PROFILBARU.COM

	Татар күзәтүе
	пол. Przegląd Tatarski
Tөр	социаль-мәдәни журнал
Формат	21 x 29,7, 32 битле
Гамәлгә куючы	Muzułmański Związek Religijny w RP; Najwyższe Kolegium Muzułmański
Баш мөхәррир	Муса Чахоровский
Нигезләнде	2009
Тел	поляк теле
Төп офис	Вроцлав, Польша.
ISSN	2080-0541
	Веб-сайт: przeglad-tatarski

Przegląd Tatarski (Татар күзәтүе) ― Поьшаның этник татар азчылыгы журналы, Польша татарларына һәм дөнья татарларына багышланган социаль-мәдәни журнал, кварталга бер тапкыр Вроцлав шәһәрендә чыга. Нәшир – Польша мөселман дини берлеге (Muzułmański Związek Religijny w RP), Najwyższe Kolegium Muzułmańskie. Таратучы ― ARGI – Вроцлав нәшрият агентлыгы www.argi.pl.

Тарих

Журналны оештыру инициаторы – Польша Республикасы мөфтие Томаш Мицкевич (Tomasz Miśkiewicz). Баш мөхәррир ― Муса Чахоровский. Журнал 2009 елдан бирле даими рәвештә Эчке эшләр һәм администрация министры (элек Администрация һәм цифрлаштыру министры) гранты ярдәмендә басыла.

Басма агымдагы вакыйгалар турында репортажлар, мемуар һәм тарихи-фәнни материаллар тәкъдим итә. Журнал битләрендә университет үзәкләрендә хезмәт итүче тикшеренүчеләрнең һәм татар җәмәгатьчелеге әгъзаларының хезмәтләре басыла.

Даими бүлекләр

татар җәмгыятенең көндәлек тормышы;
агымдагы вакыйгалар, очрашулар, фәнни конференцияләр, татар тематикасына багышланган проектлар турында яки татар җәмгыяте эшчәнлегендә катнашучыларның хисаплары;
ыру-кабиләләр турында истәлекләр, күзаллаулар, элеккеге тормыш һәм әхлак тасвирламалары;
Көнчыгыш Европа илләрендәге татар җәмгыятьләренең тормышы тасвирламасы; атказанган татар активистларының казанышларын популярлаштыру;
Польша татарларының фәнни, мәдәни һәм профессиональ казанышлары;
университет үзәкләрендә: Ягеллон университеты(пол.)татар., Вармин-Мазур университеты(пол.)татар., Торундагы Николай Коперник университеты(пол.)татар., Белосток университетында(пол.)татар. эшләгән тикшеренүчеләрнең фәнни мәкаләләре;
татар азчылыгына багышланган яңа басмаларга күзәтү.