| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Masa atómica}} ~~~~ |
| Masa atómica |
|---|
|
conceutu |
|
Masa |
 |
La masa atómica ye la masa d'un átomu correspondiente a un determináu elementu químicu. La unidá de midida suel ser la uma, que tamién suel denomase Dalton (Da) n'honor al químicu inglés John Dalton. En bioquímica y bioloxía molecular, dao que les molécules biolóxiques son grandes, úsase'l kDa, un múltiplu equivalente a 1.000 Da.
Delles vegaes llámase tamién pesu atómicu, pero esta denominación nun ye correuta por cuenta de que la masa ye una propiedá de la sustancia, pero'l pesu depende non solo d'ésta sinón tamién de la gravedá.
Equival a una doceava parte de la masa del nucleu del isótopu más abondante del carbonu, el 12C. Correspúendese aproximadamente cola masa d'un protón (o un átomu d'hidróxenu).
Les mases atómiques de los elementos químicos suelen calculase cola media ponderada de les mases de los distintos isótopos de cada elementu teniendo en cuenta l'abondanza relativa de caún d'ellos, lo que xustifica la non correspondencia ente la masa atómica espresada n'umes y el númberu de nucleones qu'abelluga'l nucleu del so isótopu más común.
Sicasí, la masa atómica d'un isótopu sí coincide de forma aproximada cola masa de los sos nucleones. Esta diferencia ye porque los elementos nun tán formaos por un únicu isótopu, sinón por una amestanza con ciertes abondances pa caún d'ellos; d'esta miente, cuando medimos la masa d'un isótopu en concreto, nun tenemos en cuenta les abondances. De toes maneres, nin siquieramente la masa atómica de los isótopos se equival a la suma de les mases de los nucleones, debío al defeutu de masa.
Exemplu:
Pa calcular la masa atómica del litiu faemos lo siguiente:
- El litiu tien dos isótopos estables: el 6Li (7,59%) y el 7Li (92,41%). Poro, los cálculos son como siguen darréu:
- El valor resultante, como yera d'esperar, ta ente los dos anteriores, anque más averáu al 7Li, que ye más abondante.
Referencies
Enllaces esternos
