Brislach

Brislach
Wappe vo Brislach
Basisdate
Staat:	Schwiiz
Kanton:	Basel-Landschaft (BL)
Bezirk:	Laufenw
BFS-Nr.:	2782i1f3f4
Poschtleitzahl:	4225
Koordinate:	608406 / 25176847.4166677.550011373Koordinate: 47° 25′ 0″ N, 7° 33′ 0″ O; CH1903: 608406 / 251768
Höchi:	373 m ü. M.
Flächi:	9,39 km²
Iiwohner:	1701 (31. Dezämber 2022)[1]
Website:	www.brislach.ch
Charte
Charte vo Brislach ww

Dialäkt: Baseldütsch

Brislech (amtlich: Brislach) isch e politischi Gmeind im Bezirk Laufe im Kanton Basel-Landschaft in dr Schwiiz.

Geographii

Brislech isch e ländligi Gmeind, wo öbbe 20 Kilometer südwestlig vo dr Stadt Basel lit, am Aafang vom Lützeldal. D Flechi vom Gmeindigebiet bedräit 939 Hektare, drvo si 53 % Landwirtschaftsflechi, 39 % Wald und 8 % Siidlige.

Wappe

S Wappe us em Johr 1946 zeigt zwei roti, krüzti Liliestäb uf goldigem Grund. S Wappe het dr Familie "vo Ramstei" ghört, wo ursprünglig "vo Brislech" gheisse hai (vgl. au mit de Wappe vo Bretzwil, Nunnige, Zullwil und Zwinge).

Gschicht

Zum erste Mol wird Brislech im Johr 1144 as Brislacho urkundlig erwähnt. Bis zum Ändi vom 19. Johrhundert isch s e reins Buuredorf gsi, wo s Hüüser nume dr Dorfstross nooch gha het. Öbbe e Dotzed Landwirtschaftsbedriib si no übrig bliibe, und die meiste von ene si usserhalb vom Dorfchärn. S rästlige Dorf bestoht zum grösste Deil us Wohnquartier und vereinzelte Undernähme. 1994 het Brislech as eini vo 13 Gmeinde im Laufedal vom Kanton Bärn zum Kanton Basel-Landschaft gwächslet. In de letzte 15 Johr isch d Bevölkerig vom Dorf um 40 Prozänt gwachse.

D Pfarrchille St.Peter z Brislech

Wirtschaft

Wichtigi Erwärbszwiig si s Chliigwärb und d Landwirtschaft. Z Brislech befindet sich e wichtigs elektrischs Underwärk, wo under Anderem d Stadt Basel mit Energii beliifert. Über d Zueständigkeit vo de elektrische Aalage wie Underwärk und Übertragigsleitige het s rächtligi Broblem gee, wil dr Bezirk Laufe vom Kanton Bärn an dr Kanton Baselland gangen isch.

Weblingg

 Commons: Brislach – Sammlig vo Multimediadateie

• Offizielli Website vo dr Gmeind Brislech
• Daniel Hagmann: Brislach. In: Historisches Lexikon vo dr Schwiiz.

Fuessnote

1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

Politischi Gmeinde im Bezirk Laufe Änzlige | Blaue | Brislach | Burg | Dittige | Duggige | Grällige | Laufe | Liäschbrg | Roggeburg | Röschenz | Wahle | Zwinge Baselbiet (Kanton) | Bezirk vom Baselbiet | Gmeinde vom Baselbiet

Normdate: GND: 4341151-4 | VIAF: 248252991