ᱠᱚᱞᱦᱟᱯᱩᱨ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱚᱦᱟᱨᱟᱥᱴᱨᱚ ᱨᱮ ᱢᱤᱫ ᱥᱚᱦᱚᱨ ᱠᱟᱱᱟ ᱾[᱔] ᱱᱚᱣᱟ ᱠᱚᱞᱦᱟ ᱯᱩᱨ ᱦᱚᱱᱚᱛ ᱨᱮᱱᱟᱜ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱢᱟᱲᱟᱝ, ᱠᱚᱞᱦᱟᱯᱩᱨ ᱵᱟᱨᱜᱮᱞ ᱟᱨᱮ ᱛᱚᱯᱚᱸ ᱟᱜ ᱥᱟᱞᱟᱢᱤ ᱛᱟᱦᱮᱸ ᱠᱟᱱᱟ, ᱯᱚᱱᱚᱛ ᱚᱠᱟ ᱠᱚᱞᱦᱟᱯᱩᱨ ᱦᱚᱱᱚᱛ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ ᱟᱨ ᱢᱟᱨᱟᱴᱷᱟ ᱥᱚᱢᱨᱟᱡᱽ ᱟᱜ ᱵᱷᱚᱥᱱᱮ ᱪᱷᱚᱛᱨᱚᱯᱟᱛᱤ (ᱵᱷᱚᱥᱞᱮ ᱥᱟᱦᱤ ᱠᱚᱵᱤᱞᱮ) ᱤᱫᱤ ᱛᱮ ᱥᱟᱥᱚᱱ ᱛᱟᱦᱮᱸ ᱠᱟᱱᱟ ᱾
ᱱᱟᱜᱟᱢ
ᱚᱛᱱᱚᱜ
![]()
The Panchganga river at Kolhapur
ᱠᱚᱞᱦᱟᱯᱩᱨ ᱮᱛᱚᱢᱼᱯᱟᱪᱮ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱫᱮᱥᱤ ᱥᱚᱦᱚᱨ ᱠᱟᱱᱟ, ᱱᱚᱣᱟ ᱢᱩᱢᱵᱟᱭ ᱠᱷᱚᱱ ᱓᱗᱓ ᱠᱤᱞᱚᱢᱤᱴᱚᱨ ᱮᱛᱚᱢ ᱨᱮ ᱟᱨ ᱯᱩᱱᱮ ᱠᱷᱚᱱ ᱒᱒᱘ ᱠᱤᱞᱚᱢᱤᱴᱚᱨ ᱮᱛᱚᱢ ᱨᱮ, ᱵᱮᱝᱜᱟᱞᱩᱨᱩ ᱠᱷᱚᱱ ᱖᱑᱕ ᱠᱤᱞᱚᱢᱤᱴᱚᱨ ᱮᱛᱚᱢᱼᱯᱟᱪᱮ ᱟᱨ ᱦᱟᱭᱫᱨᱟᱵᱟᱫᱽ ᱠᱷᱚᱱ ᱕᱓᱐ ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜᱼᱟ ᱾ ᱢᱚᱦᱟᱨᱟᱥᱴᱨᱚ ᱵᱷᱤᱛᱤᱨ, ᱠᱚᱞᱦᱟᱯᱩᱨ ᱥᱩᱨ ᱨᱮᱱᱟᱜ ᱥᱚᱦᱚᱨ ᱟᱨ ᱱᱚᱜᱚᱨ ᱢᱮᱱᱟᱜᱼᱟ ᱤᱪᱚᱞᱠᱚᱨᱚᱸᱡᱤ (᱒᱗ ᱠᱤᱞᱚᱢᱤᱴᱚᱨ), ᱠᱚᱰᱚᱞᱤ (᱓᱕ ᱠᱤᱞᱚᱢᱤᱴᱚᱨ), ᱯᱮᱴᱷ ᱣᱟᱰᱜᱟᱶ (᱑᱕ ᱠᱤᱞᱚᱢᱤᱴᱚᱨ), ᱠᱟᱜᱚᱞ (᱒᱑ ᱠᱤᱞᱚᱢᱤᱴᱚᱨ), ᱠᱚᱥᱵᱟ ᱣᱟᱞᱵᱷᱟ (᱓᱐ ᱠᱤᱞᱚᱢᱤᱴᱚᱨ), ᱥᱟᱝᱜᱚᱞᱤ (᱔᱙ ᱠᱤᱞᱚᱢᱤᱴᱚᱨ), ᱥᱚᱛᱟᱨᱟ (᱑᱑᱕ ᱠᱤᱞᱚᱢᱤᱴᱚᱨ) ᱾ ᱠᱚᱞᱦᱟᱯᱩᱨ ᱨᱮᱱᱟᱜ ᱩᱥᱩᱞ ᱕᱖᱙ ᱢᱤᱴᱚᱨ (᱑᱘᱖᱗ ᱯᱷᱤᱴ) ᱢᱮᱱᱟᱜᱼᱟ ᱾ ᱱᱚᱣᱟ ᱯᱟᱪᱮ ᱜᱷᱟᱴ ᱨᱮᱱᱟᱜ ᱥᱚᱦᱭᱟᱫᱽᱨᱤ ᱵᱩᱨᱩ ᱨᱮ ᱢᱮᱱᱟᱜᱼᱟ ᱾[᱕] ᱠᱚᱞᱦᱟᱯᱩᱨ ᱦᱚᱱᱚᱛ ᱨᱮ ᱪᱚᱸᱫᱽᱜᱚᱲ ᱟᱹᱰᱤ ᱨᱮᱭᱟᱲ ᱛᱷᱟᱱ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱥᱩᱨ ᱨᱮᱱᱟᱜ ᱰᱮᱢ ᱨᱟᱫᱷᱟᱱᱚᱜᱚᱨᱤ ᱟᱨ ᱠᱚᱞᱟᱝᱵᱽᱣᱟᱲᱤ ᱢᱮᱱᱟᱜᱼᱟ ᱾ ᱯᱚᱸᱦᱟᱞᱟ (᱒᱑.᱕ ᱠᱤᱞᱚᱢᱤᱴᱚᱨ) ᱟᱨ ᱡᱭᱚᱛᱤᱵᱟ ᱢᱚᱱᱫᱤᱨ (᱒᱑.᱗ ᱠᱤᱞᱚᱢᱤᱴᱚᱨ) ᱥᱩᱨ ᱨᱮ ᱾
ᱦᱚᱲ ᱞᱮᱠᱷᱟ
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮᱱᱟᱜ ᱠᱷᱚᱵᱚᱨ ᱞᱮᱠᱟᱛᱮ, ᱠᱚᱞᱦᱟᱯᱩᱨ ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱕᱔᱙,᱒᱓᱖ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ ᱟᱨ 'ᱠᱚᱞᱦᱟᱯᱩᱨ ᱱᱤᱜᱚᱨᱯᱟᱞᱤᱠᱟ ᱟᱨ ᱴᱚᱴᱷᱟᱹᱨᱤ ᱩᱴᱱᱟᱹᱣ ᱚᱴᱚᱨᱤᱴᱤ' ᱨᱤᱱ ᱦᱚᱲ ᱮᱞ ᱕᱖᱑,᱘᱓᱗ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ ᱾
[᱖]
ᱫᱷᱚᱨᱚᱢ
- ᱦᱤᱱᱫᱩ – ᱔᱖᱐,᱗᱗᱔ (᱘᱓.᱘᱙%)
- ᱢᱩᱥᱞᱤᱢ – ᱕᱙,᱗᱖᱐ (᱑᱐.᱘᱘%)
- ᱡᱳᱭᱱᱳ – ᱑᱘,᱔᱒᱐ (᱓.᱓᱕%)
- ᱤᱥᱟᱹᱭ – ᱕,᱒᱕᱑ (᱐.᱙᱖%)
- ᱵᱩᱫᱫᱷᱚ – ᱒,᱙᱒᱙ (᱐.᱕᱓%)
- Not Stated – ᱑,᱒᱘᱙ (᱐.᱒᱓%)
- ᱥᱤᱠᱷ – ᱕᱘᱒ (᱐.᱑᱑%)
- ᱮᱴᱟᱜ – ᱒᱓᱒ (᱐.᱐᱔%)
᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱠᱚᱞᱦᱟᱯᱩᱨ ᱥᱚᱦᱚᱨ ᱨᱮ ᱘᱓.᱘᱙% ᱦᱤᱱᱫᱩ ᱫᱷᱚᱨᱚᱢ ᱟᱹᱰᱤ ᱮᱞ ᱫᱷᱚᱨᱚᱢ ᱠᱟᱱᱟ ᱾ ᱠᱚᱞᱦᱟᱯᱩᱨ ᱥᱚᱦᱚᱨ ᱨᱮ ᱤᱥᱞᱟᱢ ᱫᱚᱥᱟᱨ ᱟᱹᱰᱤ ᱧᱩᱛᱩᱢᱟᱱ ᱫᱷᱚᱨᱚᱢ ᱠᱟᱱᱟ, ᱚᱠᱚᱭᱟᱜ ᱑᱐.᱘᱘% ᱱᱚᱣᱟ ᱛᱟᱭᱚᱢ ᱟᱠᱟᱱᱟ ᱾ ᱠᱚᱞᱦᱟᱯᱩᱨ ᱥᱚᱦᱚᱨ ᱨᱮ, ᱡᱳᱭᱱᱳ ᱫᱷᱚᱨᱚᱢ ᱨᱮ ᱓.,᱓᱕%, ᱤᱥᱟᱹᱭ ᱫᱷᱚᱨᱚᱢ ᱨᱮ ᱐.᱙᱖%, ᱵᱩᱫᱫᱷᱚ ᱫᱷᱚᱨᱚᱢ ᱨᱮ ᱐.᱕᱓% ᱟᱨ ᱥᱤᱠᱷ ᱫᱷᱚᱨᱚᱢ ᱨᱮ ᱐.᱑᱑% ᱢᱮᱱᱟᱜᱼᱟ ᱾ ᱐.᱐᱔% ᱫᱚ 'ᱮᱴᱟᱜ ᱫᱷᱚᱨᱚᱢ', ᱐.᱒᱓% ᱫᱚ 'ᱚᱠᱟ ᱫᱷᱚᱨᱚᱢ ᱵᱟᱝᱟ' ᱠᱚ ᱢᱮᱱᱟ ᱾[᱗]
ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ
ᱨᱮᱞ ᱰᱟᱦᱟᱨ
ᱠᱚᱞᱦᱟᱯᱩᱨ ᱨᱮᱞᱣᱮ ᱥᱴᱮᱥᱚᱱ
ᱪᱷᱚᱛᱨᱚᱯᱟᱛᱤ ᱥᱟᱦᱩ ᱢᱚᱦᱟᱨᱟᱡᱽ ᱴᱟᱨᱢᱤᱱᱟᱥ ᱠᱚᱞᱦᱟᱯᱩᱨ ᱫᱚ ᱨᱮᱞ ᱛᱟᱞᱢᱟ ᱠᱷᱚᱱ ᱯᱩᱱᱮ, ᱢᱩᱢᱵᱟᱭ, ᱵᱮᱝᱜᱟᱞᱩᱨᱩ ᱟᱨ ᱫᱤᱞᱞᱤ ᱞᱟᱹᱜᱤᱫ ᱛᱮ ᱮᱠᱥᱯᱨᱮᱥ ᱥᱮᱵᱟ ᱥᱟᱶᱛᱮ ᱥᱤᱧᱚᱛ ᱨᱮᱱᱟᱜ ᱢᱩᱬ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟ ᱾ ᱢᱤᱫᱴᱟᱝ ᱫᱤᱱᱟᱹᱢ ᱦᱤᱞᱚᱜ ᱥᱚᱴᱚᱞ ᱥᱮᱵᱟ ᱠᱚᱞᱦᱟᱯᱩᱨ ᱫᱚ ᱛᱟᱞᱢᱟ ᱨᱮᱞᱣᱮ ᱨᱮᱱᱟᱜ ᱢᱩᱬ ᱞᱟᱭᱤᱱ ᱨᱮ ᱢᱤᱨᱟᱡᱽ ᱨᱮᱱᱟᱜ ᱢᱩᱬ ᱨᱮᱞ ᱦᱟᱵᱽ ᱠᱷᱚᱱ ᱡᱚᱲᱟᱣ ᱟ ᱾ ᱢᱮᱨᱟᱡᱽ ᱠᱷᱚᱱ ᱠᱚᱞᱦᱟᱯᱩᱨ ᱰᱟᱦᱟᱨ ᱵᱮᱭᱵᱷᱚᱵᱽᱣᱟᱲᱤ ᱫᱷᱟᱵᱤᱡ ᱢᱤᱫᱴᱟᱝ ᱱᱟᱣᱟ ᱨᱮᱞ ᱰᱟᱦᱟᱨ ᱯᱟᱠᱟ ᱮᱱᱟ, ᱱᱚᱣᱟ ᱠᱚᱞᱦᱟᱯᱩᱨ ᱟᱨ ᱟᱹᱰᱤ ᱜᱟᱱ ᱮᱢᱟᱱ ᱥᱚᱦᱚᱨ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱫᱷᱟᱨᱮ ᱴᱚᱴᱷᱟ ᱠᱷᱚᱱ ᱡᱚᱲᱟᱣ ᱟ ᱾[᱘]
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
 |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱠᱚᱞᱦᱟᱯᱩᱨ
ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
