Мышка (таксама вядомая пад назвай «Мухля») — адна з рэк воднай сістэмы Мінска.
Цячэ на захадзе беларускай сталіцы. Адзіная рака, якая бярэ пачатак не за межамі горада. Пачынаецца на тэрыторыі былой вёскі Міхалова і праз некалькі кіламетраў упадае ў раку Лошыца, якая ў сваю чаргу ўпадае ў галоўную раку Мінска — Свіслач.
Да 1960-х гадоў рака Мышка лічылася добрым месцам для адпачынку і рыбалкі. Падчас Другой сусветнай вайны побач з ракой знаходзілася нямецкая гаспадарка[1].
У 1960-х гадах пачалося абмяленне ракі ў сувязі з будаўнічымі і воднаінжынернымі работамі ў наваколлі. Пасля гэтага даўжыня ракі скарацілася з 7 да 2 км. Фактычна пераўтворана ў вадасховішча на ўзор і па аналогіі з ракой Слепняй на ўсходзе Мінска[2].