ليسطة د الدول اللي عندها عتيراف محدود

  دولة عضو ف الأمم المتحدة اللي مامعتارفاش بيها عل' الأقل شي دولة وحدة من الأمم المتحدة

  دولة ماشي عضو ف الأمم المتحدة اللي عندها عل' الأقل عتيراف من دولة وحدة من الأمم المتحدة

  دولة ماشي عضو ف الأمم المتحدة اللي معتارف بيها غير شي دول حتا هوما ماشي أعضاء ف الأمم المتحدة

  دولة ماشي عضو ف الأمم المتحدة اللي مامعتارفة بيها حتى دولة

شحال من تنضيم سياسي ديكلاراو الستيقلال ديالهوم ؤ بغاو يضبّرو ف عتيراف ديپلوماسي من المجتمع الدولي بلّي عندهوم سيادة بحكم القانون، ولكن ماشي كلشي عتارف بيهوم. غالبا هاد التنضيمات عندهوم سيطرة بحكم الواقع على الطريطوار ديالهوم. كاينين بحال هاد التنضيمات اللي كانو ف الماضي.

كاين جوج ديال المبادئ التقليدية اللي كاتعطي إشارات على كيفاش شي دولة تقدر تولّي عندها سيادة بحكم القانون. النضرية التصريحية كاتعرّف الدولة بلّي راها شخص ف القانون الدولي إيلا وفّات هاد المعايير:

1. طريطوار معروف
2. سكّان دايمين
3. حكومة
4. قادّة تدخل ف علاقات معا دوّل أخرة.

على حساب النضرية التصريحية، تادوّالت د شي تنضيم ما عندهاش علاقة ب لعتيراف ديال الدول لخرا. ؤ العكس معا النضرية التأسيسية، اللي كاتحسب شي تنضيم شخص ف القانون الدولي غير إيلا عتارفو بيهوم الدول اللي ديجا كاينين ف المجتمع الدولي.

هاد التنضيمات اللي باقي ما ولّات دول كاتخدّم وحدة منهوم ولّا بجوج باش تبيّن الشرعية ديالها ف المطاليب ديالها، كاينين متلا اللي موفّيين الشروط التصريحية (عندهوم سيطرة بحكم الواقع على طرف من الطريطوار ديالهوم ولّا عليه كامل، عندهوم حكومة ؤ سكّان دايمين)، ولكن حتا دولة مامعتارفة بيهوم، هاد عدم-العتيراف هو غالبا نتيجة ديال نزاع معا دول اخرا اللي كاتدّعي بلّي هادوك الأراضي طرف منّها. ف حالات اخرا، تقد تطلب جوج ديال الدول ولّا كتار معتاراف بيعهوم جزئيا ب نفس الطريطوار، معا سيطرة بحكم الواقع ديال كل وحدة منهوم على شي طرف منّو، (بحال ف حالة الجمهورية د الشينوا (اللي معروفة ب 'الطايوان') ؤ الجمهورية الشينوية د الشعب ؤ كوريا الشمالية ؤ الجنوبية). غالبا التنضيمات اللي عندها عتيراف غير من أقلية من الدول د العالام كاتخدّم المبدأ التصريحي باش تبيّن الشرعية د الدّيعاء ديالها.

ف بزاف د الحالات، عدم-العتيراف كايكون مأتّر إلا كانو قوات برّانية د العسكر ف الأرض د البلاصة اللي متنازعين عليها، الشي اللي كايخلي الوصف د ديك البلاد مشكل بحكم الواقع. يقدر المجتمع الدولي يحكم على هاداك التواجد د العسكر بلّي راه معيّق ف التدخّل، حيت كايرد ديك البلاصة دولة مونيكة فين السيادة د بصّح كاتكون عند القوة البرانية.

كاين عاوتاني تنضيمات اللي ما شادّين حتا طريطوار ولّا بلا شكّ ماموفيينش المعايير التصريحية ديال تادوّالت ولكن عندهوم عتيراف بحكم القانون من شي دولة وحدة عل' الأقل بلّي عندوم سيادة. شوف حكومات ف المنفى.

المعايير د التضمين

المعايير د التضمين يعني هاد التنضيم خسو يدّعي السيادة، ؤ عل' الأقل دولة وحدة من الأمم المتحدة ماتكونش معتارفة بيه، ؤ ياإمّا:

• توفّي النضرية التصريحية،
• ؤ لا تعارف بيها كي دولة من دولة وحدة - عل' الأقل - ف الأمم المتحدة.

الخلفية

كاينة 193 دولة ف الأمم المتحدة، ؤ كاين فلسطين ؤ الكرسي المقدس بجوج عندهوم حالة ديال دولة مراقبة ف الأمم المتحدة. دول اخرين اللي موفيين المعايير التصريحية، معتارفين بيهوم الأغلبية د الدول لاخرا الأعضاء ف الأمم المتحدة، واخّا هاكّاك كاينين ف هاد الليسطة حيت شي دولة ولّا كتار مامعتارفاش ب تادوّالت ديالها، ب سباب الدّيعاءات ديال الطريطوار ديالها ولّا شي نزاعات اخرا.

شي دول مخلّية علاقات ماشي رسمية (رسميا ماشي ديپلوماسية) معا الدول اللي مامعتارفاش بيها بحال الطايوان متلا.

التنضيمات الجيوسياسية الحالية على حساب المستوى د العتيراف

الدول الأعضاء ف الأمم المتحدة اللي مامعتارفاش بيها عل' الأقل شي دولة وحدة من الأمم المتحدة

السميّة	التأسيس	الحالة	المدّعيين لاخرين	معلومات وحداخرة	عيون لكلام
الجمهورية د كوريا	1948	كوريا الجنوبية (رسميا الجمهورية د كوريا)، مستقلة من 1948، مامعتارفاش بيها دولة وحدة من الأمم المتحدة، كوريا الشمالية.	كوريا الشمالية كاتعتابر راسها الحاكم الشرعي الوحيد د كوريا، ؤ كاتطالب ب ݣاع الطريطوارات اللي شادّاهوم كوريا الجنوبية.	العلاقات البرانية، المهمات الديپلوماسية (ديالها، فيها)	[1][2]
الجمهورية د أرمينيا	1991	أرمينيا، مستقلة من 1991، مامعتارفاش بيها دولة وحدة من الأمم المتحدة، پاكيستان اللي كانت واخدة موقف ديال الدعم ديال أزيربيدجان من الحرب د ناݣورنو - قرة باݣ.	والو	العلاقات البرانية، المهمات الديپلوماسية (ديالها، فيها)	[3][4]
الجمهورية د قبرص	1960	الجمهورية د قبرص (معروفة ب قبرص)، مستقلة من 1960، مامعتارفاش بيها دولة وحدة من الأمم المتحدة (تركيا) ؤ دولة اخرا ماشي ف الأمم المتحدة (قبرص الشمالية)، ب سباب النزاع المدني اللي مازال على ديك الجزيرة.	قبرص الشمالية كاتطالب ب النص الشمال-الشرقي ديال الجزيرة د قبرص.	العلاقات البرانية، المهمات الديپلوماسية (ديالها، فيها)	[5][6][7][8]
الجمهورية الكورية الديموقراطية الشعبية	1948	كوريا الشمالية (رسميا الجمهورية الكورية الديموقراطية الشعبية)، مستقلة من 1948، مامعتارفاش بيها تلاتة د الدول من الأمم المتحدة، فرانسا، الجاپون، كوريا الجنوبية؛ ؤ دولة اخرا ماشي ف الأمم المتحدة، الطايوان.	كوريا الجنوبية كاتعتابر راسها الحاكم الشرعي الوحيد د كوريا، ؤ كاتطالب ب ݣاع الطريطوارات اللي شادّاهوم كوريا الشمالية.	العلاقات البرانية، المهمات الديپلوماسية (ديالها، فيها)	[9][10][11][12][13]
الجمهورية الشينوية د الشعب	1949	الجمهورية الشينوية د الشعب (PRC)، تأسسات ف 1941، هي وحدة من الحكومات من جوج اللي كاتطالب ب الشينوا ؤ اللي عندها أكبر عدد د العتيرافات، لاخرة هي الجمهورية الشينوية (ROC، معروفة كتار ب الطايوان). الأمم المتحدة كانت معتارفة ب ROC الممتل الوحيد د الشينوا حتال 1971، ملّي قررات تعطي هاد العتيراف ل PRC (شوف القرار د الجمعية العامة د الأمم المتحدة 2758).[م 1] الـPRC ؤ الـROC ماكايعتارفوش ب تادوّالت د بعضياتهوم، ؤ كل وحدة كاتطبّق الڤيرسيوُ ديالها د سياسة شينوا وحدة زعما حتى دولة ماتقدر تعتارف بجوج بيهوم ف دقّة وحدة. الدول اللي معتارفة ب الـROC (ربعطاش من الأمم المتحدة ؤ الكرسي المقدس حتال 20 شهر 9، 2019) اللي كايشوفوها هي الحاكم الشرعي الوحيد د الشينوا ؤ بالتالي مامعتارفينش ب الـPRC، بوطان هي الوحيدة من الأمم المتحدة اللي مامعتارفاش بشكل صريح بيهوم بجوج.	الجمهورية الشينوية كاتعتابر راسها الحاكم الشرعي الوحيد د الشينوا (حتا الطايوان)، ؤ كاتطالب إدن بݣاع الطريطوارات اللي شادّاهوم الجمهورية الشينوية د الشعب.	العلاقات البرانية، المهمات الديپلوماسية (ديالها، فيها)	[14]
الدولة د إسرائيل	1948	إسرائيل، تأسسات ف 1948، مامعتارفاش بيها 29 دولة من الأمم المتحدة. منضمة التحرير الفلسطينية، اللي عندها الأغلبية د العتيرافات بلّي هي الممتل الوحيد ديال الشعب الفلسطيني، عتارفات ب إسرائيل عام 1993. شهر 1، 2018، المجلس المركزي الفلسطيني صوّت باش يحبس العتيراف ب إسرائيل، ولكن هاد القرار باقي ماتّخاد.[15][16]	الدولة د فلسطين كاتعتابر راسها الحاكم الشرعي الوحيد على الضفة الغربية، اللي بزاف منها تحت الحتيلال بحكم الواقع. الجمهورية العربية السورية كاتعتابر راسها الحاكم الشرعي الوحيد ل مرتفعات الجولان، اللي إسرائيل كاتطالب بيهوم معا عتيراف محدود	العلاقات البرانية، المهمات الديپلوماسية (ديالها، فيها) العتيراف الدولي	[17][18][19][20][21]

الدول المراقبة اللي عضو ف الأمم المتحدة اللي مامعتارفاش بيها عل' الأقل شي دولة وحدة من الأمم المتحدة

السميّة	التأسيس	الحالة	المدّعيين لاخرين	معلومات وحداخرة	عيون لكلام
الدولة د فلسطين	1988	إسرائيل شدّات الطريطوارات الفلسطينية من مور الحرب د ست ايّام، ولكن عمّرها ضمّاتهوم رسميا، الدولة د فلسطين (معروفة ب فلسطين) تأسسات ف 1988 من عند منضمة التحرير الفلسطينية، اللي معتارفة بيها الأغلبية د الأعضاء د الأمم المتحدة ؤ الأمم المتحدة ب راسها بلّي هي الممتل الوحيد د الشعب الفلسطيني، ملّي سالات الإنتفاضة الفلسطينية اللولة ضد إسرائيل الحكومة الإسرائيلية حيدات ب التدريج القوات المسلحة ؤ المستوطنين ديالها من شي بلايص من الطريطوار الفلسطيني، واخا باقة مكلفة ب نسبة كبيرة منو.[22] السلطة الوطنية الفلسطينية، اللي التي تدير خدمة حكومية داخلية محدودة ف شي بلايص ف فلسطين تصاوبات ف 1994. الفريق د 2007 بين الأحزاب السياسة د فَتح ؤ حَماس نتج حكومات متنافسة كايدّاعيو التمتيل د السلطة الفلسطينية ؤ فلسطين، معا فَتح شادّة الضفة الغربية ؤ عندها العتيراف د الأغلبية د الأعضاء د الأمم المتحدة، ؤ قيادة مفرّقة د حَماس شادّة حصريًا المنطقة د غزة (إلا واحد الوقيتة ما بين 2014 تال 2016). فلسطين حاليًا معتارفة بيها 138 دولة من الأمم المتحدة، الكرسي المقدس،[23] الجمهورية العربية الصحراوية الديمقراطية.[24] الدول لاخرة اللي باقة من الأمم المتحدة، اللي فيها حتا إسرائيل، ما معتارفاش ب فلسطين. الأمم المتحدة مصنفة الأراضي الفلسطينية المزعومة بلّي راهوم محتلّين من عند إسرائيل،[25] ؤ حسبات فلسطين دولة مراقبة ف 2012، فلسطين عضو ف جامعة الدول العربية، منضمة التعاون الإسلامي، و اليونيسكو.	الدولة د إسرائيل كاعتابر المنطقة اللي فلسطين كاتطالب بيها، طريطوار 'منتنازع عليه' (زعما، طريطوار قانونيًا ما ديال حتى واحد).[26]	العلاقات البرانية، المهمات الديپلوماسية (ديالها، فيها)	[27][28][29][30][31][32]

الدول اللي ماشي أعضاء ف الأمم المتحدة ؤ ماشي دول مراقبة

الدول اللي معتارفة بيها عل' الأقل دولة وحدة عضو ف الأمم المتحدة
السميّة	التأسيس	الحالة	المدّعيين لاخرين	معلومات وحداخرة	مصادر
الجمهورية د الكوصوڤو	2008	الكوصوڤو ديكلارات الستيقلال ديالها ف 2008. حاليًا 98 دولة عضو ف الأمم المتحدة معتارفة بيها، الجمهورية الشينوية، جزر كوك، نييوي، ؤ فرسان مالطا. 10 ديال الدول وحداخرين فات ليهوم عتارفو ب الكوصوڤو ؤ سحبو العتيراف من بعد، كيمّا جا ف قرار مجلس الأمن رقم 1244، الأمم المتحدة تكلفات ب الإدارة ديالها من 1999، ب البعتة د الأمم المتحدة د الإدارة المؤقتة ف كوصوڤو، ب التعاون معا التيحاد الأوروپي من 2008. الكوصوڤو عضو ف صندوق النقد الدولي، مجموعة البنكة الدولية، اللجنة د البندقية، البنكة الأوروپية د إعادة البني و التنمية، اللجنة الأولمپية الدولية، ؤ وحداخرين.	صربيا كاتدّعي بلّي الكوصوڤو طرف من السيادة الطريطوار د السيادة ديالها	العلاقات البرانية، المهمات الديپلوماسية (ديالها، فيها) العتيراف الدولي؛ الحالة السياسية.	[33][34]
الجمهورية العربية الصحراوية الديمقراطية	1976	المغريب خدا ؤ زاد ليه أغلب الصحرا الغربية مورا ما خرجات الصبليون منّها ف 1975، ف 1976 الجبهة د الپوليزاريو ديكلارات الستيقلال د الصحرا الغربية، على شكل الجمهورية العربية الصحراوية الديموقراطية (SADR)، هاد SADR هي واحد الحكومة ف المنفى كاينة ف الدزاير، اللي كاتطالب ب ݣاع الصحرا الغربية، ولكن شادّة غير واحد القسم صغير منّها. 40 دولة من الأمم المتحدة ؤ أوسيتيا الجنوبية معتارفة بيها، 44 دولة وحداخرة فات ليها عتارفات بيها ولكن تراجعات عل' العتيراف ديالها ولّا جمداتو، على ما يتدّار شي ستيفتاء ديال تقرير المصير.[35][36] الدول لاخرة اللي بقات من الأمم المتحدة، اللي فيها حتى المغريب، عمّرهوم عتارفو بيها. SADR هي عضو ف التيحاد ليفريقي. القرار د الجمعية العامة د لأمم المتحدة 34/37 عتارف ب الحق د الشعب د الصحرا الغربية ف تقرير المصير، ؤ عتارف ب الجبهة د الپوليزاريو الممتل د الشعب د الصحرا الغربية، الصحرا الغربية محسوبة مع الليسطة د الأمم المتحدة د الطريطوارات اللي ماحاكماش راسها. حتا دولة من غير المغريب مامعتارفة ب الزيادة د الصحرا الغربية ليه، ولكن شي دول كاتساند البلان المغريبي د الحكم الداتي. جامعة الدول العربية كاتساند المطالبة د المغريب ب ݣاع الطريطوار د الصحرا الغربية.	المغريب كايدّعي بلّي الصحرا الغربية (ؤ حتا المناطق اللي شادّاها SADR) طرف من الطريطوار ديال السيادة ديالو	العلاقات البرانية، المهمات الديپلوماسية (ديالها، فيها) العتيراف الدولي؛ الحالة السياسية.	[37]
الجمهورية الشينوية	1912	الجمهورية الشينوية (ROC)، تأسسات دستويًا عام 1912، ؤ كاينة بشكل أساسي ف الطايوان من 1949 (الشي اللي خلّا "الطايوان" هي السمية اللي معروفة بيها)، كان عندها عتيراف د الأغلبية بلّي هي الحكومة الوحيدة د الشّينوا حتال الخمسينات/الستينات، ملّي الأغلبية د الأعضاء د الأمم المتحدة حوّلو العتيراف ديالهوم ل الجمهورية الشينوية د الشعب (PRC). الأمم المتحدة براسها كانت معتارفة بلّي الـROC هي الممتل الوحيد ديال الشينوا حتال 1971، ملّي قررات تعطي العتيراف ل الـPRC بلاصتها،(شوف القرار د الجمعية العامة دالأمم المتحدة 2758).[م 1] الـPRC ؤ الـROC ماكايعتارفوش ب تادوّالت د بعضياتهوم، ؤ كل وحدة كاتطبّق الڤيرسيوُ ديالها دسياسة شينوا وحدة زعما حتى دولة ماتقدر تعتارف بجوجبيهوم ف دقّة وحدة. الدول اللي معتارفة ب الـROC هي 14 ديال الدول من الأمم المتحدة ؤ الكرسي المقدس. تقريبا ݣاع الدول اللي بقاو من الأمم المتحدة، جزر كوك، ؤ نييوي، معتارفين ب الـPRC بلاصة الـROC ؤ ياإمّا قابلة المطالبة د الـPRC ب الطايوان، واخدة موقف ماشي-ملزم من الحالة د الطايوان، ولّا كاتجنّب المشكلة ديال الطايوان نهائيًا، هاكّاك، عَدَاد ديال الدول كايديرو علاقات رسمية ماشي ديپلوماسية مع الـROC واخا معتارفة ب الـPRC. بوطان هيا الوحيدة من الأمم المتحدة اللي مامعتارفاش بشكل صريح بيهوم بجوج. من البدية د التسعينات، الـROC طلبات عضوية منفاصلة ف الأمم المتحدة ب بزاف السميات، بيناتهوم حتا "الطايوان".[38]	الجمهوية الشينوية د الشعب كاتعتابر راسها الحكومة الشرعية الوحيدة ديال الشينوا، (حتا الطايوان) ؤ كاتطالب إدن ب ݣاع الطريطوار اللي شاداه الجمهورية الشينوية.	العلاقات البرانية، المهمات الديپلوماسية (ديالها، فيها) العتيراف الدولي؛ الحالة السياسية.	[39]
الجمهورية د أبخازيا	1999	أبخاريا ديكلارات الستيقلال ديالها ف 1999.[40] حاليًا 6 د الدول من الأمم المتحدة (روسيا، سوريا، نيكاراݣوا، ڤينزويلا، ناورو ؤ ڤانواتو)، ؤ تلاتة د الدول ماشي أعضاء ف الأمم المتحدة (أوسيتيا الجنوبية، أرتساخ (ناݣورنو-كاراباخ) ؤ ترانسنيستريا). دولة وحدة من الأمم المتحدة (توڤالو) عترافات بيها ؤ تراجعات من بعد على هاد العتيراف.	جورجيا كاتدّعي بلّي أبخاريا ؤ أوسيتيا الجنوبية بجوج طرف من الطريطوار د السيادة ديالها.	العلاقات البرانية، المهمات الديپلوماسية (ديالها، فيها) العتيراف الدولي؛ الحالة السياسية.	[41][42][43][44][45]
الجمهورية د أوسيتيا الجنوبية	1991	أوسيتيا الجنوبية ديكلارات الستيقلال ديالها ف 1991. حاليًا 5 د الدول من الأمم المتحدة (روسيا، سوريا، نيكاراݣوا، ڤينزويلا ؤ ناورو) ؤ 4 د الدول ماشي أعضاء ف الأمم المتحدة (أبخازيا، أرتساخ (ناݣورنو-كاراباخ)، ترانسنيستريا ؤ الجمهورية العربية الصحراوية الديمقراطية). دولة وحدة من الأمم المتحدة (توڤالو) عترافات بيها ؤ تراجعات من بعد على هاد العتيراف.		العلاقات البرانية، المهمات الديپلوماسية (ديالها، فيها) العتيراف الدولي؛ الحالة السياسية.	[41][42][43]
الجمهورية التركية ديال قبرص الشمالية	1983	قبرص الشمالية ديكلارات الستيقلال ديالها ف 1983، ب السمية الرسمية "الجمهورية التركية ديال قبرص الشمالية". معتارفة بيها دولة وحدة من الأمم المتحدة، تركيا. منضمة التعاون الإسلامي ؤ منضمة التعاون القتيصادي عطاو ل قبرص الشمالية مركز د المراقب ب السمية د "الدولة القبرصية التركية". القرار د مجلس الأمن ديال الأمم المتحدة رقم 541 كايعرّف بلّي الديكلاراسيون د الستيقلال ديال قبرص الشمالية قانونيًا مادايزش.[46]	جمهورية قبرص كاتدّعي بلّي المنطقة اللي شادّاها قبرص الشمالية هي طرف من الطريطوار د السيادة ديالها.	العلاقات البرانية، المهمات الديپلوماسية (ديالها، فيها)	[47]
الدول اللي معتارفة بيها غير الدول اللي ماشي عضو ف الأمم المتحدة
السميّة	التأسيس	الحالة	المدّعيين لاخرين	معلومات وحداخرة	مصادر
جمهورية بريدنيستروڤيا المولداڤية	1990	ترانسنيستريا (رسميًا جمهورية بريدنيستروڤيا المولداڤية) علنات الستيقلال ف 1990. معتارفين بيها 3 د الدول ماشي أعضاء ف الأمم المتحدة: أبخازيا، أرتساخ (ناݣورنو-كاراباخ) ؤ أوسيتيا الجنوبية.	مولدوڤا كاتدّعي بلّي ترانسنيستريا طرف من الطريطوار د السيادة ديالها.	العلاقات البرانية، المهمات الديپلوماسية (ديالها، فيها)	[48][49]
الجمهورية د أرتساخ	1991	أرتساخ (معروفة سابقًا ب جمهورية ناݣورنو-كاراباخ) ديكلارات الستيقلال ديالها ف 1991. (تقريبًا قد قد هي و أزيربيدجان ملّي طاح التيحاد السوڤياتي). معتارفين بيها 3 د الدول ماشي أعضاء ف الأمم المتحدة: أبخازيا، أوسيتيا الجنوبية ؤ ترانسنيستريا.[50]	أزيربيدجان كاتدّعي بلّي أرتساخ طرف من الطريطوار د السيادة ديالها.	العلاقات البرانية، المهمات الديپلوماسية (ديالها، فيها)	[48][51]
الدول اللي مامعتارفة بيها حتا دولة وحداخرة
السميّة	التأسيس	الحالة	المدّعيين لاخرين	معلومات وحداخرة	مصادر
الجمهورية د صوماليلاند	1991	صوماليلاند ديكلارات الستيقلال ديالها ف 1991، علنات بلّي غاتكون التابعة ل الدولة د صوماليلاند، واحد الدولة اللي عاشت عمر قصير من 26 شهر 6، 1960 (ملّي الحماية البريطانية ل صوماليلاند خدات الستيقلال ديالها) حتال 1 شهر 7، 1960 (ملّي الدولة د صوماليلاند تتاحدات معا جمهورية الصومال). صوماليلاند معروفة دوليًا ب منطقة عندها حكم داتي من الصومال.	الصومال كاتدّعي بلّي صومليلاند طرف من الطريطوار د السيادة ديالها.	العلاقات البرانية، المهمات الديپلوماسية (ديالها، فيها)	[48][52]

التنضيمات المستبعدين

• التنضيم ديال الفرسان د مالطا واحد التنضيم عندو سيادة و ماشي-دولة، ما طالبش ب تادوّالت ولّا شي طريطوار. دار علاقات ديپلوماسية كاملة معا 107 دولة عندها سيادة بحالا راه عضو عندو سيادة من القانون الدولي، ؤ كايدير علاقات ديپوماسية معا التيحاد الأوروپي، الكرسي المقدس، ؤ الدولة د فلسطين. زيد عليها، كايشارك ف الأمم المتحدة بحال عضو مراقب. واخّا مامعتارفش بيه عضو ف القانون الدولي من عند فرانسا، كايبقا هاد التنضيم رسمي، ولكن ماشي ديپلوماسي، هاكا كايدير علاقات معا فرنسا، ؤ 4 د الدول اخرين: بلجيكا، سويسرا، لوكسمبورݣ، ؤ كانادا.
• الشعوب اللمامتّاصلاش اللي ياإما عايشين ف مجتمعات ماتقدرش تعتابرها دول، ولّا الوضع ديالهوم مامعروفش ب الضبط.
• شي تنضيمات ؤ جهات تحت-وطنية كايخدمو بحال شي دول مستقلّة بحكم الواقع، فين الحكومة المركزية كاتفرض سيطرة صغيرة ولّا منعادمة على الطريطوار ديالها. هاد التنضيمات، ماكايعتابروش راسهوم مستقلّين نيشان، داكشي علاش ماكايتحسبوش دول، بحال متلًا ݣالمودوݣ ؤ پونتلاند ف الصومال، غزة ف فلسطين، كوردستان ف لعراق، دولة وا ف ميانمار.
• التنضيمات اللي كاتعتابر ميكرو-وطن مامحسوبينش، واخا الميكرو-أوطان غالبا كايدّعيو السيادة ؤ الستيقلال، غالبا الميكرو-وطن ماكايكونش بالصح شاد الطريطوار اللي كايدّاعي، داكشي علاش كايتعتابرو شي حاجة جيوسياسية. شوف ليسطة د الميكرو-أوطان.
• البلايص اللي فيهوم حروب أهلية ولّا حالات اخرى د المشاكل مع النجاح د الحكومة، ملّي الصراع كايكون باقي خدّام.
• الݣروپات التورية، اللي ديكلارات الستيقلال، ؤ كان عندها واحد النوع د السيطرة على شي طريطوار. ولكن المصادر اللي تعول عليها ما كاتوصفهومش بلّي واصلين العتبة د دولة عندها سيادة تحت القانون الدولي.
• الحركات الوحدوية ؤ الحكومات ف المنفى الحالية اللي ماموفياش المعايير د التضمين، اللي ف دقة وحدة ماموفياش النضرية التصريحية ؤ حتى دولة اخرة مامعتارفاش بيها ك دولة ولا ك حكومة شرعية.
• شي دول كايتعطلو باش يديرو علاقات معا الأعضاء الجداد د الأمم المتحدة، إيوا ماكايكونوش معتارفين بيهوم ب شكل علني، واخا ما كايكونش شي نزاع ؤ العلاقات شي مرات كاتكون حبية. كايتستبعدو حتا هوما من الليسطة.

ملاحضات

1. الجمهورية الشينوية ؤ الجمهورية الشينوية د الشعب بجوج طالبو ب السيادة على الشينوا كاملة، بلّي را الشينوا بلاد وحدة عندها سيادة بحكم القانون جامعة ݣاع المنطقة اللي شادّاها الـPRC ؤ المنطقة اللي شادّاها الـROC، كل دولة كان عندها الموقف ديالها. كاين اللي عتابر الـPRC هي اللي عندها الحق ف التمتيل د الشينوا كاملة، كاين اللي مشا معا هاد الموقف ؤ عتابر غير الـPRC هي اللي دولة، كاير اللي عتابر غير الـROC هي اللي دولة، ولكن بينو بلّي باغيين يعتارفو ؤ يديرو علاقات معا الـROC ؤ الـPRC بجوج.

مصادر

1. US Library of Congress (7 October 2000). "World War II and Korea". Country Studies. Retrieved 28 February 2008.
2. Sterngold, James (3 September 1994). "China, Backing North Korea, Quits Armistice Commission". The New York Times. Retrieved 29 February 2008.
3. Pakistan Worldview – Report 21 – Visit to Azerbaijan Senate of Pakistan — Senate foreign relations committee, 2008
4. Nilufer Bakhtiyar: "For Azerbaijan Pakistan does not recognise Armenia as a country" 13 September 2006 [14:03] – Today.Az
5. European Parliament Directorate-General External Policies Policy Department "Turkey and the problem of the recognition of Cyprus" 20 January 2005 Retrieved 3 February 2011
6. https://web.archive.org/web/20181226020655/https://www.cia.gov/library/publications/the-world-factbook/geos/cy.html. مأرشيڤي من لأصل ف 26 December 2018. تطّالع عليه ب تاريخ 16 September 2020. Missing or empty |title= (معاونة)
7. "Cyprus exists without Turkey's recognition: president". XINHUA. 1 October 2005. Retrieved 7 March 2008.
8. European Parliament's Committee on Foreign Affairs "The influence of Turkish military forces on political agenda-setting in Turkey, analysed on the basis of the Cyprus question" 18 February 2008 Retrieved 3 February 2011
9. "Treaty on Basic Relations between Japan and the Republic of Korea". Retrieved 27 October 2008
10. [Commission de la défense nationale et des forces armées (30 March 2010). مؤرشف 2011-06-05 فموقع وايباك ماشين(in French). Archived from the original on 17 February 2012. Retrieved 2 May 2010. Commission de la défense nationale et des forces armées (30 March 2010). [https://web.archive.org/web/20110605121127/http://www.assemblee-nationale.fr/13/cr-cdef/09-10/c0910024.asp مؤرشف] 2011-06-05 فموقع [[وايباك ماشين|وايباك ماشين]](in French). Archived from [http://www.assemblee-nationale.fr/13/cr-cdef/09-10/c0910024.asp the original] on 17 February 2012. Retrieved 2 May 2010.] Check |url= value (معاونة). Missing or empty |title= (معاونة); URL–wikilink conflict (معاونة)
11. Goodman, David (2015). Handbook of the Politics of China. ISBN 978-1-78254-437-1. Retrieved 29 September 2017. "Seoul recognized Taiwan as the sole legitimate government of China"
12. "Declaration of Independence". TIME. 19 August 1966. Archived from the original on 6 November 2010. Retrieved 29 February 2008.
13. https://web.archive.org/web/20160419174039/http://www.atimes.com/atimes/Korea/GA04Dg01.html. مأرشيڤي من لأصل ف 19 April 2016. تطّالع عليه ب تاريخ 16 September 2020. Missing or empty |title= (معاونة)
14. "Constitution of the People's Republic of China". International Human Rights Treaties and Documents Database. Archived from the original on 16 January 2000. Retrieved 28 February 2008.
15. "PA's Mahmoud Abbas declares suspension of all deals with Israel". Al Jazeera. 26 July 2019. Retrieved 25 November 2019.
16. "PLO suspends recognition of Israel". Middle East Monitor. 30 October 2018.
17. Government of Israel (14 May 1948). "Declaration of Israel's Independence 1948". Yale University. Retrieved 28 February 2008.
18. United States Congress (5 June 2008). "H. RES. 1249" (PDF).
19. "'Reply' Online Book Chapter 1". مؤرشف 2011-07-27 فموقع وايباك ماشين Mythsandfacts.org. Retrieved 25 June 2010.
20. "Khartoum Resolution". Council on Foreign Relations. Archived from the original on 5 March 2016.
21. Government of Israel. "Israel's Diplomatic Missions Abroad: Status of relations". Ministry of Foreign Affairs. Retrieved 4 April 2011.
22. Staff writers (20 February 2008). "Palestinians 'may declare state'". BBC News. British Broadcasting Corporation. Retrieved 22 January 2011.:"Saeb Erekat, disagreed arguing that the Palestine Liberation Organisation had already declared independence in 1988. "Now we need real independence, not a declaration. We need real independence by ending the occupation. We are not Kosovo. We are under Israeli occupation and for independence we need to acquire independence".
23. Bannoura, Saed (28 August 2011). "124 Out Of 193 Countries Recognize Palestinian Independence". IMEMC News. International Middle East Media Center. Retrieved 28 August 2011.
24. Shelley, Toby (1988). "Spotlight on Morocco". West Africa. London: West Africa Publishing Company Ltd (3712–3723: 5–31 December): 2282. "... the SADR was one of the first countries to recognise the state of Palestine."
25. Heaney, Christopher. "Committee on Exercise of Inalienable Rights of Palestinian People – GA Resolution (A/RES/73/18)".
26. https://mfa.gov.il/MFA/MFA-archive/2003/Pages/DISPUTED%20TERRITORIES-%20Forgotten%20Facts%20About%20the%20We.aspx
27. "International Recognition of the State of Palestine". Official website of the Palestinian National Authority. November 1988. Archived from the original on 10 October 2003.. The PNA has publicly acknowledged recognition from 94 states, including the former Yugoslavia.
28. Venezuela Pledges Support for Palestinian Statehood during Abbas Visit, November 2009.
29. Costa Rica Recognizes 'Palestine'" Archived 15 February 2016 at the Wayback Machine, The Journal of Turkish Weekly 26 February 2008 Retrieved 7 February 2011
30. "South African Representative Office to the Palestinian National Authority" مؤرشف 2010-07-03 فموقع وايباك ماشين. Sarep.org. Retrieved 25 June 2010.
31. "Embassies of Palestine". Webgaza.net. Retrieved 25 June 2010.
32. "Embassy of the State of Palestine in Bratislava". Palestine.sk. Archived from the original on 9 August 2009. Retrieved 25 June 2010.
33. "Kosovo MPs proclaim independence". BBC News. 17 February 2008. Retrieved 28 February 2008.
34. "Kosovo" (PDF). Archived from the original (PDF) on 16 February 2008. Retrieved 25 June 2010.
35. "Here the states which recognize the SADR. It is a non-official list, with dates of recognition and cancellation". ARSO. Retrieved 7 February 2011.
36. "About Western Sahara". Australia Western Sahara Association. November 2006. Retrieved 4 January 2010.
37. "Sahrawi Arab Democratic Republic". 27 February 1976. Archived from the original on 2 May 2008. Retrieved 28 February 2008
38. Winkler, Sigrid (20 June 2012). "Taiwan's UN Dilemma: To Be or Not To Be".
39. Global Investment and Business Center, Inc. Staff Taiwan Foreign Policy and National Security Yearbook 2011 Second Edition International Business Publications, USA [[:en:Special:BookSources/0-7397-3660-4 |ISBN 0-7397-3660-4]] Online version^{[ليان مهرس ديما]} available at Google Books
40. "Regions and territories: Abkhazia". BBC news. 8 February 2011. Retrieved 31 March 2011.
41. "BBC NEWS – Europe – Russia recognises Georgian rebels".
42. "Venezuela's Chavez draws closer to Moscow". Reuters. 10 September 2009. Retrieved 20 October 2009
43. "Syria formally recognizes Abkhazia and South Ossetia". Eurasianet. 29 May 2018. Archived from the original on 29 May 2018. Retrieved 30 May 2018.
44. Clogg, Rachel (2001). "Abkhazia: Ten Years On" (PDF). Conciliation Resources. Archived from the original (PDF) on 16 February 2016. Retrieved 26 February 2008.
45. John Pike. "Georgia mocks Nauru's recognition of Abkhazia". Globalsecurity.org. Retrieved 25 June 2010.
46. "Security Council resolution 541 (1983) on Cyprus". Un.int. Archived from the original on 28 August 2003. Retrieved 25 June 2010.
47. Hadar, Leon (16 November 2005). "In Praise of 'Virtual States'". AntiWar. Retrieved 28 February 2008.
48. Ker-Lindsay, James (2012). The Foreign Policy of Counter Secession: Preventing the Recognition of Contested States. Oxford University Press. p. 53. ISBN 9780199698394. ...there are three other territories that have unilaterally declared independence and are generally regarded as having met the Montevideo criteria for statehood but have not been recognized by any states: Transnistria, Nagorny Karabakh, and Somaliland.
49. "Abkhazia: Ten Years On". BBC 2. 2001. Archived from the original on 21 December 2009. Retrieved 16 June 2008.
50. (in Russian) Вице-спикер парламента Абхазии: Выборы в НКР соответствуют всем международным стандартам مؤرشف 2011-08-11 فموقع وايباك ماشين: "Абхазия, Южная Осетия, НКР и Приднестровье уже давно признали независимость друг друга и очень тесно сотрудничают между собой", – сказал вице-спикер парламента Абхазии. ... "...Абхазия признала независимость Нагорно-Карабахской Республики..." – сказал он." English language translation from Microsoft Translator
51. BBC Country Profiles: Regions and territories: Nagorno-Karabakh. Retrieved 14 September 2009.
52. BBC Country Profiles: Regions and territories: Somaliland. Retrieved 14 September 2009.