Сәет Шәрәфиев

Сәет Шәрәфиев
Туган телдә исем	Сәет Минһаҗ улы Шәрәфиев
Туган	3 гыйнвар 1906(1906-01-03) Вятка губернасы Алабуга өязе Песәй авылы
Үлгән	29 гыйнвар 1975(1975-01-29) (69 яшь) Казан
Яшәгән урын	Зур Кызыл урам, 57Б^[d][1]
Милләт	татар
Ватандашлыгы	Русия империясе Русия империясе→ РСФСР РСФСР→ ССРБ ССРБ
Һөнәре	сәясәтче
Сәяси фирка	Советлар Берлеге коммунистик фиркасе
Җефет	Хәдичә Әхмәт кызы (1909-1975)
Балалар	уллары Илгиз (1928), Владимир[2](1938); кызлары Саяра (1929), Сәкинә (1933)
Бүләк һәм премияләре

Сәет Шәрәфиев
10 нчы ТАССР ХКШ — министрлар шурасы рәисе
Вазыйфада 1943 ел – 1950 ел
Аңа кадәр	Сөләйман Гафиятуллин
Дәвамчысы	Миргарифан Азизов
ТАССР министрлар шурасы рәисе
Вазыйфада 1957 ел – 1959 ел
Аңа кадәр	Миргарифан Азизов
Дәвамчысы	Габделхак Әбдерәзәков
Туган	3 гыйнвар 1906(1906-01-03) Алабуга өязе, Нократ губернасы, Россия империясе
Үлгән	29 гыйнвар 1975(1975-01-29) (69 яшь) Казан, РСФСР, СССР

Сәет Шәрәфиев, Сәет Минһаҗ улы Шәрәфиев, рус. Шарафеев Саид Мингазович (1906 — 1975) — ТАССР ХКШ рәисе (1943-1946), ТАССР министрлар шурасы рәисе (1946-1950; 1957-1959).

Тәрҗемәи хәле

С.М. Шәрәфиев

1906 елның 3 гыйнварында Вятка губернасы Алабуга өязе (хәзерге Менделеевск районы) Песәй авылында туган. Алабуга педагогия техникумының 3 курсын (1925), ВКП (б) ҮК каршындагы өлкә комитетларының беренче сәркатипләре, өлкә башкарма комитетлары, министрлар шуралары рәисләре өчен курсларны (1951), читтән торып ВКП (б) ҮК каршындагы югары фирка мәктәбен (1954) тәмамлаган.

Хезмәт юлы

• 1921 «Укытучы» белгечлеге буенча Алабуга педагогия техникумына укырга керә. 1924 елда 3 нче курстан укуын ташлый^[3].
• 1925-1926 ТАССР Алабуга кантоны Камай волосте Татар Сарсазы авыл шурасы сәркатибе.
• 1926-1927 ТАССР Алабуга кантоны Камай волосте башкарма комитеты финанс эшләре буенча эш башкаручысы.
• 1927-1929 ТАССР Алабуга (1928 елдан Чаллы) кантоны Салагыш волосте башкарма комитетының финанс бүлеге мөдире.
• 1929-1930 ТАССР Чаллы кантоны (1930 елдан Пәнҗәр районы) Салагыш волосте башкарма комитетының рәисе.
• 1930-1933 ТАССР Пәнҗәр районы финанс бүлеге мөдире.
• 1933-1936 ТАССР Арча районы финанс бүлеге мөдире.
• 1936-1937 ТАССР Ворошилов районы башкарма комитеты рәисе.
• 1937-1942 ТАССР финанс халык комиссары.
• 1942-1943 ТАССР ХКШ рәисе урынбасары.
• 1943-1950 ТАССР халык комиссарлары (1946 елдан министрлар) шурасы рәисе.
• 1951-1957 ТАССР финанс министры.
• 1957-1959 ТАССР министрлар шурасы рәисе.
• 1959 елда, 52 яшендә пенсиягә озаталар. Аның урынына Мәскәүдән КПСС ҮК инструкторы Габделхак Әбдерәзәковны китереп куялар ^[4].

Иҗтимагый эшчәнлеге

• I, II, IV чакырылыш Татарстан АССР югары шурасы депутаты.
• I-III, V чакырылыш ССРБ югары шурасы депутаты.

Кызыклы факт

1937 елның көзендә, ТАССР ХКШ рәисе һәм урынбасарлары төрмәдә утыру сәбәпле, 30 яшендә финанс халык комиссары булган С. Шәрәфиевка хөкүмәт документларына кул куярга туры килә. Хатыны, кулга алсалар дип, көн саен эшкә озатканда, иренең кулына алмаш кием һәм катырмач салынган төенчек тоттырып озата торган була^[5].

Чыганаклар

1. Сәет Шәрәфиев. «Гасырлар авазы-Эхо Веков», 1998, № 3/4.
2. Государственная власть СССР. Высшие органы власти и управления и их руководители. 1923—1991гг. Историко-биографический справочник (сост. В.И.Ивкин). М.: «Российская политическая энциклопедия» (ОССПЭН).

Сылтамалар

• Коммунистлар фиркасе һәм Шуралар берлеге тарихы буенча белешмәлек 1898-1991
• Татарстанның күренекле кешеләре

Искәрмәләр

1. М. Даутов Казан шәһәр еракаваз челтәре әбүнәчеләре исемлеге — Казан: 1969.
   https://wikidata.org/wiki/Track:Q109303166https://wikidata.org/wiki/Track:Q900
2. Владимир Иванович Артемьев — тәрбиягә алган уллары
3. Ватанның тугрылыклы уллары
4. «Звезда Поволжья», 30.06.2014
5. Б.Ф. Солтанбәковның «Семен Игнатьев. Свет и тени биографии сталинского министра» китабыннан(үле сылтама)