Germiston

Germiston
Die sentrale sakekern van Germiston
Germiston  Germiston se ligging in Gauteng
Koördinate: 26°13′4″S 28°10′2″O
Land	Suid-Afrika
Provinsie	Gauteng
Munisipaliteit	Ekurhuleni
Stigting	1886[1]
Oppervlak [2]
• Totaal	143,27 km^2 (55,32 vk. myl)
Hoogte	1 620 m (5 310 ft)
Bevolking  (2011)[2]
• Totaal	255 863
• Digtheid	1 786/km^2 (4 630/vk. myl)
Rasverdeling (2011) [2]
• Wit mense	31.3%
• Indiërs/Asiërs	3.0%
• Bruin mense	2.3%
• Swart mense	62.3%
• Ander	1.1%
Taal (2011) [2]
• Engels	24.3%
• Afrikaans	16.6%
• Zoeloe	16.6%
• Xhosa	9.4%
• Ander	33.1%
Poskode (strate)	1401
Poskode (posbusse)	1400
Skakelkode	011

Germiston is 'n stad aan die Oos-Rand van Gauteng en is Suid-Afrika se agtiende grootste nedersetting. Dit beskik oor Suid-Afrika se grootste spoorwegaansluiting en die besigste burgerlike lughawe, die Randse Lughawe. Sewe spoorlyne uit verskillende rigtings sluit by die spoorwegstasie aan.

Geskiedenis

Die dorp is in die vroeë dae van die goudstormloop gestig, toe twee prospekteerders, ene John Jack van die plaas Germiston naby Glasgow in Skotland en August Simmer van Vacha in Duitsland goudneerslae ontdek het op die plaas Elandsfontein. Albei van hulle het ryk geword daaruit en die dorp het langs die myn, Simmer & Jack, ontstaan. Die myn is in 1964 gesluit nadat dit reeds 15 miljoen onse goud opgelewer het. Die dorp het in 1903 'n munisipaliteit geword en het in 1950 stadstatus verkry. Die wêreld se grootste goudraffinadery, die Rand Refinery, is in 1921 in Germiston geopen.

Infrastruktuur

Germiston is nou deel van die Ekurhuleni Metropolitaanse Munisipaliteit, oos van die Stad Johannesburg Metropolitaanse Munisipaliteit. Die stad is ook die tuiste van die Wesbank Motorrenbaan (waar die bekende Gosforth Park perderenbaan geleë was). Op die Germistonmeer word ook verskeie soorte watersport beoefen.

Bekende inwoners

Bekende mense wat van Germiston af kom, sluit in:

• Dr Sydney Brenner, wenner van die 2002 Nobelprys vir Fisiologie of Geneeskunde
• Neville Colman, hematoloog en DNS-kenner
• John Cundill, joernalis en dramaturg
• Jeannie de Gouveia (beter bekend as Jeannie D), TV-aanbieder, mediapersoonlikheid en stigter van Finery Gin.
• Trevor Denman, 'n Amerikaanse sportuitsaaier en openbare omroeper wat spesialiseer in volbloed perdewedrenne
• Arlene Dickinson, Suid-Afrikaans-Kanadese entrepreneur
• Mike dos Santos, strateeg, danser en skrywer
• Ernie Els, gholfspeler wat die Laerskool Delville en die Hoërskool Jan de Klerk bygewoon het.
• Ted Grant, Trotskyistiese politikus en teoretikus
• Bertha Gxowa, anti-apartheids- en vroueregte-aktivis en vakbondlid
• Pierre Issa, Libanese Suid-Afrikaanse voormalige sokkerspeler
• Albert Johanneson, professionele sokkerspeler en eerste swart speler wat in die FA Cup gespeel het
• Bobby Locke, professionele gholfspeler, wenner van vier ope kampioenskappe
• Malcolm Marx, Suid-Afrikaanse rugbyspeler (Wêreldbeker-wenner in 2019)
• André Nel, Suid-Afrikaanse krieketsnelbouler
• Stanley Skewes, wiskundige
• Helen Suzman, anti-apartheidsaktivis en politikus
• Marie Warder, joernalis wat die oorsaak van hemochromatose beywer het

Sien ook

• Gereformeerde kerk Germiston
• NG gemeente Germiston
• Lys van dorpe in Suid-Afrika

Verwysings

1. "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 3 April 2016.
2. "Hoofplek Germiston". Sensus 2011.