Казан шәһәр филармониясе

Казан шәһәр филармониясе
логотип
Төп мәгълүмат
Жанр	заманча, классик, фольклор музыкасы
Барлыкка килгән	2000
Илләр	РФ (Татарстан Татарстан)
Шәһәр	Казан
Бүтән исем	«Идел» концерт-филармония берләшмәсе
Тел	татар теле
Филармония сайты

Казан шәһәр филармониясе — Татарстан Республикасының иң зур концерт оешмаларының берсе, аның активында башкалада, РФ төбәкләрендә һәм чит илләрдә ел саен уздырыла торган йөзләгән концерт. Аның бөтен иҗади юлы — заманча, динамик рәвештә үсә торган, шәһәрнең музыка тормышында катнашучы һәм аның мәдәни йөзен билгели торган концерт оешмасы булдыруга этәргеч бирү^[1]. Төп концерт мәйданчыгы һәм берничә иҗат коллективларының даими урнашу урыны — «Чулпан» мәдәни үзәге.

Тарих

Казан шәһәр филармониясе Островский урамының 25 нче йортында урнашкан. Бу бина 1998 елның 1 июнендә «Идел» концерт-филармония берләшмәсе эшчәнлеге өчен «Казан» милли мәдәният үзәге карамагына тапшырыла. Әлеге берләшмә 2000 елның 3 июлендә Казан шәһәр филармониясе статусына ия була. 2019 елның 21 мартында Казан шәһәр филармониясе үзәкнең филиалы булудан туктап, рәсми төстә мөстәкыйль оешма буларак теркәлде.

Иҗат коллективлары

«Казан» бию ансамбле

• Татарстанның халык артисты Чулпан Закирова җитәкчелегендәге «Казан» бию ансамбле
• Татарстанның халык артисты Рәсим Ильясов җитәкчелегендәге «Казан нуры» халык уен кораллары оркестры
• Татарстанның һәм РФ атказанган мәдәният эшлеклесе Николай Богданов җитәкчелегендәге «Идел егетләре» эстрада-фольклор ансамбле
• 27 солист һәм 3 алып баручы:
  • Рөстәм Асаев, Татарстанның халык (2022) һәм Башкортстанның атказанган (2021) артисты.
  • Илгиз Зәкиев (1993), Татарстанның атказанган артисты (2021).
  • Резидә Шәрәфиева (1966), Татарстанның халык артисты (2016).
  • Алинә Шәрипҗанова (1978), Татарстанның халык артисты (2023).
  • Рөстәм Насыйбуллин (1993), халыкара конкурслар лауреаты.

Җитәкчеләр

• Оешманы төрле елларда Халисә Исмәгыйлева, Рәис Шакиров, Айгөл Нәбиуллина, Илһам Мостафин, Раушания Юкачева, Дамир Дәүләтшин кебек хөрмәтле шәхесләр җитәкләде.
• Хәзерге вакытта Казан шәһәр филармониясенең директоры – Наил Зыятдинов.

Бина

«Чулпан» мәдәният үзәге реконструкциягә кадәр

2020 елның 25 декабрендә Казан шәһәр филармониясе карамагындагы «Чулпан» мәдәният үзәге (Җиңү проспекты, 48а) төзекләндерү эшләреннән соң үз ишекләрен ачкан^[2][3]. Филармониянең үз тавыш яздыру студиясе һәм репетиция ясау мәйданчыклары бар. Биредә продюсерлык эшчәнлеге дә алып барыла.

Бүләкләре, мактаулы исемнәре

• 2021 ― «Казан» бию ансамбле Казан шәһәренең Почет китабына кертелгән ― Татарстан башкаласының мәдәниятен үстерүгә, республикада, Россия Федерациясендә һәм чит илләрдә аның абруен арттыруга керткән зур өлеше өчен
• 2022 ― «Иң яхшы муниципаль мәдәни-агарту учреждениесе» ^[4]

Искәрмәләр

1. Казанская городская филармония. 2019 елның 17 октябрь көнендә архивланган. Национальный культурный центр «Казань»
2. Зилә Мөбәрәкшина. Казан филармониясе директоры Рәис Шакиров: «Хәзер җырчыларның 80 проценты кирәк түгел». Интертат.ру, 26.12. 2018
3. И. Метшин ознакомился с проектным предложением по реконструкции КЦ «Чулпан» 2019 елның 17 октябрь көнендә архивланган.. Официальный портал органов местного самоуправления города Казани(рус.)
4. kazanfil.ru - «Лучшее муниципальное культурно-просветительское учреждение 2022»(үле сылтама)

Сылтамалар

• Казанская городская филармония. 2019 елның 17 октябрь көнендә архивланган. Национальный культурный центр «Казань»
• Җыр керсен күңелгә һәм калсын гомергә! Казанская городская филармония Вконтакте

Шулай ук карагыз