сінагога
Сінагога ў Слуцку – малюнак М. Філіповіча
53°01′48″ пн. ш. 27°32′46″ у. д.^HGЯO
Краіна	Беларусь
Горад	Слуцк
Дата заснавання	1880
Будаўніцтва	1880
Дата скасавання	1944
Стан	Знішчана
Медыяфайлы на Вікісховішчы

Харальная сінагога — сінагога, якая існавала ў Слуцку ў 1880—1944 гадах.

Гісторыя

Першыя згадкі пра яўрэяў у Слуцку адносяцца да другой паловы XVI стагоддзя. У пачатку ХVIII стагоддзя была афіцыйна заснавана слуцкая абшчына.

Размяшчалася на сыходжанні вуліц Віленскай і Садовай^[1].

Пасля рэвалюцыі сінагога была закрыта. Будынак сінагогі пераабсталявалі пад кінатэатр «Радзіма». Фільмы тут ішлі як пры Савецкай уладзе, так і пасля акупацыі горада немцамі. У 1944 годзе будынак быў разбураны адступаючымі з горада нямецкімі войскамі

Архітэктура

Уяўляла прамавугольны ў плане аб’ём, пакрыты двухсхільным дахам з прычолкам. Сцены будынка праразалі выцягнутыя ўгору арачныя аконныя праёмы. Вонкавым элементам дэкору з’яўляўся выразны па малюнку карнізны пояс, у ламаную лінію якога ўключаліся надваконныя сандрыкі. Уваход быў з боку вуліцы Садовай. Інтэр’ер дзяліўся на асноўную частку, вестыбюль і размешчаныя сіметрычна па баках яго два дадатковыя памяшканні^[2].

Зноскі

1. История Слуцка и слуцких евреев (руск.)
2. Слуцкія сінагогі

Літаратура

• Памяць. Слуцкі раён, Слуцк. Кн.1, Мн. 2000, с. 53.
• Грицкевич А. П. Слуцк. Мн. 1960, с. 49.

Спасылкі

• Слуцкая харальная сінагога на Radzima.org