ᱫᱷᱩᱞᱮ ᱫᱚ ᱥᱤᱧᱚᱛ ᱨᱮᱱᱟᱜ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱᱟᱜ ᱠᱚᱧᱮᱼᱯᱟᱪᱮ ᱥᱮᱫ ᱨᱮ ᱫᱷᱩᱞᱮ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱢᱩᱬ ᱥᱚᱦᱚᱨ ᱠᱟᱱᱟ ᱾ ᱡᱟᱦᱟᱸ ᱯᱟᱪᱮ ᱠᱷᱟᱱᱫᱮᱥ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ ᱾ ᱯᱚᱸᱡᱟᱨᱟ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ, ᱫᱷᱩᱞᱮ ᱮᱢ.ᱟᱭᱤ.ᱰᱤ.ᱥᱤ., ᱟᱨ.ᱴᱤ.ᱳ. ᱟᱨ ᱮᱢ.ᱴᱤ.ᱰᱤ.ᱥᱤ. ᱨᱮᱱᱟᱜ ᱴᱚᱴᱷᱟᱠᱤᱭᱟᱹ ᱦᱮᱰᱠᱩᱣᱟᱴᱚᱨ ᱢᱮᱱᱟᱜᱼᱟ ᱾
ᱤᱱᱰᱟᱥᱴᱨᱤ ᱴᱚᱴᱷᱟ, ᱟᱥᱲᱟ, ᱟᱥᱯᱟᱛᱟᱞ, ᱥᱩᱯᱟᱨᱢᱟᱨᱠᱮᱴ ᱟᱨ ᱟᱲᱟᱜ ᱴᱚᱴᱷᱟᱹᱨᱤ ᱥᱟᱶᱛᱮ ᱥᱚᱦᱚᱨ ᱨᱮ ᱠᱚᱢᱭᱩᱱᱤᱠᱮᱥᱚᱱ ᱟᱨ ᱦᱤᱡᱩᱜ ᱥᱮᱱᱚᱜ ᱵᱮᱱᱟᱣᱟᱜ ᱢᱮᱱᱟᱜᱼᱟ ᱾ ᱫᱷᱩᱞᱮ ᱨᱟᱯᱷᱞᱮ ᱨᱮ ᱯᱚᱱᱚᱛ ᱡᱟᱜᱟᱛ ᱨᱮ ᱞᱩᱜᱽᱲᱤ, ᱡᱚᱢ ᱥᱩᱱᱩᱢ ᱟᱨ ᱵᱤᱡᱽᱞᱤᱼᱠᱚᱨᱜᱷᱟ ᱨᱮᱱᱟᱜ ᱟᱜᱟᱢᱤ ᱛᱟᱞᱢᱟ ᱠᱷᱚᱱ ᱢᱩᱫᱽ ᱨᱮ ᱢᱤᱫ ᱞᱮᱠᱟᱛᱮ ᱵᱟᱲᱦᱟᱜ ᱟ ᱟᱨ ᱯᱮᱭᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱡᱚᱸᱠᱥᱥᱱ ᱨᱮ ᱦᱩᱭᱩᱜ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱞᱟᱵᱷ ᱟᱨᱡᱟᱣ ᱮᱱᱟ ᱾ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱼ᱓, ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱼ᱖ ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱼ᱒᱑᱑ ᱟᱨ ᱟᱹᱰᱤ ᱜᱟᱱ ᱢᱟᱱᱢᱟᱰ ᱼ ᱤᱱᱫᱚᱨ ᱨᱮᱞ ᱯᱨᱚᱡᱮᱠᱴ ᱾ ᱠᱮᱡ ᱫᱤᱱ ᱦᱩᱭ ᱛᱟᱭᱚᱢ, ᱵᱷᱩᱛᱟᱞ ᱯᱟᱨᱤᱣᱟᱦᱟᱢ ᱢᱚᱱᱛᱨᱤ ᱫᱚ ᱥᱩᱨ ᱥᱩᱯᱩᱨ ᱨᱮᱱᱟᱜ ᱔ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱨᱮ ᱵᱚᱫᱚᱞ ᱨᱮᱱᱟᱜ ᱤᱡᱡᱚᱛ ᱮ ᱮᱢ ᱠᱮᱫᱼᱟ, ᱚᱱᱟ ᱛᱟᱭᱚᱢ ᱫᱷᱩᱞᱮ ᱗ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱨᱮᱱᱟᱜ ᱠᱟᱱᱵᱟᱨᱡᱮᱸᱥ ᱨᱮ ᱢᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱛᱟᱨᱟ ᱥᱚᱦᱚᱨ ᱠᱷᱚᱱ ᱢᱩᱫᱽ ᱨᱮ ᱢᱤᱫᱴᱟᱝ ᱜᱮ ᱦᱩᱭᱩᱜᱼᱟ ᱾ ᱫᱷᱩᱞᱮ ᱟᱨ ᱱᱟᱥᱤᱠ ᱛᱟᱞᱟ ᱱᱟᱯᱟᱭ ᱵᱮᱵᱚᱥᱛᱟ ᱠᱷᱚᱱ ᱥᱮᱞᱮᱫ ᱮᱱᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱼ᱓ ᱫᱚ ᱯᱩᱱ ᱞᱮᱱ ᱠᱷᱚᱱ ᱛᱩᱨᱩᱭ ᱞᱮᱱ ᱨᱮ ᱵᱚᱫᱚᱞ ᱨᱮᱱᱟᱜ ᱩᱴᱱᱟᱹᱣ ᱥᱮᱱᱟᱜ ᱠᱟᱱᱟ ᱾[᱒][᱓]
ᱫᱷᱩᱞᱮ ᱥᱚᱦᱚᱨ ᱦᱚᱸ ᱫᱤᱞᱞᱤ ᱢᱩᱢᱵᱟᱭ ᱤᱱᱰᱟᱥᱴᱨᱤ ᱠᱚᱨᱤᱰᱚᱨ ᱯᱨᱚᱡᱮᱠᱴ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ, ᱪᱮᱫᱟᱜ ᱪᱮ ᱱᱚᱰ ᱼ᱑᱗, ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱢᱟᱨᱟᱝ ᱠᱩᱠᱢᱩ ᱧᱮᱞᱟᱜ ᱵᱤᱱᱤᱭᱟᱹᱫᱤ ᱰᱷᱟᱸᱪᱟ ᱠᱟᱹᱢᱤ ᱢᱮᱱᱟᱜᱼᱟ, ᱚᱠᱚᱭᱟᱜ ᱛᱷᱟᱱ ᱱᱟᱣᱟ ᱤᱱᱰᱟᱥᱴᱨᱤ ᱥᱚᱦᱚᱨ ᱨᱮᱱᱟᱜ ᱩᱴᱱᱟᱹᱣ ᱞᱟᱹᱜᱤᱫ ᱟᱨ ᱫᱚᱥᱟᱨ ᱯᱤᱲᱤ ᱨᱮᱱᱟᱜ ᱴᱮᱠᱱᱚᱞᱚᱡᱤ ᱫᱚ ᱵᱩᱱᱤᱭᱟᱹᱫᱤ ᱰᱷᱟᱸᱪᱮ ᱴᱚᱴᱷᱟ ᱨᱮ ᱵᱚᱫᱚᱞᱚᱜᱼᱟ ᱾[᱔][᱕][᱖]
ᱦᱩᱰᱤᱧ ᱥᱚᱦᱚᱨ ᱨᱮ ᱠᱟᱹᱢᱤ ᱥᱤᱨᱡᱚᱱ ᱨᱮᱱᱟᱜ ᱢᱤᱫ ᱴᱷᱟᱶ ᱞᱮᱠᱟᱛᱮ, ᱤᱞᱮᱠᱴᱨᱚᱱᱤᱠᱥ ᱟᱨ ᱟᱭᱤᱴᱤ ᱢᱚᱱᱛᱨᱤ ᱫᱚ ᱫᱷᱩᱞᱮ ᱨᱮ ᱯᱤᱵᱤᱳ ᱴᱷᱟᱯᱚᱱ ᱞᱟᱹᱜᱤᱫ ᱛᱮ ᱢᱩᱬ ᱜᱚᱲᱚ ᱮᱢ ᱠᱮᱫᱼᱟ ᱾[᱗][᱘]
ᱚᱛᱱᱚᱜ
ᱫᱷᱩᱞᱮ 20°54′N 74°47′E / 20.9°N 74.78°E / 20.9; 74.78 ᱨᱮ ᱢᱮᱱᱟᱜᱼᱟ ᱾[᱙] ᱱᱚᱣᱟ ᱨᱮᱱᱟᱜ ᱩᱥᱩᱞ ᱒᱕᱐ ᱢᱤᱴᱚᱨ (᱗᱘᱗ ᱯᱷᱤᱴ) ᱢᱮᱱᱟᱜᱼᱟ ᱾ ᱫᱷᱩᱞᱮ ᱠᱷᱟᱱᱫᱮᱥ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱫᱟᱠᱠᱟᱱ ᱯᱟᱴᱷᱟᱨ ᱨᱮᱱᱟᱜ ᱠᱚᱧᱮᱼᱯᱟᱪᱮ ᱠᱚᱬ ᱨᱮ ᱵᱮᱱᱟᱜ ᱠᱟᱱᱟ ᱾
ᱫᱷᱩᱞᱮ ᱦᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱯᱟᱪᱮ ᱨᱮ ᱜᱩᱡᱽᱨᱟᱴ ᱯᱚᱱᱚᱛ ᱟᱨ ᱠᱚᱧᱮ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱥᱟᱶ ᱱᱚᱱᱫᱩᱨᱵᱟᱨ ᱦᱚᱱᱚᱛ ᱠᱷᱚᱱ ᱞᱟᱜᱟᱣ ᱟᱠᱟᱱᱟ, ᱟᱨ ᱮᱛᱚᱢ ᱟᱨ ᱥᱟᱢᱟᱝ ᱨᱮ ᱱᱟᱥᱤᱠ ᱦᱚᱱᱚᱛ ᱟᱨ ᱡᱟᱞᱜᱟᱶ ᱦᱚᱱᱚᱛ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱱᱚᱣᱟ ᱛᱟᱯᱤ ᱜᱟᱰᱟ ᱨᱮᱱᱟᱜ ᱜᱷᱟᱴᱤ ᱨᱮ ᱯᱚᱸᱡᱟᱨᱟ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾
ᱦᱚᱲ ᱞᱮᱠᱷᱟ
᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱑] ᱫᱷᱩᱞᱮ ᱨᱤᱱ ᱦᱚᱲ ᱮᱞ ᱗᱗᱖,᱐᱙᱓ ᱜᱟᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱡᱷᱚᱦ, ᱠᱚᱲᱟ ᱟᱜ ᱦᱚᱲ ᱮᱞ ᱕᱒% ᱟᱨ ᱛᱤᱨᱞᱟᱹ ᱟᱜ ᱔᱘% ᱢᱮᱛᱟᱜᱼᱟ ᱾ ᱫᱷᱩᱞᱮ ᱨᱮᱱᱟᱜ ᱥᱮᱪᱮᱫ ᱫᱚᱨ ᱘᱕% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱫᱚᱨ ᱗᱔% ᱠᱷᱚᱱ ᱰᱮᱦᱮᱨ ᱜᱮᱭᱟ: ᱠᱚᱲᱟ ᱟᱜ ᱥᱮᱪᱮᱫ ᱘᱐% ᱢᱮᱛᱟᱜᱼᱟ, ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱖᱙% ᱢᱮᱛᱟᱜᱼᱟ ᱾ ᱑᱓% ᱦᱚᱲ ᱮᱞ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾
ᱦᱤᱡᱩᱜ ᱥᱮᱞᱚᱜ ᱰᱟᱦᱟᱨ
ᱩᱰᱟᱹᱱ ᱰᱟᱦᱟᱨ
ᱫᱷᱩᱞᱮ ᱩᱰᱟᱹᱱ ᱰᱟᱹᱦᱤ ᱫᱷᱩᱞᱮ ᱥᱚᱦᱚᱨ ᱨᱮᱱᱟᱜ ᱜᱚᱸᱫᱩᱨ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱱᱟᱜ ᱨᱮᱱᱵᱮ ᱑,᱔᱐᱐ ᱢᱤᱴᱚᱨ (᱔,᱖᱐᱐ ᱯᱷᱤᱴ) ᱡᱤᱞᱤᱧ ᱢᱮᱱᱟᱜᱼᱟ ᱾ ᱟᱱᱩᱰᱩᱪᱤᱛ ᱥᱮᱵᱟ ᱟᱜ ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱥᱤᱨᱰᱤ (᱑᱖᱐ ᱠᱤᱞᱚᱢᱤᱴᱚᱨ), ᱟᱣᱨᱟᱸᱜᱟᱵᱟᱫᱽ (᱑᱔᱘ ᱠᱤᱞᱚᱢᱤᱴᱚᱨ), ᱯᱩᱱᱮ (᱓᱔᱐ ᱠᱤᱞᱚᱢᱤᱴᱚᱨ), ᱟᱨ ᱢᱩᱢᱵᱟᱭ (᱓᱕᱐ ᱠᱤᱞᱚᱢᱤᱴᱚᱨ) ᱨᱮ ᱢᱮᱱᱟᱜᱼᱟ ᱾ ᱫᱷᱩᱞᱮ ᱩᱰᱟᱹᱱ ᱰᱟᱹᱦᱤ ᱫᱚ ᱩᱰᱟᱹᱜ ᱜᱟᱹᱰᱤ ᱥᱮᱪᱮᱫᱚᱜ ᱟᱨ ᱯᱟᱭᱞᱚᱴ ᱥᱮᱪᱮᱫᱚᱜ ᱨᱮᱱᱟᱜ ᱵᱮᱵᱚᱥᱛᱟ ᱯᱨᱟᱯᱷᱤᱰ ᱟᱠᱟᱫᱼᱟ ᱾
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ