PROFILBARU.COM

Белем радиосы
	Белем радиосы
Шәһәр	420021 ТР, Казан, Каюм Насыйри ур., 25, 312 нче офис
Ил	Россия / Татарстан
Тапшыру форматы	интернет-радио
Тапшыру зонасы	бөтен дөнья
Тапшыру башлау вакыты	2022
Нигезләүче	Раил Гатауллин
Сайт	radio.belem.ru
Онлайн-тапшыру	[1]

«Белем радиосы» ― 2022 елның 26 августыннан Казанда эшләүче билингваль белем бирү һәм мәдәни-агарту балалар һәм яшүсмерләр интернет-радиосы. РФ Президенты каршындагы Мәдәни инициативалар фонды гранты нигезендә тормышка ашырылучы социаль проект.^[1] Бөтендөнья пәрәвезе киңлекләрендә татар һәм рус телләрендә эшли. ^[2]

Оештыручылар

Идея авторы һәм проект җитәкчесе – Раил Гатауллин.
Радио директоры – Алмаз Миргаязов.
Эфирга чыгаручы редактор – Лилия Хисмәтова.
Программалар редакторлары – Рәмилә Мансурова, Гөлназ Әхмәдиева.
Тавыш режиссёры – Ильяс Мадәминов.
Техник редактор – Раил Вафин.
Алып баручылар – Гөлшат Нуриева, Александр Михеев, Әнвәр Мөхетдинов, Камилә Вәлиева^[3], Алсу Касимова.

Тарих

Татнетны үстерү фонды оештыручысы һәм башкаручы директоры Раил Мәүлет улы Гатауллин инициативасы һәм Россия Президентының мәдәни башлангычларга ярдәм күрсәтү фондының финанс ярдәме белән оештырылган.

Балалар һәм яшүсмерләр өчен (мәктәп яшендәгеләр өчен) радио эфирыннан тапшырыла торган махсус файдалы контент аз булу сәбәпле, радионы оештыручылар әлеге мәсьәләдә ныклы аналитика ясаган һәм республикада яшь буын өчен әлеге радионың кирәк булуын билгеләгән. ^[4]

Максаты

Социаль проектның максаты:

киләчәк буын үзаңында милли мәдәни мирас белән гаилә кыйммәтләрен саклау, татар мәгарифен һәм мәдәниятен үстерү, уңышлы татар яшүсмере образын популярлаштыру, аларның иҗади үсешенә ярдәм күрсәтү ^[5]
интернет челтәренең татар сегментын баету, тулыландыру юнәлешендә эшчәнлек алып бару;
сыйфатлы контент булдыру.

Эчтәлек

Радио – билингваль, ул ике телдә – татар һәм рус телләрендә эшли. «Белем радиосы»нда һөнәр сайларга ярдәм итә, уңышка омтылу хисе уята, белемнәрне арттыра һәм дөньяны күзаллауны киңәйтә торган мәгълүмати тапшырулар әзерләнә. «Белем радиосы»нда теге яисә бу өлкәдә уңышка ирешкән һәр яшүсмер үз талантын күрсәтә, үз таланты турында сөйли ала. «Белем радиосы» ― яшь буынга үзләрен алып баручы буларак сынарга, әлеге өлкәгә беренче адымнарын атларга мөмкинлек бирүче мәйданчык.