پیرو میڈ (انگریزی: Peermade) بھارت کا ایک پہاڑی مستقر ہے جو کیرلا کے ایڈوکی ضلع میں واقع ہے۔[1]
پپیرومیڈ سطح سمندر سے 915 میٹر بلند ہے۔ یہ مقام سہانے موسم اور دلکش مناظر کی وجہ سے بہت مشہور ہے۔ یہ کولم-تینی قومی شاہراہ پر واقع ہے اور کوٹایم سے 75 کلومیٹر دور ہے۔
یہاں پیر محمد نام کے صوفی کا مزار ہے۔ شاید اسی مناسبت سے اس مقام کو یہ نام پڑا ہے۔ پیرومیڈ کا معنیٰ 'پیر کا پہاڑ' (Hill of Peer) کا ہوتا ہے۔
پیریار جنگلی حیات پناہ گاہ (Periyar Wildlife Sanctury) پیرومیڈ سے 43 کلومیٹر دو رہے جو بھارت کے اہم جنگلی حیات پناہ گاہوں میں سے ایک ہے۔ اس کے علاوہ مولاپیریار باندھ (Mullapperiyar Dam) اور تیکاڈی جھیل (Thekkadi Lake) پیرومیڈ تحصیل میں ہیں۔
پیرومیڈ میں مصالحہ جات کے کئی باغات ہیں۔ قہوہ، چائے اور الائچی ان میں اہم ہیں۔ یہاں کی مٹی کھیتی باڑی کے لیے موزوں ہے اس لیے کالی مرچ، ہلدی اور ادرک کے باغات بھی پائے جاتے ہیں۔