ᱱᱟᱱᱫᱮᱲ ᱥᱤᱧᱚᱛ ᱨᱮᱱᱟᱜ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱤᱨᱟᱹᱞ ᱟᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱨᱤ ᱜᱩᱴ ᱠᱟᱱᱟ ᱟᱨ ᱥᱤᱧᱚᱛ ᱨᱮᱱᱟᱜ ᱮᱭᱟᱭ ᱜᱮᱞ ᱟᱱᱟᱜ ᱟᱹᱰᱤ ᱢᱟᱨᱟᱝ ᱥᱟᱸᱜᱮ ᱦᱚᱲ ᱮᱞ ᱟᱜ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱢᱟᱨᱟᱴᱷᱣᱟᱰᱟ ᱩᱯᱠᱷᱚᱸᱰ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱱᱟᱱᱫᱮᱲ ᱱᱟᱱᱫᱮᱲ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱨᱮᱱᱟᱜ ᱛᱟᱞᱢᱟ ᱠᱟᱱᱟ ᱾ ᱥᱤᱠᱷ ᱦᱮᱡ ᱥᱮᱱ ᱞᱟᱹᱜᱤᱫ ᱱᱟᱱᱫᱮᱲ ᱢᱤᱫᱴᱟᱝ ᱢᱩᱬ ᱛᱷᱟᱱ ᱠᱟᱱᱟ,[᱒] ᱪᱮᱫᱟᱜ ᱪᱮ ᱑᱐ ᱟᱱᱟᱜ ᱥᱤᱠᱷ ᱜᱩᱨᱩ (ᱜᱩᱨᱩ ᱜᱚᱵᱤᱸᱫᱽ ᱥᱤᱝ) ᱫᱚ ᱱᱟᱱᱫᱮᱲ ᱟᱡᱟᱜ ᱛᱟᱦᱮᱱ ᱴᱷᱟᱶ ᱮ ᱛᱮᱭᱟᱨ ᱠᱮᱫᱼᱟ ᱟᱨ ᱑᱗᱐᱘ ᱨᱮ ᱩᱱᱤ ᱜᱩᱡᱩᱜ ᱢᱟᱲᱟᱝ ᱜᱩᱨᱩ ᱜᱨᱟᱸᱛᱷ ᱥᱟᱦᱤᱵᱽ ᱫᱚ ᱟᱡᱟᱜ [᱓]
ᱴᱷᱟᱶ
ᱚᱛᱱᱚᱜ
ᱱᱟᱱᱫᱮᱲ ᱚᱨᱚᱝᱜᱟᱵᱟᱫᱽ ᱛᱟᱭᱚᱢ ᱢᱟᱨᱟᱴᱷᱣᱟᱰᱟ ᱨᱮ ᱫᱚᱥᱟᱨ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱖᱓.᱒᱒ ᱜᱟᱺᱴ ᱠᱤᱞᱚᱢᱤᱴᱚᱨ (᱒᱔.᱔᱑ ᱜᱟᱺᱴ ᱢᱤᱞ) ᱢᱮᱱᱟᱜᱼᱟ ᱾[᱔]
ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱭᱟᱜ ᱥᱚᱦᱚᱨ, ᱢᱩᱢᱵᱟᱭ, ᱯᱩᱱᱮ, ᱱᱟᱜᱽᱯᱩᱨ, ᱱᱟᱥᱤᱠ, ᱚᱨᱚᱝᱜᱟᱵᱟᱫᱽ, ᱥᱚᱞᱟᱯᱩᱨ ᱟᱨ ᱚᱢᱨᱟᱵᱟᱛᱤ ᱢᱟᱨᱟᱝ ᱜᱮᱭᱟ ᱾
ᱦᱚᱲ ᱞᱮᱠᱷᱟ
| ᱱᱟᱱᱫᱮᱲ ᱨᱮ ᱫᱷᱚᱨᱚᱢ[᱕] |
|---|
| ᱫᱷᱚᱨᱚᱢ |
|
|
ᱥᱟᱭᱠᱚᱲᱟ |
|
| ᱦᱤᱱᱫᱩ |
|
48.06% |
| ᱢᱩᱥᱞᱤᱢ |
|
33.59% |
| ᱵᱩᱫᱫᱷᱚ |
|
15.35% |
| ᱥᱤᱠᱷ |
|
2.00% |
| ᱮᱴᱟᱜ† |
|
1% |
| †Includes ᱡᱳᱭᱱᱳ |
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱱᱟᱱᱫᱮᱲ ᱨᱤᱱ ᱦᱚᱲ ᱮᱞ ᱕᱕᱐,᱕᱖᱔ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱜᱚᱨ ᱯᱟᱞᱤᱠᱟ ᱨᱮᱱᱟᱜ ᱡᱟᱱᱟᱝ ᱡᱟᱹᱱᱤ ᱜᱚᱴᱟ ᱑,᱐᱐᱐ ᱠᱚᱲᱟ ᱨᱮ ᱙᱒᱔ ᱛᱤᱨᱞᱟᱹ ᱟᱜ ᱛᱟᱦᱮᱸ ᱠᱟᱱᱟ ᱾ ᱑᱒.᱔ ᱥᱟᱭᱠᱚᱲᱟ ᱦᱚᱲ ᱮᱞ ᱛᱩᱨᱩᱭ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚᱠᱚ ᱛᱟᱦᱮᱸ ᱠᱟᱱᱟ ᱾ ᱥᱮᱪᱮᱫ ᱘᱗.᱔᱐ ᱥᱟᱭᱠᱚᱲᱟ ᱛᱟᱦᱮᱸ ᱠᱟᱱᱟ ᱾ ᱘᱑.᱗᱔ ᱥᱟᱭᱠᱚᱲᱟ ᱛᱤᱨᱞᱟᱹ ᱟᱜ ᱥᱮᱪᱮᱫ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱜ ᱥᱮᱪᱮᱫ ᱙᱒.᱖᱘ ᱥᱟᱭᱠᱚᱲᱟ ᱛᱟᱦᱮᱸ ᱠᱟᱱᱟ ᱾[᱖]
ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ
![]()
ᱱᱟᱱᱫᱮᱲ ᱨᱮᱞᱣᱮ ᱯᱞᱟᱴᱯᱷᱚᱨᱚᱢ
ᱥᱚᱲᱚᱠ
ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖᱑ (ᱠᱟᱞᱭᱟᱬᱼᱚᱦᱢᱚᱫᱽᱱᱚᱜᱚᱨ᱐ᱯᱟᱨᱵᱷᱟᱱᱤᱼᱱᱟᱱᱫᱮᱲᱼᱱᱤᱨᱢᱟᱞ), ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱖᱑ (ᱱᱟᱜᱽᱯᱩᱨᱼᱣᱟᱨᱫᱷᱟᱼᱭᱚᱣᱚᱛᱢᱟᱞᱼᱱᱟᱱᱫᱮᱲᱼᱞᱟᱛᱩᱨᱼᱥᱚᱞᱟᱯᱩᱨᱼᱥᱟᱝᱞᱤᱼᱠᱚᱞᱦᱟᱯᱩᱨᱼᱨᱚᱛᱱᱟᱜᱤᱨᱤ) ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱖᱑ (ᱟᱠᱚᱞᱟᱼᱣᱟᱥᱤᱢᱼᱦᱤᱸᱜᱚᱞᱤᱼᱱᱟᱱᱫᱮᱲ) ᱰᱤᱜᱽᱞᱚᱨᱼᱥᱚᱸᱜᱟᱨᱮᱰᱰᱤ) ᱥᱚᱦᱚᱨ ᱞᱮᱠᱟᱛᱮ ᱥᱮᱱᱚᱜᱼᱟ ᱾ ᱯᱚᱱᱚᱛ ᱥᱚᱲᱚᱠ ᱯᱚᱨᱤᱣᱚᱦᱚᱱ ᱵᱟᱥ ᱥᱮᱵᱟ ᱱᱟᱱᱫᱮᱲ ᱫᱷᱟᱹᱵᱤᱡ ᱥᱮᱱᱚᱜᱼᱟ ᱾
ᱨᱮᱞ
ᱱᱟᱱᱫᱮᱲ ᱨᱮᱞᱣᱮ ᱥᱴᱮᱥᱚᱱ ᱮᱛᱚᱢ ᱛᱟᱞᱢᱟ ᱨᱮᱞᱣᱮ ᱡᱚᱱ (SCR) ᱨᱮᱱᱟᱜ ᱱᱟᱱᱫᱮᱲ ᱨᱮᱞᱣᱮ ᱰᱤᱵᱤᱡᱚᱱ ᱨᱮᱱᱟᱜ ᱥᱤᱠᱟᱱᱫᱽᱨᱟᱵᱟᱫᱽ ᱼ ᱢᱟᱱᱢᱟᱰ ᱠᱷᱚᱸᱰ ᱨᱮ ᱢᱮᱱᱟᱜᱼᱟ ᱾ ᱢᱟᱨᱟᱴᱷᱣᱟᱰᱟ ᱴᱚᱴᱷᱟ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱥᱴᱮᱥᱚᱱ ᱱᱟᱱᱫᱮᱲ ᱥᱴᱮᱥᱚᱱ ᱠᱟᱱᱟ ᱾ ᱫᱤᱱᱟᱹᱢ ᱦᱤᱞᱚᱜ ᱯᱩᱱᱜᱮᱞᱼᱤᱨᱟᱹᱞ ᱴᱨᱮᱱ ᱦᱤᱡᱩᱜᱼᱟ ᱾[᱗] ᱢᱟᱞᱴᱮᱠᱰᱤ ᱨᱮᱞᱣᱮ ᱥᱴᱮᱥᱚᱱ ᱱᱟᱱᱫᱮᱲ ᱞᱟᱹᱜᱤᱫ ᱢᱤᱫ ᱟᱨ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾
ᱩᱰᱟᱹᱱ ᱰᱟᱦᱟᱨ
ᱥᱨᱤ ᱜᱩᱨᱩ ᱜᱚᱵᱤᱸᱫᱽ ᱥᱤᱝ ᱡᱤ ᱩᱰᱟᱹᱱ ᱰᱟᱹᱦᱤ ᱦᱟᱭᱫᱨᱟᱵᱟᱫᱽ ᱟᱨ ᱢᱩᱢᱵᱟᱭ ᱞᱟᱹᱜᱤᱫ ᱫᱤᱱᱟᱹᱢ ᱦᱤᱞᱚᱜ ᱴᱨᱩᱡᱮᱴ ᱮᱭᱟᱨᱞᱟᱭᱤᱸᱥ ᱩᱰᱟᱹᱜ ᱤᱫᱤ ᱛᱮ ᱥᱮᱵᱟ ᱠᱟᱱᱟ ᱾ ᱠᱮᱡ ᱫᱤᱱ ᱦᱩᱭᱮᱱᱟ, ᱮᱭᱟᱨ ᱤᱱᱰᱤᱭᱟ ᱫᱚ ᱥᱚᱦᱚᱨ ᱠᱷᱚᱱ ᱟᱡᱟᱜ ᱪᱟᱪᱞᱟᱣ ᱮᱦᱚᱵ ᱠᱮᱫᱼᱟ, ᱱᱟᱱᱫᱮᱲ ᱫᱚ ᱟᱢᱨᱤᱛᱥᱚᱨ ᱞᱟᱹᱜᱤᱫ ᱧᱩᱦᱩᱢ ᱢᱟᱦᱟᱸ ᱟᱨ ᱥᱤᱸᱜᱮ ᱢᱟᱦᱟᱸ ᱫᱚ ᱩᱰᱟᱹᱜᱟᱦ ᱥᱟᱞᱟᱜ ᱡᱚᱲᱟᱜᱼᱟ ᱾ ᱮᱭᱟᱨ ᱤᱱᱰᱤᱭᱟ ᱫᱚ ᱑᱙ ᱱᱚᱵᱷᱮᱢᱵᱚᱨ ᱒᱐᱑᱘ ᱠᱷᱚᱱ ᱦᱟᱯᱛᱟ ᱨᱮ ᱵᱟᱨ ᱫᱷᱮᱣ ᱫᱤᱞᱞᱤ ᱞᱟᱹᱜᱤᱫ ᱥᱚᱡᱷᱮ ᱩᱰᱟᱹᱜ ᱦᱚᱸ ᱮᱦᱚᱵ ᱠᱮᱫᱼᱟ ᱾ ᱡᱟᱱᱩᱣᱟᱨᱤ ᱒᱐᱑᱙ ᱨᱮ ᱪᱚᱱᱰᱤᱜᱚᱰ ᱠᱷᱚᱱ ᱱᱟᱱᱫᱮᱲ ᱛᱟᱞᱟ ᱨᱮ ᱢᱟᱲᱟᱝ ᱥᱚᱡᱷᱮ ᱩᱰᱟᱹᱜ ᱮᱦᱚᱵ ᱠᱮᱫᱼᱟ ᱾ ᱥᱤᱠᱷ ᱫᱷᱚᱨᱚᱢ ᱥᱟᱝᱜᱷᱟᱨ ᱟᱜ ᱟᱹᱰᱤ ᱠᱷᱚᱱ ᱪᱟᱞᱟᱜ ᱠᱟᱱᱟ ᱛᱟᱦᱮᱸᱫ ᱟᱫᱚ ᱫᱟᱹᱵᱤ ᱯᱩᱨᱟᱹᱣ ᱮᱱᱟ ᱾
ᱥᱟᱹᱠᱷᱭᱟᱹᱛ
 |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱱᱟᱱᱫᱮᱲ
ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
 |
ᱣᱤᱠᱤᱥᱟᱸᱜᱷᱟᱨ ᱨᱮ ᱱᱟᱱᱫᱮᱲ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |
