Ky artikull dyshohet se përmban hulumtim vetjak apo thënie të pacituara prandaj nuk mund të merret si i saktë. Ju lutemi ndihmoni edhe ju në përmirësimin e këtij artikulli.
Njoftime mbi jetën e tij gjenden në Dhiatën e Re ku Pjetri është nxënësi i parë por edhe mbrojtësi i Tij i parë (në çastin kur Jezusin donin ta kapnin), para gjykimit dhe kryqëzimit të Krishtit edhe mohuesi i Tij i parë si edhe dëshmitari i parë i të ringjallurit të Jezusit. Ai ishte udhëheqësi i dishepujve të Krishtit dhe drejtues i Bashkësisë së Parë të Jeruzalemit, ndërsa më vonë Pjetri u hirotonis si Ipeshkvi i parë i Antiokisë, dhe më vonë si themelues dhe kryetar i Kishës së Romës, ku edhe vdes si dëshmor. Kisha Katolike e njeh atë si ipeshkvin e parë, si edhe Papën e parë të vazhdimësisë së pandërprerë të papëve. Është Shenjtor i rëndësishëm dhe i nderuar për të gjithë të krishterët dhe njihet si themeluesi i Kishës së Krishtit (me porosi të Tij).
Emri
Nga rrëfimet e Ungjijve, Shën Pjetri quhej Simon (hebraisht שמעון - Šim‘ôn, Shim'on, nga rrënja e fjalës hebraike shama - "dëgjoj") ose Simeon, Simon ben Jonah / Bar Jonah, por sipas Mattheut 16:18 dhe Gjonit 1:42, Shën Pjetri mori emrin Kefa nga vetë Jezusi, që në aramaisht do të thotë "shkëmb", "gur", dhe në greqisht përkthehet me fjalën Petros (πετρος); ndërsa në latinisht me fjalën Petrus. Edhe Pali i Tarsusit (Shën Pali) e thërriste Kefas (1 Korinthianëve 1:12 ; 3:22 ; 9:5 ; 15:5 e Galatianëve 1:18 ; 2:9 ; 11:14) si edhe Pjetër (Galatianëve 2:7-8).
Commons: Shën Pjetri – Album me fotografi dhe/apo video dhe materiale multimediale
Gabim i përfshirjes: {{En}} është vetëm për emërhapësirën e Skeda. Përdorni më mirë {{lang-en}} ose {{in lang|en}}.Lista e të gjithë papëve nga gazeta Guardian.
