Wedstryd tussen Samoa en Namibië tydens die Rugbywêreldbeker 2011
Die Rotorua Internasionale Stadion is 'n veeldoelige stadion in Rotorua, Nieu-Seeland. Die stadion is teenaan Devon Street West in die voorstad Westbrook geleë.
Die stadion het 'n kapasiteit van 34 000 toeskouers.[1] Dit is oorspronklik in 1911 gebou, en is sedertdien verskeie kere opgegradeer. Die stadion het 'n bedekte pawiljoen wat tot 4 000 mense sitplek kan bied, asook 'n beton-sitarea aan die westekant van die veld.
Die stadion word hoofsaaklik vir rugbywedstryde ingespan en is een van die twee tuisvelde van die Bay of Plenty-span (rugbyunie). Tydens die Rugbywêreldbeker 1987 is in die stadion die klein finale vir die derde plek tussen Australië en Wallis beslis. Verskeie wedstryde is ook tydens die 2011 Rugbywêreldbeker hier gespeel.
Sagtebalbane is aan die noordekant van die stadion geleë.
.jpg)
