L'aluminiu[1] ye un elementu químicu, de númberu atómicu 13 y símbolu Al, allugáu nel grupu 13 de la tabla periódica. Col 8,13 % ye l'elementu metálicu más abondante na corteya terrestre.
La so llixereza, conductividá llétrica, resistencia a la corrosión y baxu puntu de fusión conviértenlu nun material bien afayadizu pa multitú d'aplicaciones, especialmente n'aeronáutica. Sicasí, la elevada cantidá d'enerxía necesaria pa la so obtención tórga-y una mayor utilización; dificultá que pue compensase pol so baxu coste de recicláu, la so dilatada vida útil y la estabilidá del so preciu.