PROFILBARU.COM

Аляксандр Хацкевіч
Аляксандр Хацкевіч
Агульная інфармацыя
Поўнае імя	Аляксандр Мікалаевіч Хацкевіч
Нарадзіўся	19 кастрычніка 1973 (51 год); Мінск, БССР, СССР;
Грамадзянства	Беларусь
Рост	186 см
Вага	82 кг
Пазіцыя	паўабаронца
Клубная кар’ера
Нацыянальная зборная
Трэнерская кар’ера
2007	Дынама (Мінск)
2008	Беларусь (да 18)
2008—2009	Віцебск
2013—2014	Дынама-2 (Кіеў)
2014—2016	Беларусь
2017—2019	Дынама (Кіеў)
2019—2021	Ротар (Валгаград)
2022	Карміятыса (Лімасол)
2024	Заглэмбе (Сасновец)
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ; ↑ Колькасць гульняў і галоў за нацыянальную зборную ў афіцыйных матчах ;
	Медыяфайлы на Вікісховішчы

Аляксандр Хацкевіч (нар. 19 кастрычніка 1973, Мінск) — беларускі футбаліст (паўабаронца) і трэнер.

У 2014—2016 гадах быў галоўным трэнерам нацыянальнай зборнай Беларусі.

Клубная кар’ера

Выхаванец мінскай СДЮШАР «Дынама», з 1990 года гуляў за дубль, а з 1992 года — за асноўны склад мінскага «Дынама». У 1996 годзе разам з Валянцінам Бялькевічам перайшоў у кіеўскае «Дынама», дзе паспяхова выступаў на працягу сямі гадоў.

У 2004—2005 гадах выступаў у Кітаі і Латвіі, улетку 2005 года вярнуўся ў мінскае «Дынама». Неўзабаве стаў адным з лідараў клуба.

На працягу 1993—2005 гадоў гуляў за нацыянальную зборную Беларусі.

Трэнерская кар’ера

У красавіку 2007 года яшчэ гуляў за «Дынама», калі атрымаў прапанову ўзначаліць мінскі клуб пасля звальнення Пятра Качуры. Некаторы час узначальваў каманду ў якасці гуляючага трэнера, але хутка завяршыў кар’еру іграка. У складзе «Дынама» рабіў стаўку на маладых ігракоў — уласных выхаванцаў, але ў выніку каманда заняла 9 месца ў чэмпіянаце, што стала найгоршым вынікам за ўвесь час выступлення ў чэмпіянаце Беларусі. Па заканчэнні сезона 2007 пакінуў пасаду галоўнага трэнера «Дынама».

У пачатку 2008 года ўзначаліў юнацкую зборную Беларусі, а ў ліпені таго ж года — «Віцебск». У сезоне 2008 прывёў «Віцебск» да пятага месца ў чэмпіянаце. У ліпені 2009 года з-за фінансавых праблем пакінуў віцебскі клуб.

З 2010 года працаваў ва Украіне: некаторы час быў асістэнатам у трэнерскім штабе нацыянальнай зборнай Украіны, пасля ўзначальваў кіеўскае «Дынама-2».

4 снежня 2014 года быў прызначаны галоўным трэнерам нацыянальнай зборнай Беларусі^[3]. У адборы да чэмпіянату Еўропы 2016 не здолеў узняць Беларусь вышэй за чацвёрты радок пасля правальнага старту. Пачаў са зборнай адбор да чэмпіянату свету 2018, аднак неўзабаве беларуская каманда моцна ўскладніла задачу, згуляўшы ўнічыю з Люксембургам (1:1) і саступіўшы Балгарыі (0:1). У снежні 2016 года кантракт АБФФ з Хацкевічам быў разарваны^[4].

2 чэрвеня 2017 года было абвешчана аб прызначэнні Хацкевіча на пасаду галоўнага трэнера кіеўскага «Дынама»^[5]. Разам з кіяўлянамі двойчы стаў сярэбраным прызёрам чэмпіянату Украіны. У чэрвені 2019 года падпісаў новы двухгадовы кантракт з «Дынама»^[6], аднак у жніўні таго ж года пасля паражэння ў Лізе чэмпіёнаў ад «Бругэ» быў звольнены^[7].

У снежні 2019 года стаў галоўным трэнерам расійскага клуба «Ротар» з Валгаграда^[8]. Разам з клубам выйшаў у расійскую Прэм’ер-лігу. У сакавіку 2021 года быў звольнены з «Ротара»^[9].

У верасні 2022 года ўзначаліў кіпрскую «Карміятысу»^[10], аднак ужо ў лістападзе быў звольнены, правёўшы на чале каманды 6 матчаў^[11]. У ліпені 2023 года стаў кансультантам у польскім аматарскім клубе «Скра» з Варшавы^[12]. У студзені 2024 года быў прызначаны галоўным трэнерам сасновецкага «Заглэмбе» з другога дывізіёна Польшчы^[13]. Каманда знаходзілася ў канцы табліцы і з прыходам Хацкевіча сітуацыя не выправілася. У красавіку 2024 года пацярпеў ад фанатаў клуба^[14] і хутка пакінуў «Заглэмбе»^[15].