Merdançon o Verdanson, es un rec canalizat que travèrsa los quartièrs de l’èst de Montpelhièr. Es un afluent de Les.
Segon Ernèst Negre lo qualificatiu de Merdanson es emplegat per de rius que servisson de doat, e la varianta tardiva de Verdanson es un eufemisme[1].
Segon d'autres autors, aqueste nom es plan ancian (eissit d’un mot preindoeuropèu e qu’a pas ges de rapòrt amb 'merda'). Per Alain Nouvel que trabalhèt suls toponims, los mots " Merdanson, Merdelon, Merdançon o semblants" son des toponims pron espandits d’origina prelatina que designan siá de rius pichons, siá de puèges d’ont gisclan maitas fonts.[2].
Dins lo Pichòt Talamus trobam doas atestacions de Merdanson dins de tèxtes en francés de 1562 e 1567 e una de Verdanson dins un tèxte en occitan de 1309.