ڤانواتو، رسميا لجمهورية د ڤانواتو (ب لبيسلاما: Ripablik blong Vanuatu - بلينݣليزية: Republic of Vanuatu - بلفرانساوية: République de Vanuatu) هي بلاد أرخبيل جات ف لجنوب د لمحيط لهادي. أقرب لبلدان ليها هوما فرانسا (لجزر د كاليدونيا الجديدة) و فيدجي و جزر صالومون و پاپوا غينيا الجديدة. ؤسطراليا جات تقريبا ف واحد 1750 كم من جيهت لجنوب لغربي.
أول ناس سكنو لجزر د ڤانواتو هوما الشعوب لميلانيزية، اللي كاينين فيها من هادي كتر من 3000 عام. أول أوروپيين وصلو للمنطقة كانو هوما الصبليون ف 1606، و ستعمروها نيشان ملّي دخلو ليها. ف 1880، بداو تيدخلو فرانسا و بريطانيا للمنطقة، و ف 1906 تافقو باش يستعمروها بجوج. ف 1970 بداو الناس د لبلاد تيطالبو بلإستقلال، و ف 30 يوليوز 1980 ستاقلات رسميا لجمهورية د ڤانواتو.[1]
تيسكنو ف ڤانواتو شويا كتر من 307.000 واحد، و لعاصمة ديالها هي پورت ڤيلا. اللغات الرسمية د لبلاد هوما لبيسلاما و لينݣليزية و لفرانساوية، و لفلوس اللي كاتخدّم هي لڤاتو. هي داخلة مع بزاف د لمنضمات دولية بحال لأمم لمتحدة و لكومنويلت و لمنضمة لعالمية د لفرونكفونية و لمنتدى د لجزر د لمحيط لمهدّن.
عيون لكلام
