ڤينيزويلا، رسميا لجمهورية لبوليڤارية د ڤينيزويلا (بالصبليونية: República Bolivariana de Venezuela) هي بلاد جات ف الشمال د أمريكا لجنوبية. تايحدّوها من الشمال لبحر د لكاريبي ،لمحيط لأطلسي و طرينيضاض ؤ طوباݣو، من لغرب كولومبيا، من لجنوب لبريزيل، و من الشرق ݣويانا. ڤينيزويلا بلاد متنوعة بزاف جغرافيا، الساحل الشمالي ديالها فيه براف د لجزر د لكاريب، اللي فيه بحورا محسوبين من أحسن لوحدين ف العالم. لبلاد فيها تا طرف من لغابة د لأمازون و الجبال ديال لأنديز.[1]
ڤينيزويلا من لبلدان اللوالا اللي ستعمراتها صبانيا ف أمريكا لجنوبية، و كان داكشي ف 1522. ف 1811، ستاقلات لبلاد، و كانت من لبلدان اللولا ف لمنطقة اللي ستاقلو. ف وقت لإستقلال، كانت ڤينيزويلا طرف من كولومبيا لكبيرة، و تال 1830 عاد ولاّت بلاد مستاقلة بوحدها.
تيسكنو ف ڤينيزويلا تقريبا 29 مليون د الناس، و لعاصمة ديالها هي كاراكاس. اللغة الرسمية د لبلاد هي الصبليونية، و لفلوس اللي كاتخدّم هي لبوليڤار السيادي. لإقتصاد د ڤينيزويلا كيعوّل بزاف على لپيطرول. ڤينيزويلا عندها نضام جمهوري رئاسي فيديرالي، و مقسومة على 23 ولاية. هي داخلة مع بزاف د لمنضمات الدولية بحال لأمم لمتحدة و لمنضمة د لبلدان لأمريكية و ميركوسور و أوپيك.
عيون لكلام
