Котарасль (руск.: Ко́торосль) — рака ў еўрапейскай частцы Расіі, працякае па Растоўскім, Гаўрылаў-Ямскім і Яраслаўскім раёнах і гарадской акрузе Яраслаўль Яраслаўскай вобласці. Утвараецца ад зліцця дзвюх рэк — Усцья і Вёксы. Правы прыток ракі Волгі, упадае ў яе на 2623 км ад вусця. Даўжыня — 126 км (разам з Вёксай — 132 км), плошча басейна — 6370 км². Сярэднегадавы расход вады ў горадзе Гаўрылаў-Ям — 30 м³/с. Найбуйнейшыя прытокі — Лахасць (правы) і Пахма (левы). На рацэ размешчаны горад Гаўрылаў-Ям, пасёлак гарадскога тыпу Красныя Ткачы і (пры ўпадзенні ў Волгу) горад Яраслаўль.
