Der Artikl is im Dialekt Obaboarisch gschriem worn.
Biermöslblosn mitm Gerhard Polt 2010 im Mingara Voikstheata
De Biermösl Blosn is a boarische Musi- und Kabarettgruppn, de 1976 vo de Briada Hans (* 1953), Christoph (gnennt Stopherl, * 1959) und Michael Well (* 1958) gründet worn is. Da Nam Biermösl kimmt vom Beerenmoos, am Tei vom Haspelmoor im Landkroas Fiaschtnfejdbruck, des wo in an Flughafn und a Graffegruam umgwandelt wern hät soin.
De Gruppm spuit boarische Voiksmusi mit politisch-satirisch Textn in boarischa Sproch. De Mitgliedq vo Biermösl Blosn stamman aus ana 17-kepfign Learafamilie ausm Dorf Günzlhofen bei Feastenfejdbruck. Ausm Kroas vo da Well-Familie kemman z. B. aa de Wellküren oda de Well-Buam.
Bekonnt worn sans 1981, ois sie „vasehentlich” zum Starkbieranstich auf'n Nockherberg eiglodn worn san und de CSU schoarf kritisiat hom. 1981 homs z Mainz an Feadapreis zum Deitschn Kloakunstpreis kriagt. In Bayern worn se seither bei da CSU und am Boarischen Rundfunk weniga gern gseng. 1990 warns mit am Gerhard Polt am Erfoigsalbum vo de Toten HosenAuf dem Kreuzzug ins Glück - 125 Jahre Die Toten Hosen dabei. Da 1999 bayernweit bekannte Streit um de Errichtung vo am McDonalds am Irschenberg hod sie zu am Liad vom Irschenberg inspiriat.
In de letztn Joar hod si des Vahejtnis zum Boarischen Rundfunk a bisserl entspannt, sie wern nimma ganz boykottiat. A Schuibuach mit am Liad vo da Biermösl Blosn is aba no 2001 auf Oweisung vom Kultusministerium glei wieda eingstampft worn.
Am 18. Jenna 2012 hods in letztn Aftritt vo da Biermösl Blosn gebm. Danoch hom sa si afglest.[1] Da Well Hans hod ois Grund Moanungsvaschiednheitn iba de kimftige Ausrichtung gnennt.
Christoph Well (Hrsg.): Klampfn-Toni: eine Sammlung bairischer Lieder und Gstanzl, Moritaten, Couplets, Wirtshaus- und Wildschützenlieder. Max Hieber, Minga 1996 (1. Auflog vo da Neiausgob zum Jubiläum „100 Jahre Klampfn Toni“), ISBN 3-920456-20-3
Theata Stickl
1984 München leuchtet Münchner Kammerspiele
1988 Diridari Münchner Kammerspiele
1993 Tschurangrati Münchner Kammerspiele
1996 Bayern Open Münchner Kammerspiele
2002 Crème Bavaroise - Obatzt is Bayerisches Staatsschauspiel
2005: Abvent. Regisseur: Hanns Christian Müller; Musik und Kabarett, Tour zusammen mit Gerhard Polt und Die Toten Hosen durch vaschiedene Theata und Opernhaisa.
2006 Offener Vollzug - ein Staatsschauspiel Bayerisches Staatsschauspiel
Auszeichnunga
1997 Prix Pantheon, Kategorie: Sondapreis "Reif und bekloppt"
