Woolwich (uttala Woolitch) er ein stad i søraustlege London, i bydelen Greenwich. Det ligg på sørsida av Themsen, med ein liten eksklave, North Woolwich, som nå er omfordelt til bydelen Newham, på nordsida av elva.
Det går ferje over Themsen ved Woolwich, og det er òg ein fotgjengarundergang som gir samband til nordsida.
Staden har ei lang tilknyting til militæret. I 1512 blei marineverftet Woolwich Dockyard grunnlagt der, i 1671 kom Woolwich Arsenal og i 1741 kom Royal Military Academy. Det er framleis ein militærbase og eit militært museum i Woolwich.
Marknadsplassen i 1959
Fotballklubben Arsenal FC blei grunnlagt i Woolwich i 1886 av arbeidarane ved det militære arsenalet. Den heitte opphavleg Dial Square, blei så Woolwich Arsenal og ein gong etter 1891 berre Arsenal. Klubben flytta til Highbury i det nordlege London i 1913.
University of Greenwich blei grunnlagt i 1892 som Woolwich Polytechnic. Det skifta namn til Thames Polytechnic i 1970, og fekk universitetsstatus i 1992.
