Monnai, atestat en 1050, Moenai, vendriá d'un nom d'òme latin, Modinnus, ambe'l sufixe -acum[2], latinizacion del sufixe gallés -āco(n). Monnai èra donc probablament una anciana granda propietat antica qu'aviá per mèstre Modinnus.
Ternant. Lo sens de Ternant, del gallés taro-, « que travèrsa », e nantu- / nanto-, « val, riu, cors d'aiga », seriá de « vilatge situat sus un cors d'aiga que lo travèrsa », o « passatge dins una val » [3],[4],[5]. Ternant es sus un planòl, en naut d'un travèrs que domina una val segondària, mas d'autres vilatges del meteis nom an un autre siti. La dificultat ambe'l compausat Ternant es que gaireben totas las comunas son traversadas per una val o una comba e que lo sens es donc fòrt pauc discriminant.
