Павел Шеремет

Павел Шеремет
Туган телдә исем	Павел Рыгор улы Шеремет белар. Павел Рыгоравіч Шарамет
Туган	28 ноябрь 1971(1971-11-28) Минск
Үлгән	20 июль 2016(2016-07-20) (44 яшь) Киев
Күмү урыны	Төньяк зират^[d]
Милләт	беларус
Ватандашлыгы	ССРБ ССРБ→ Беларусия Беларусия→ Россия Россия
Әлма-матер	исторический факультет Белорусского государственного университета^[d] һәм Беларус дәүләт техника университеты^[d]
Һөнәре	икътисадчы, журналист
Балалар	улы Николай кызы Елизавета
Ата-ана	Людмила Станиславовна Шеремет^[d] (әни)
Бүләк һәм премияләре	АИХО премиясе (2002)
Павел Шеремет Викиҗыентыкта

Павел Шеремет, Павел Григорий (Рыгор) улы Шеремет, белар. Павел Рыгоравіч Шарамет (1971 елның 28 ноябре, Минск — 2016 елның 20 июле, Киев) — тележурналист, сәясәтчеләр турында документаль фильмнар авторы, Беларусия телевидениесендә, Россиядә Беренче каналда, Иҗтимагый Россия телевидениесендә (рус. ОТР), соңгы вакытта Украинада эшли. 2016 елның 20 июлендә, Киевта, утырган машинасы астына куелган бомба шартлап, үтерелде.

Тәрҗемәи хәле

1971 елның 28 ноябрендә Минскида туган. Беларусия дәүләт университеты тарих факультетының 3 курсын, соңрак Беларусия дәүләт икътисад университетының халыкара икътисадый мөнәсәбәтләр факультетын тәмамлаган. Журналистлык карьерасын Беларусия телевидениесендә башлый.

Хезмәт юлы

• 1992 елга кадәр банкта валюта бүлегендә эшли.
• 1992 елдан Беларусия телевидениесенең икътисад турында программалары консультанты.
• 1994-1995 Беларусия телевидениесенең «Праспект» тапшыруын алып бара.
• 1995-1996 «Белорусская деловая газета» баш мөхәррире.
• 1996-1998 ОРТ телекомпаниясенең (Мәскәү) Минскидагы хәбәрчесе.
• 1998 елдан ОРТ телекомпаниясенең «Яңалыклар», «Время» программалары махсус хәбәрчесе.
• 1999-2000 хәбәрчеләр челтәре шеф-редакторы, «Время» программасының дикторы.
• 2008 елга кадәр Беренче канал өчен (Мәскәү) документаль фильмнар, махсус проектлар эшли.
• 2008 елда телевидениедән китә.
• 2009-2011 «Огонёк» журналының сәясәт бүлеге мөхәррире.
• 2011 елда РЕН ТВ каналында «Приговор» тапшыруын алып бара.
• 2012-2016 «Українська правда» интернет-газетасында журналист блогы алып бара.
• 2013-2014 ОТР каналында «Прав?да!» программасын алып бара.
• 2014 елда Мәскәү телевидениесеннән китә.
• 2014 елдан «Украинская правда» басмасының башкаручы директоры.
• 2014 елдан «24 канал»да (Киев) «Диалоглар» проектын башлый.
• 2015-2016 «Радио Вести» (Киев) алып баручысы.
• «Историческая правда» (Тарихи дөреслек) проекты авторы^[1].

Карашлары

• Беларусия президенты Александр Лукашенко режимын тәнкыйтьли. Чикне бозуда гаепләнеп, 3 ай төрмәдә утырып чыга. 2010 елда Беларусия ватандашлыгыннан чыгарыла.
• 2014 елда, Кырым һәм Донбасс вакыйгаларына бәйле, Мәскәү телевидениесеннән китә^[2]
• Сәясәтчеләр (Александр Лукашенко, Михаил Горбачев, Сәддам Хөсәен, Петербург мэры Владимир Яковлев, генерал Александр Лебедь, Михаил Саакашвили һ.б.) турында күп санлы (тәнкыйди) документаль фильмнар төшерә.

Үлеме

Төп мәкалә: Павел Шереметны үтерү

2016 елның 20 июлендә иртән Киев үзәгендә ул идарә иткән автомобильне шартлату нәтиҗәсендә һәлак булган. Көчле иҗтимагый һәм халыкара резонанска карамастан, 2020 елның июнь аена Шереметны үтерү җинаяте ачылмаган килеш кала бирә^[3].

Бүләкләре

• 1995 Беларусия Пен-үзәге премиясе
• 2001 ТЭФИ финалисты
• 2002 АИХО премиясе

Сылтамалар

• Павел Шеремет үтерелде(рус.)
• Павел Шеремет турында Lenta.ru сәхифәсендә(рус.)

Искәрмәләр

1. «Историческая правда» проекты сайты, archived from the original on 2015-07-10, retrieved 2016-07-20 
2. Журналист Павел Шеремет уходит с Общественного телевидения России
3. «Вбивство Павла». Документальний фільм про журналіста Шеремета