Talleiv Olavsson Huvestad

Talleiv Olavsson Huvestad
Statsborgarskap	Noreg
Fødd	1761 Skafså
Død	13. juli 1847 (86 år) Dalen i Tokke
Yrke	bonde, politikar
Språk	norsk
Talleiv Olavsson Huvestad på Commons

Frå minnebauta over Huvestad utanfor Eidsborg stavkyrkje

Talleiv Olavsson Huvestad (1761–13. juli 1847) var ein norsk gardbrukar, eidsvollsmann og stortingsmann frå Skafså i Telemark.

Huvestad var fødd på garden Storåsli i Skafså. I ungdomen var han omgangsskulelærar. Frå 1794 var han gardbrukar på Huvestad i Eidsberg sokn i Lårdal. Han var 1809-30 medhjelpar åt sokenpresten.

I 1814 var Huvestad utsending frå Bratsbergs amt til riksforsamlinga på Eidsvoll. Stortingsrepresentant i 1818, medlem av sju komitear. Mellom dei var komiteen om utvidinga av Holmestrand, og om utlevering av tjuvar mellom Noreg og Sverige. Han skal ha arbeidd målbevisst for å fremje bondeinteressene.

I 1826 tok han kår, døydde på Huvestad i 1847.

Kjelder

• Tallak Lindstøl: Stortinget og Statsraadet 1814-1914. Kristiania, 1914

Bakgrunnsstoff

• Biografisk informasjon om Talleiv Olavsson Huvestad NSD Norsk senter for forskningsdatas politikararkiv